اهمال مخفر تمير شاهدته بعيني فجر الثلاثاء بحي الخالديه

اقتباس: المشاركة الأصلية كتبت بواسطة ابوعبدالرحمن11    لاحول ولاقوة إلابالله ماالذي يرضيك ياامبراطورنا العزيز الحقيقه ان راسك فيه امبراطور. من كان يعرض الناس ونفسه للخطر فهو ليس سفيه فقط بل في عداد المجانين ولو كان ابني واتقبل ان يسجن ويجلد الى غير ذلك. امااذا غلط لايقال غلطان فهذه من العوامل المساعدعلى الأستمرار في الخطاءولازلت اراءانك مندفع وتظن شخصنت الموضوع في شخص بعينه ووالله ليس هذا مانقصد .اما قولك يجلس معه ويعلم هذا حسن ولكن الكلام مع من لم يتعظ بلأموات كيف يتعظ بالكلمات .والقصد بارك الله فيك ليس تبادل عبارات بقدر ماهو طلب معالجة الموضوع . واذاكنت لم تنزعج من تفحيط ولم تفقد عزيز فاحمدالله ولاتكن عوناً للمزعجين .

يابوعبدالرحمن فيه عيال نقصهم شوي أهتمام من الاهل يعني لو اهله مهتمين فيه كان عرف وش سوي يعني لانفحيط ولا شي مو زين بس تلقا ابوه مو لمه ولا اخوانه الكبار ولا الاقارب له مره
يعني اذ كبر ولدك خوه
ولا فيها شي لو سالت وش فيك وش نقصك وين ريح وين جاي باسلوب حلو انتبه لنفسك وانا ابوك
اذ كنت مع الوحد محترم يحترمك غصب ولا اذ كنت قاسي يكرهك ويسوي شي يضيقك من القهر الي فيه
يابوعبدالرحمن ماتوقع انك ترضاء علي ولدك ينجلد قدام الناس واذ انجلد شف كلام الناس عنه وانت تعرف تمير
والكلام ويبي يقولون فيه وفيه وفيه
يعني شي بعقل والاسلوب الطيب تكسبه

خلاص نقول للبلدية تحط مضمااار لهم بين مبايض وتمير
اخواني الي يفحط انتم ماتعرفونة < اكيد اخوي ولا اخوك ولاولد عمي ولا ولدعمك
كلنا قرية كل واحد يعرف اخية <اعتبر مافية شرطة اصلأ مافية
النصيحة واجبة مني ومنكم ومن كل واحد مسلم
الحل هوووو المناصحة ثم المناصحة
وودي للجميع

التعامل والكلام الطيب هذا ينفع باذن الله قبل ان يمارس الأبن التصرفات الخاطئه والتي لاتصل لذا ألأخرين ثم بارك الله فيك من فينا الذي يرضى
ان يشمت به او بذريته ولكن اذا اخطاء وعاقبته الجهات المعنيه ليس الأمر بيد ولي امره المهم نحن لسنا نتكلم عن دور التربيه بقدر الكلام عن ممارسة ظاهرة التفحيط السيئه بكل المقاييس. وشكراً لهدوئك ونحترم رأيك ياامبراطور .

اقتباس: المشاركة الأصلية كتبت بواسطة ابوبدر97    خلاص نقول للبلدية تحط مضمااار لهم بين مبايض وتمير اخواني الي يفحط انتم ماتعرفونة < اكيد اخوي ولا اخوك ولاولد عمي ولا ولدعمك كلنا قرية كل واحد يعرف اخية <اعتبر مافية شرطة اصلأ مافية النصيحة واجبة مني ومنكم ومن كل واحد مسلم الحل هوووو المناصحة ثم المناصحة وودي للجميع

ياخليك ربي يابو بدر هذا الكلام وأن شاء الله تخلص عمارتك بسرعه والله يوفقك يارب

اقتباس: المشاركة الأصلية كتبت بواسطة ابوعبدالرحمن11    التعامل والكلام الطيب هذا ينفع باذن الله قبل ان يمارس الأبن التصرفات الخاطئه والتي لاتصل لذا ألأخرين ثم بارك الله فيك من فينا الذي يرضى ان يشمت به او بذريته ولكن اذا اخطاء وعاقبته الجهات المعنيه ليس الأمر بيد ولي امره المهم نحن لسنا نتكلم عن دور التربيه بقدر الكلام عن ممارسة ظاهرة التفحيط السيئه بكل المقاييس. وشكراً لهدوئك ونحترم رأيك ياامبراطور .

أن الله علي كل شي قدير
قبل وحتا لو سوا شي غلط ينفع تنصحه فيه ناس انوع الخراب فيه والحين والحمد لله ونعم فيه
ليش ابوه ميعقبه لو يزعل عليه ولا يفهمه اكيد الولد يحس بالي يصير
ياخليك ربي وانا الي اقصد كل شي بتفهم زين مو العباطه

التفحيط علم في كل البلدان موب بس في تمير لحالها

وشوله توجعون رأسكم من الاساس لان مافي نتيجه

وش نسوي بالي منزل الموضوع

والله مو غضب بس مسكت معي علي الموضوع
ليش ابلغ عليه (والله منيب ملقوف ولا بحث ولا هي شغلتي )
انا قصدي ترا الكلام الحلو مع الولد يجيب نتيجه حلوه مو بقوه شرطه كذا يزود الولد هبال اكثر
ولا تحب راسي ولا احب راسك
انت ومتاكد وعرفك (حتا اكثر الاوقات متسند يعني وجهك عند الدركسون

حقيقة الاحظ أن الأمبراطور تمادى في عناده ضد من يطالب في إنقاذ المتهورين بالتفحيط ويبدو هو من هواة مشجعي التفحيط
ويبدو أنه لا يملك غيره على بلده الواحد منا يتمنى الراحه والسلامه لأبناء البلد من هذه الظاهره ويخرج علينا من يشجع ظاهرة
التفحيط اخي امبراطور ياتقول خيرا او أبتعد عن شي لا يعنيك فأنت للأسف غير حضاري

تمير مدينة صغيرة يعني هاللي يفحطون اهاليهم مايدرون عنهم
مايأدبونهم..خلونا من الكبير اللي يفحط من اللي يقال عليهم الطول طول نخلة...الخ بل اقصد الصغار!
ولا واذا شاف واحد يمشي بالشارع يعرفة شطفة بيخوفة يعني تقليد للكبار وهذي اشوفها كثير

وفيه شيئ اخر ياليت الدوريات في تمير توقف عند الاشارهـ زي خلق الله ومايقطعونها (احيانا)بدون سبب !!!!

الكلام والنصيحة مطلوبة

لو تشوف اللي يفحط وتكلمة وتنصحه بينك وبينه وتقولة كلام حلو

صدقني بيتجاوب معك وبيأخذ وبيعطي وراح يستحي منك

شبابنا فيهم خير واهل نخوه وينشد فيهم الظهر

بدال الكلام الزايد واللي ماله اي فايده هنا

رح للولد وعطه كلمتين عسل وانصحة وابتسم في وجهه صدقني بينحرج منك وبتشوفه متغير

وبيتذكر كلامك كل مافكر يفحط

هذي وجهة نظري واتوقع انها سليمة 100%

ولكم التعليق