ذكريات طفوله<<ادخل تطمش رائع

اجل ما قد أحرجتي أهلك أبد ههههههههههه

الظاهر انت الي تحرج اهلك هههههههههههههه

ارشح طير شلوى وينه ورا مايجي يشارك؟؟؟؟؟؟؟

أرسل له رسالة خاصة

اشكر حلا القصيم على تجاوبها

ودي واحترامي لكـ

ارشح تؤم الجود

:

:

[align=right]
هذي اجابات اختي مرجوجه ؛ و انا مسرور ان البي الدعوة في هذه المشاركة ؛؛

نشيد كنت تحبه أيام الطفوله ؟؟

لم اكن اعرف معنى كلمة نشيد في ذلك الوقت و اول ما عرفتها كان في المدرسة و كنت ماحب مادة النشيد لاسباب سياسية


شخصيه كرتونيه كنت تحبها ؟

والله ما احب افلام الكرتون و كنت اتضايق مرة منها ؛ احب لعب كورة في الشارع او في حوش البيت ؛؛ حلوة البلنتيات

كيف كنت ايام طفولتك شيطاني ولامؤدب؟؟

عندي احساس ان الادب متوافق مع الشطانه ؛؛ لذلك نقول طفولة مزعجة للاهل و الاخرين ؛ وفعلا كانت طفولتي مزعجة جدا .

ماهي الموقف اللي عرضت فيها او فيه اهلك للاحراج؟؟

كثير مرة ؛؛؛ مرة فلقت واحد بقوطي فليت ؛ جت امه لبيتنا و قومت الدنيا و ما قعدتها ؛؛ و انا متوزي وراء سور البيت ؛؛ يوم راحت ؛ انواع الجلد من الوالدة اللي يطول عمرها و يحفظها .

هل كنت شخص ذو شخصيه قويه أم مغلوب عليه ؟؟

الا شين و قوي عين ؛؛ مكون لي جيش و نلعب حرب بالسيوف الخشب ؛ و دايم اللي ضدنا نسميهم .....

يوم كنت طفل تلعب بكمبيوتر العائله ؟؟

وووووين كمبيوتر معه ؟ ذيك الايام مافيه كمبيوتر ؛ يمكن فريرة

كيف تصف طفولتك بجمله واحده ؟؟

ممتعه و جميلة

افضل لعبه كنت تلعبها ؟؟

كرة القدم و الفريرة

اصعب موقف مر عليك ايامها ؟؟

كثيرة و اصعبها اني نحشت من المدرسة و يوم جيت بدخل البيت الا المدرس اللي انا منحاش بسببه يشوفني و من بكره جلد في الطابور ؛؛ اول المدرسين الله يذكرهم بالخير كانوا يجلدون وبعضهم يحط المفتاح بين الاصابع ثم يفره


اســم دلعك بالطفوله لحد الان ينادونك فيـه ؟؟ وماهو ؟؟

والله مدري هالسؤال لازم يعاد صياغته ؛؛ نقول لقب وهو ابو ياسر

لحقت تتابع سبيستون ؟ ولا القناه الاولي بالصبح والعصريه كم افلام كرتون بالدش ؟؟

كانت القناة الاولى تشتغل و الثانية ما درينا انها فيه ؛ و كانوا اهل الرياض يقولون غصب واحد و غصب اثنين و كنا نقول عطونا لو غصب اثنين لان المباريات تنقل عن طريقها ثم ما نشوفها ؛؛ ترى هالكلام ماهوب قديم بس صدق الى عام 1413 - 1414 ما كان في تمير للقناة الثانية وجود

بطفولتك كنت تبكي إذا ماجلست بالاول بالطابور اوالفصل ؟؟

لا وين ؛؛؛ كنا ندور الاخير

وش اكـثـر حلاوة كنت تحـبها ..؟

مهوب حلاوة ؛؛؛ كان بسكويت يسمونه بسكويت السعادة ؛؛ انقطع من السوق و ماعاد نشوفه

وش اسم اول مـدرس درسك ..؟

ابو عثمان ؛ عبدالله العثمان ؛ الله يحفظه و يطول بعمره على الطاعه وفعلا هو اللي خلانا نحب الدراسه لانه معلم بمعنى الكلمة

هـل كنت تـعانـي مـن اخـطاء فـي مخـارج الحـروف ..؟

لا و لله الحمد

[/align]

اوف والله ماتوقعتك شيطون شكلك مؤدب

هههه

مشكور خيو على تجاوبك

ماقصرت ابو ياسر

ودي ووردي لك

ارشح خيتو مسلفه الراجحي

حياك الله

اقتباس: المشاركة الأصلية كتبت بواسطة مرجوجه    اوف والله ماتوقعتك شيطون شكلك مؤدب هههه مشكور خيو على تجاوبك ماقصرت ابو ياسر ودي ووردي لك

والله قلت لك ؛؛؛ الشطانه ما تعترض مع الادب ؛؛

يعني شطانه و ادب في نفس الوقت ؛؛ يسمونه غثيث

تحياتي