،’ ¬» مسآحة خاصة : ‌ ‌‌‌‌「 أجمل القصائد والأبيات لـ شعرآء مدينة تمير ) ! ‏

والله أحبك بس ما ودّي تضيق ..! ............................ اببتعد يمكن مع البعد ترتاح ..! خلنا كذآ أحسن وشوف الموآثيق ..! ............................. دآم الفرآق يدآوي الجرح لا فآح ..! لـ الوفاء بنت ..!

لا شان وجه الزمان وخابت ظنونك واحترت في الناس قاصيها و دانيها مالك سوى اللي يعلم بسر مكنونك الواحد اللي خلق خلقه ومحصيها لـ عزام الخريف ( السنافي )

عصـفٌ وحـزمٌ وبالأبطـالِ نفتخـرُ في ساحـةِ العـزِ نصـرُ الله يُنتظـرُ سلمـانُ أعلـنَ إطلاقـاً لعاصـفـةٍ كي تقلع الحـوثَ لا تُبقـي ولا تـذرُ فأقبلـتْ مـن بقـاعِ الأرضِ ألويـةٌ تحكـي التكاتـفَ للمظلـومِ تنتصـرُ هذا هو الدينُ في الكُربـاتِ وحَّدهـم صاروا به قوةً فـي الحـقِ تزدهـرُ سلمانُ ليثٌ وذي الهيجـاءُ سعَّرهـا مُحنَّـكٌ فـي سبـيـل الله مُبـتـدِرُ نصيـرُ حـقٍ وللمظـلـومِ مُلتـجـأٌ وللظلـومِ هـو الصمصـامُ يجتـزر مجـوسُ تبـاً وتبـاً خـاب كيدكُـمُ فالـديـنُ منتـصـرٌ والله مقـتـدِرُ بلادنـا مبـدعُ الأكـوانِ حافظُـهـا فيهـا الأُبـاةُ وبالشجعـانِ تشتهـرُ حكامُهـا سـادةٌ والديـنُ مرجعُهـم في قمةِ المجد كم هاموا! وكم حضروا فاضـت كفوفُهـم بالخيـرِ منهمـراً في رفعةِ الدينِ نهرُ الجـودِ ينهمـرُ قد لامست صرخةٌ سمعَ المليـكِ بهـا كربٌ شديدٌ وفيهـا الشـرُّ والخطـرُ جاءت من اليمـنِ المكلـومِ مكتويـاً بنارِ حوثٍ لهم فـي حقدهـم وطـرُ حتى استجاب لهـا سلمـانُ قائدنـا فحرَّك الجيشَ في الظلمـاءِ ينتشـرُ يصبُّ سوطَ عـذابِ الطائـرات لهـا في الحوثِ ذعرٌ يزولُ الرجسُ والوظرُ جنودنا يـا ليـوث الحـربِ قافيتـي تشـدو بإقدامكـم عـزاً وتفتـخـرُ فجاهدوا في سبيل الحقِ واصطبـروا فالعـزُّ فيـه وفيـه الأجـرُ والظَفَـرُ ولتُثخنوا فـي العـدا فالله ناصركـم فالشـركُ منهـزمٌ والحـقُّ منتصـرُ وأســأل الله تسـديـداً لرمـيـكـمُ ويجزلُ الأجرَ يحلو القطـفُ والثمـرُ تبقـى بـلادي منـاراً للهدى وبهـا طُهرُ البِقَاعِ هواها البـدوُ والحضـرُ شكراً لكم يـا سليـل المجـدِ قائدنـا فنخوةٌ منـك فيهـا المجـدُ والفَخَـرُ تبقـى لنـا سالمـاً سلمـانُ يدفعنـا حبٌ لكم أنت فينـا الخيـرُ والمطـرُ لن أوفي القدر فـي أفيـاءِ قافيتـي لكنني عن قصـورِ الحـرفِ أعتـذر لـ عبدالله الغانم ( المرهف )

مسكين من مثلي غداء اليوم محتار أنا أشهد أن سود الليالي طونه اسهر طوال الليل والدمع نثار وأتابع الونات وأجر ونه لــ الشاعر تركي الفيصل

عاشقا ً مامل من حبك وتاب .................. حبك بقلبي مثل حب ولدي لـ عزام الخريف ( السنافي )

...

