نسائم نسيم

السلام عليكم ..

حي من غاب و جاب الغنايم ..

العزلة - المؤقته - فيها راحة للنفس .. و تصفية للفكر و حتى للنفوس ..

و اللي مثلك .. فكره يتعبه .. و يحتاج .. كثيرا .. ان يكون مع نفسه ..

لانه من الصعب ان تجد احد يفهمك .. مثلك ..!!

وعليكم السلام
هلا والله بعصي الدمع.ياخوي انا كني بعير همل ان كان اهله قاضبينه ومنتبهين له ماهوب رايح وان صدوا عنه راح.
ياخوي عجزت اصلح من بعض الاعضاء مدري ليه؟
هو البلا في والا منهم؟
انا لا اخفيك ماحب استخدام الصلاحيات اطلاقاً اطلاقاً لان استخدام الصلاحيات او القوى اللي في يد راعي الصلاحية يعتبر عجز ياعصي الدمع .لان الرسول صلي الله عليه وسلم في احنك الامور واصعبها لم يستخدم صلاحياته الربانية في الدعوة الى الله علما بما عاني من الصعاب والاذى والتشريد من بلده واحب الديار له مكة المكرمة كان في يده امر واحد ينهي كل الصعاب لكن النظرة البعيده عند الرسول صلي الله عليه وسلم والنظرة بروح الاستبشار بمستقبل جميل جعلت منه نموذج يقتدى به .
طيب، ليه نغفل هذا النموذج من قدوتنا وحبيبنا المصطفى صلى الله عليه وسلم وكيفية تعاملة مع الاحداث ؟
نحن عندما هاجم الدنمرك الانجاس الرسول صلي الله عليه وسلم ثرنا له وزعلنا وقاطعنا وهذا واجب لكن ليه مانحاول ان نطبق تعامله ومعاملته على من حولة ؟ العفو والتسامح الستر حسن النية سعة الصدر تحمل الامور التغاضي حسن الخلق اشياء كثيرة وكثيرة.للاسف اننا لانطبق ولانحاول ان نستفيد من قدوتنا محمد صلي الله عليه وسلم .
اشياء غريبة ياعصي الدمع .

السلام عليكم ..

و الله اللي مثلك نستفيد منه .. و انت تعاملك مع الجميع بنفس الدرجة من المحبه و الاحترام .. و ان زادت للبعض فالقلب و ما يهوى ..

و طريقتك في التفاهم و الاخذ و العطاء من و الى الجميع .. حلوه و كلامك اعلاه يدل .. على سعة افق .. قد لاتوجد عند البعض سواء

في الحياة ولا حتى في المنتدى .. و ان جا اعضاء ما تركب موجتك موجتهم ..

فما عليك الا انك تتحمل .. و لكن السؤال .. الى متى ؟؟ ..

و ترى استغلال الصلاحيات يبرد على القلب احيانا ..

فما عليك الا انك تتحمل .. و لكن السؤال .. الى متى ؟؟ ..

الى متى ؟الى ان يرث الله الارض وماعليها دام الوضع بهذه الطريقة وهذا التفكير ليش؟لان حنا ماعندنا شي اسمه اذكر محاسن اخيك سابقاً ،ماعندنا شي اسمه ادمح الزله،على قول الشاعر
يازين ماتدمح الزله
،،،،،،،،،،،ياما دمحنا خطياكم
والمشكله ايضا مافيه ربط بين الماضي والحاضر ياعصي الدمع.
و ترى استغلال الصلاحيات يبرد على القلب احيانا ..
نعم بعض المرات يلزم لزم الضرب بيد من حديد او فولاذ لكن متى؟ اذا بلغ السيل الزبا ولم يبق في قوس الصبر منزع
وكما قال الشاعر
سلي الرماح العوالي عن معالينا
،،،،،،،،،،،،،،،،،، استشهدي البيض هل خاب الرجا فينا
إنا لقوم أبت أخلاقنا شرفا
،،،،،،،،،،،،،،،،،،،،،،،،، أن نبتدي بالأذى من ليس يوذينا
بيض صنائعنا ، سود وقائعنا
،،،،،،،،،،،،،،،،،،،،،،،،،، خضر مرابعنا ، حمر مواضينا

السلام عليكم ..

.. الناس ما ترحم يا نسيم ..

و دواهم لا تلقي لهم بال .. خل بالك مع هواك و كيفك ..

اللي يوجع راسك .. ديور و ابعد عنه ..

الزم ما على الواحد .. راحته ..

صباح الخير يانسيم اخبارك
مدونتك مشاء الله تتحول بقدرت قادر الى
ماتريد دين (ثقافه ,هوش , رياضه )يعني كوكتيل

اقتباس: المشاركة الأصلية كتبت بواسطة عصي الدمع    السلام عليكم .. .. الناس ما ترحم يا نسيم .. و دواهم لا تلقي لهم بال .. خل بالك مع هواك و كيفك .. اللي يوجع راسك .. ديور و ابعد عنه .. الزم ما على الواحد .. راحته ..

وعليكم السلام
حنا من الناس ياعصي الدمع ولولا الناس ماجاء هناك فروقات عقلية تميزهم عن بعضهم.
الكيف!!!!!!!!!مافيه شي اسمه كيف، فيه على كيف الناس بس، تخالفهم ولو انك صح تعتبر غلطان.
لكن المشكلة ياعصي الدمع
ومن نكد الدنيا على الحر ان يرى
،،،،،،،،،،،،،،،،،عدون له مامن صداقته بدا
ترى سوالفنا هذي ياعصي الدمع تخصنا مال احد فيها تدخل او انا غلطان .

اقتباس: المشاركة الأصلية كتبت بواسطة النادر    صباح الخير يانسيم اخبارك مدونتك مشاء الله تتحول بقدرت قادر الى ماتريد دين (ثقافه ,هوش , رياضه )يعني كوكتيل

صباح النور يالنادر.
الحمدلله هذا من طيبكم وتقديركم .
لكن نقول الله يجملنا واياكم ويدلنا على الخير

أكتشفت أن هالمدونه أسمها الهواء العليل.

ابومنيرة ترى لو يدرون عنك انك تبي تقلب المدونة سواليف ياويلك