:: المهند في الهند :: رحلة كيرلا الصيفية :: 2012 وأكثر من 530 صورة تتجول هناك ::

اقتباس: المشاركة الأصلية كتبت بواسطة هاوي المزن    مشكووور على التغطية الجميلة ورحلة موفقه ......................... شوقتني للسفر الي الهند

العفو لك أخوي هاوي المزن ..

والله يوفقنا وإياك ..

شكراً لحضورك ..

اقتباس: المشاركة الأصلية كتبت بواسطة ملامح صادقه    صور وآمآكن جدآ جميله ورآئعه وخورآفيه أهنئيك ع هذه الرحله آلآكثر من جميله تغطيه متكآمله وتقرير جميل والكبسه لآحقتكم لين الهند هههههههههههه مآتقدرون يالشعب السعودي آلآستغنآء عنهآ بالعآفيه عليكم

الله يعافيك يا ملامح بريئة ..!!

وما يحتاج الكبسة والدافور لا غنى عنهم في مثل هالرحلات .. لاسيما الدول اللي رايح تتمشى فيها وتكشت ..

الرز ما خذينه معنا من هنا ... كن مهوب الهند اللي تصدره لنا ..

شكراً لحضورك ..

اقتباس: المشاركة الأصلية كتبت بواسطة الكاريبي    مرحبا المهند العشر مباركه . رحلة سعيدة ماشاء الله تبارك الله شي شي مافي الحكي فائدة ابد . في صورة لكم حدر الكبري حلوة وينها ماشفتها ؟ مالقيت الا هذي كنت اتوقع انها منظفات وخاصة اللي غرشتها بيضاء كنها فلاش

هلا بك أخوي أبو مسلم الخرساني.. وأشكر لك حضورك ...

أما صورة الكوبري هذي هي :



تتوقى من الشمس والمطر .. 2 في 1

أما صورتك فهي على قولتك منظفات للبطن .. تغسله غسل .. حتى العقل تنظفه ..

اقتباس: المشاركة الأصلية كتبت بواسطة الكاريبي    ** التجول داخل أحد الأسواق الشعبية .. الان الهند كذا؟وين الهند البلد والعمائر والطرق؟ مافي الهند الا الرجال هذا؟

هلا بك مجدداً .. هند العماير والطرق .. ما فيه غير اللي شفت في هالتقرير ..
طبعاً الكلام هذا لجزء صغير من القارة الهندية .. والباقي ما شفته ..

وأبو شنب هذا أحد المعالم الرئيسية في الهند ..

شكراً لك ..

اقتباس: المشاركة الأصلية كتبت بواسطة المهند    الله يسلمك أخوي أبو رائد .. شكراً لحضورك .. لكن وين تقريرك لأندونيسيا .. نبي لنا تقرير ..

رحلتنا خبط لزق

حجزنا الساعة 5.30 العصر وركبنا الطيارة الساعة 9.30 بالليل يعنى يالله جهزنا ملابسنا

لكن الجايه ان شاء الله بيكون لها ترتيب خاص

خطييره الصوره هذي وتجنن ماشالله
يالله الفووز بالجنه ان شالله
وتسسلم يالطيب على روعة التقرير
الله يسعد قلبك دوووم

اقتباس: المشاركة الأصلية كتبت بواسطة المهند    هلا بك أخوي أبو مسلم الخرساني.. وأشكر لك حضورك ... أما صورة الكوبري هذي هي : تتوقى من الشمس والمطر .. 2 في 1 ..

الله يحييك اكثر اخوي المهند,عاد ابومسلم الخرساني!!ولو ابومسلم لو مايجي منه الا شجاعته وسهل للمسلمين فتوحات بغض النظر عن مذهبه ونيته لكن قضوا به لزوم وذبحوه عدو الله ,
نرجع للكبري والمنظر الجميل!وش اللي حادكم حدر هالكباري وبعدين كن بلدهم مش نظيف اشوف جمبكم نطل جح مدري قرع !
تبي الصحيح يالمهند عز الله عطيتنا صورة للبلد هذا انه ماينراح له ولايستحق عناء السفر .

الغراش هذي في الهند والا البحرين؟؟؟؟؟؟؟؟؟

اقتباس: المشاركة الأصلية كتبت بواسطة ابـو رائد    رحلتنا خبط لزق حجزنا الساعة 5.30 العصر وركبنا الطيارة الساعة 9.30 بالليل يعنى يالله جهزنا ملابسنا لكن الجايه ان شاء الله بيكون لها ترتيب خاص

لقيت الغالب كلها خبط لزق .. وإن نظمنا ورتبنا ما صملنا ..

حلاة الخبز وهو حار ...

لكن فرق أربع ساعات بين الحجز وركوب الطيارة .. هذي ما قد صارت .. لكن الصملة زينة ..

بالتوفيق ..

اقتباس: المشاركة الأصلية كتبت بواسطة لميس    خطييره الصوره هذي وتجنن ماشالله يالله الفووز بالجنه ان شالله وتسسلم يالطيب على روعة التقرير الله يسعد قلبك دوووم

الله يعافيك ويسلمك يا لميس ..

من خطورتها وجمالها خليتها توقيع لي ..

يالله إنك ترزقنا الجنة ..