تعالوا عطونا أقتراحاتكم في مهرجان تمير القادم

اقتباس: المشاركة الأصلية كتبت بواسطة العزي    أقتراحات حلوة بس ... !! العادة في كل شئ أنه في البدايه ضعيف ويبدأ بالقوة شئ فشئ أما مهرجان تمير بدأ ناري وبعده بدأ بالبرود وأصبح ممل !! وكانكم تبي تجيبون العريفي وصوني أكلمه << يدرسني بالكلية هع هع << واسطات ويا ليت يكون متنوع .. أتمنى إحضار الضبعان <<< أفلقني خخخ أقترااح جديد من نوعه !! الأتصال بمفتى المملكة وأخذ لقاء مفتوح عن طريق الجوال وأتوقع ما فيه مااانع !! بالتوووفيق لكمــ . ــ

هلآ أخوي

كآن عندك واسطة جب العريفي + الضبعآن

يقول المثل من شآور ماعطى

وبالنسة لأقتراح نتصل بالمفتي

فكرة رائعة
لكن ليس من سمع كمن شآهد !

يعطيك العافية

اقتباس: المشاركة الأصلية كتبت بواسطة شر التماسيح    اهم شئ عندي العشااااء خخخخ

ههههههههه وين نجيب لك عشآء منه

ماعندنا حق تمآسيح

اقتباس: المشاركة الأصلية كتبت بواسطة الاسير    الجبيلان والضبعان ياليت حضورهم وياليت ما يمنع التصوير مثل العام حصري حصري الله وكبر يا كاس العالم

أشكرك على التعليق والمرور

اقتباس: المشاركة الأصلية كتبت بواسطة جن جنونه    لا لالالالالالالالالالالا مهرجاان حريم ... خلوناا على الرجاال احلا ولو يخصصون للبنات الصغار في النادي مكان لهم احلا

أتوقع يحطون المتحف الأشياء القديمة في النادي نفسه

أن شآء الله مالكم ألا اللي يرضكم

اقتباس: المشاركة الأصلية كتبت بواسطة دحوم الخالديه    شي طيب كلامك في الصمييييييييم هع

ياهلات بالهعات كلهآ

يسلمك ربي على المرور مشرفي

اقتباس: المشاركة الأصلية كتبت بواسطة العزي    هالسنه ما فيه مزاين سيارات ؟؟؟ << أفضل بعير .. عفوا أفضل سيارة !!

والله مدري
أن شآء الله يحطون لك أفضل سيكل

اقتباس: المشاركة الأصلية كتبت بواسطة جوري    اقترح ان يوضع متحف تراثي افضل من السنه اللي راحت

أنا أشوف أنه العآم كآن مميز المتحف

أن شآء الله هالسنة أفضل وأحلى

أشكرك

اقتباس: المشاركة الأصلية كتبت بواسطة رجال الرجاجيل    يعطيك العافية اخوي على الموضوع المميز وعلى قولتهم اختلاف الراى لايفسد للود قضية احب ان يكون هناك اضافة جديدة للمهرجان وهو ان يكون يوم ( للشياب وكبار السن ) من ستين سنة وطالع وان يكون القاء والحوار مفتوح مع ابائنا واجدادنا اطال الله في اعمارهم ونسمع منهم القصص والحكم والقصيد والمواقف التي كانت بينهم وشكرا

والله أفضل أقتراح بالموضوع

والله مميز
والأميز أسلوبك الرائع

الله يعطيك ألف عآفية

اقتباس: المشاركة الأصلية كتبت بواسطة البحار الشبرمي    أخوي الحزيـــن يعطيك ألف عافية على موضوعك المتميز بالفعل موضوع يستحق الانتباءة له حيث عانينا في العام الماضي من المهرجان لأن المهرجان كان ناقصة أشياء السنة الماضية مثل يجب أن يكون هذه السنة محاضرة للشيخ الجبيلان أو الشيخ العريفي أو الداعية سلطان الدغيلبي (أبو زقم) وأيضاً نتمنى أن يكون هناك أمسية شعرية لشعراء تمير مثل الشاعر فهد المفرج والشاعر عزام الخريف وعدد من الشعراء مثل فواز الهفتاء ويجب أن يكون هذه السنة نصب سيارات في تمير ويشمل النصب السيارات من موديل 87 الى موديل 97 ومن 98 الى 2005 ومن 2006 الى 2010 وأيضاً نتمنى أن يكون هناك زيادة في أيام المهرجان لأنه ناجح بكل المقاييس في الختام لايسعني إلا أن أشكر الـــحــزيــن على هذا الموضوع وأشكر الأدارة على الموافقة على الموضوع