آه من جرح ٍ تمكن وعيا لايطيب والليالي كشرت ياحمد بانيابها ماهقيت ان المحبه لها درب ٍ صعيب لين شفت الهم ياصاحبي باسبابها المحبه جرحها ما نفع فيه الطبيب كم رجاجيل ٍ طرحها الهوى باشنابها العذارى من رمنّه بسهم ٍ ما يخيب والعيون السود ما أحدا ً يحسب حسابها والله اني ياحمد من سبايبهن صويب جارك الله من عيونه وسود اهدابها عايش ٍ بين البشر بس احس اني غريب حقي وما جاني والنار من شبابها ليت ملهوف الحشا ياحمد مني قريب ليت باب البيت والله مقابل بابها كان اعرف دواك يا جرح ٍ بقلبي عطيب ما يداوي علة القلب غير احبابها بس مالي في وصال الغضي حظ ونصيب والمحبه من عرفها يبي يشقى بها قالوا أسأل لك مجرب ولا تسأل طبيب واهل مكه ياحمد يعرفون شعابها لـ عزام الخريف ( السنافي )

اليوم انا جيت حيّ ليت ماجيتـه .. ذكرت مافات وايام العزيزيه اقـفيـت عنّه ودمع العيـن هليتـه .. كني غـريبٍ وانــا به كل صيفيه ايام راحت وانا ما يوم مليتـه .. ماهيب لو طـالت الايـــام منسيه لــو التـمني يجــيب اللي تمنيتــه .. ماكان هالحــال وعيوني شقاويــه يازينه العام الاول يــوم وافيتـه .. سبعة عشر واربعميه والف هجريه كتبت زين القصيد وفيه غنيته .. لعيــون منهو هـوى نفـسي وعينيـه كلمات / هذا انا ..

ياناس خلوني على ما طرالي خلوني اكتب لي ولو بعض الابيات ابا اتغزّل في حبيب ٍ صفا لي بنت ٍ عطاها الله من الزين شارات بنت ٍ تقول الزين فيني لحالي وعشاقها حطوا مع النقد شيكات كلا ً يبيها بس ماله مجالي تقصر خطاهم عن بعيد المسافات هذي تمير وغيرها مابقا لي اللي غلاها ما يبي صك واثبات تمير ياديرة عمامي وخوالي دار الرجال اهل الشرف والمروات أفعالهم للطيب باول وتالي هم عزوتي لا صار فالوقت ميلات يبين فعل الطيبين الرجالي في حزة ٍ يشمت بها كل شمات ربعي لهم قدرا ً مع الناس عالي ربعي لهم في واجب الضيف عادات هم فزعة اللي باغتته الليالي هم نصرة المضيوم في كل حزات اهل الكرم واهل الفعول الجزالي يشهد على ماقلت وقت لهم فات ويشهد عليه مسوطرات الدلالي وياما لهم في ساحة العز وقفات عسى السحاب اللي نشى بالخيالي يسقي ديار اهل الفعول المسمات وان كان عمري يالاجاويد طالي بكتب لها كل القصايد والابيات وان مت حطوني في قبرا ً هيالي وسط الخويش وفوق قبري علامات عشان من مره ترحّم وقالي الله يرحم شاعرا ً مابعد مات لـ الشاعر : عزام الخريف ( السنافي )

فـي تميـر ياجـعـل الـمـزون المـراديـف يـسـقـي مـطـرهـا كـــل شــبــراً ووادي في خاطري تسوى هـل جنيـف وجنيـف وان كــان مــا صيّـفـت مانـيـب غـــادي لـ عزام الخريف