رُكْن النهاية

أدرى المشاريه وأدرى غلطـة لسانـي
وأخشى على سمعتي لـذع الحواقيـدي

وأرفض هوى النفس وأخزي كل شيطاني
وأسعى ورى الستر غير الستر ما أريدي

ولانيب أخيـل الخيـال إليـا تعدانـي
واركاب فكري عن الحادر مسانيـدي

ما أزكي النفس ميـر السلـم ينهانـي
أسمو بنفسي وتسمـو بـي مقاصيـدي

والمنه اللـي تزيـد الرجـل حقرانـي
مالي بها لـو تزيـد العمـر ترغيـدي

الشوك عندي ولا السجـاد الإيرانـي
دام الكرامـه زمـام خطامهـا بيـدي

ما تغني النـاس كـان الله مـا أغنانـي
اللي إليا من عطا مـا يعطـي زهيـدي

مرحوم ياللـي لعـز النفـس ربانـي
هو الذي يستحق أقـول لـه سيـدي

والله يا كـان ربـي مـا رفـع شانـي
ما يرتفع من مجامـل زيـد وعبيـدي

يكفيني اللي من أسباب الدهـر جانـي
عرفنـي الخايبيـن مـن الأجاويـدي

الشاعر حسين بن معوضه ال ملهي الحبابي اطلع علي مجله اليمامه 1421في 24/4/1416هـ وماقاله الشاعر دسمان بن مناحي السبيعي حيث قال دسمان هذه الابيات التاليه ومناسبتها :-
ان والد الشاعر دسمان بن مناحي السبيعي مريض علي اثر جلطه افقدته قدرة النطق والحركه ظل حبيس السرير منذو فتره طويله والمعروف انه واحد من الرجال الذين اصيبوا في موقعة من مواقع الملك عبدالعزيز رحمه الله بالجنوب00
قلنا فقد القدرةعلي النطق وذات ليلة نطق باسم ابنه دسمان في نداء اخواه المرض والضعف قال دسمان

لبيـك لبيـك ياصـوت يناديـنـي
لبيك من بـدت القاصيـن والدانـي

لبيـك لبيـك مـن قلبـي ملايينـي
لبيـك لبيـك ثـم لبيـك بلسانـي

ماهوب لبيـك ياصـوت المزايينـي
لبيك ياصوت ابويـه يـوم نادانـي

كفي لك فراش ولحافك هدب عينـي
مادام انا حـي تامرنـي وتنهانـي

يابوي مافيه شـى عنـك يلهينـي
طاعتك من طاعه اللي سن الاحساني

ان مت قبلي بكيتك ليـن توحينـي
وان مت قبلك فلا تبكي علي شانـي

بيالة شاهي منسكبة!

عندما شاهدت الصورة اضحكتني كثيراً

(الطيب كايد والمراجل توافيق)
...........................يحريبها اللي يمّها حثّ ساقه
اللي يفز اليا لفوه المطاليق
...........................وشوف الرجال الطيّبين اشتياقه
درب المراجل عسر وينشّف الريق
...........................على الرديّ اللي علومه ادقاقه
اللي ليا طال المدا قال / ما اطيق
...........................قلّه / مـتبرك للثقيلات ناقه
ياقلّ صدقان الرخا حزّة الضيق
...........................فـالماقف اللي به تبين الصداقه
فيه الحرار الشقر تصبح غرانيق
...........................ويبيّن الهافي رداه ونفاقه

,’

اقطف ثمر صدري لو ضلوعي عجاف
...........................عن مايوسّع خاطري كل ليله
ياصاحبي ذا الوقت من جد ينعاف
...........................اللي به الحصني ركز راس ذيله
لو الردى بوجيه الأنذال ينشاف
...........................ماكان غرّتنا السنين الطويله

المرجله خيمه والأفعال الأطناب
،،،،،،،،،،،،،،تثبت ولو هبّت عليها الهبـــــــــايب
ومن لاتمرجل في حياته وهو شاب
...........................ماهوب متمرجل ليا صار شايب

وقت القسا ياسعود لله درّه
...........................خلاني آفكّر واعيد الحسابات
احذر عدوّك يابيض الوجه مرّه
...........................لكن صحيبك احذره 10 مرات

لو كل مايطري على البال ينقال
...........................ياما اكثر اللي بالضماير نقوله
نكنها عن ناقل القيل والقال
...........................اللي على النمات يشعب ذلوله

لو كل منهو قال بيصير رجال
...........................كان النساء يستاهلن الرجوله
وأن مااقترن هرج البنادم بالأفعال
...........................الطيب مهما قال ماهوب حوله
عليك باللي وقفته تشرح البال
...........................اللي يقول القول ويتم قوله
وألا الردي لو هو من العم والخال
...........................لايربطك معه النسب والحموله
خله على فاله وروح على فال
...........................لن المراجل ماتجي بالسهوله
هذا الكلام وزبدة الهرج لاطال
...........................خذ بيت واحد واحتفظ به وقوله :
لو كل منهو قال بيصير رجال
............................كان النساء يستاهلن الرجوله

,’

هاك الكلام وحط قولي ببالك
...........................أنا رفيقك كل مازاد همّك
لاتعتبرني جمّل الله حالك
...........................ألا أخوك اللي من ابوك وامّك
يعلم بي الله كل ماجا مجالك
...........................احس وآنا امدْحك بأني اذمّك

,’