والله أحرجتنآ بكلآمك أخوي

الله يعطيك ألف ألف ألف عآفية

وأنا رآيي من رأيك الله يسلمك
نورت الموضوع أخوي

اقتباس: المشاركة الأصلية كتبت بواسطة خالده    تكفون جيبو الجبيلان لانه يوسع الصدر ويستمعون له الشباب

والله نتمنى أحد يسمع لنآ ويجيبون الجبيلان أو غيره
العريفي , خالد الغامدي , أبوزقم , أبو مشهور

كلهم فيهم الخير والبركة

الله يعافيك

اقتباس: المشاركة الأصلية كتبت بواسطة الكاتب2010    اقترح استضافة رؤساء الدوائر الحكومية في تمير والمجلس البلدي ليتم المصارحه بينهم وبين أبناء البلد بكل اريحيه وشفافية واحترام وتقدير لكي نساهم جميعاً لجعل تمير مدينة جملية

ههههههههه لا والله مانبي

كآن متطاقين

ملحن فاضين مشآكل خخخ

لكن أقتراحك على العين والرآس أخوي

أشكرك على المرور

اقتباس: المشاركة الأصلية كتبت بواسطة ولد تميم    اشكرك على هذاالاقتراح واتمنى اقامة مهرجان للنساء فهوناجح بامتيازل واغلب بناتنا وامهاتناء يردنا ذلك خاصة وان المهرجانات السابقه قدلاقة نجاح باهر بشهادة جميع من حضر

ههههههه أصبر وين

على طول نآجح هآه ههههه

الله يعافيك وبصراحة مهرجآن الحريم يبغى ميزانية تمير لحاله
ياويلي من الحريم

هههه

اقتباس: المشاركة الأصلية كتبت بواسطة عبدالعزيز الهزاع    على قولة الاخوان السنه هذي نبي تجديد حتى مكان المهرجان لو يكون على الثيل افضل وابرد للجمهور اما الحصري الي حدث العام الفائت في ظني انه تصرف فردي ولن يتكرر الا اذا كان فيه دخل مادي للمهرجان لمالك الحقوق فهو على حق غيرها التصوير نطالب بفتحه للجميع وبلاش تشدد على غير سنع في الاخير ماراح يحصل المتسبب الا الفشيله دمتم لتمير ومهرجاناتها بكل خير

أيه والله العآم موقع المهرجآن فآشل
أحسن شيء على الثيل

برادت واللهم لك الحمد

الله يعطيك العافية عبدالعزيز

اقتباس: المشاركة الأصلية كتبت بواسطة النادر    قبل مانفكر في البرامج لازم نفكر في سلامة الاطفال الموجودين بالموقع ياليت يكون المدخل من جهة برج المياه وليس للشارع العام مباشرة لانريد ان يذهب احد الاطفال ضحية سياره عابره للشارع العام وسرعة بعض الشباب اتمنى ان يفعل هذا الاقتراح .

والله كلآمك عين الصواب

لكن تدري أن هالمشكلة مالهآ حل

لأن الدخول من هنآ وهنآك كله واحد

قاطعين قاطعين الشآرع الله لايعوق بشر

لكن لآزم نحفظ فلذآت أكبآدنآ نحن بآنفسنآ سواء الأباء أو الأخوان
يعني بالعربي الفصيح
لآزم نصبر أسبوع واحد على عيالنآ ونوصلهم للنآدي ولانخليهم رايحين جاين مع هالشآرع
والله يعين وبس


أشكرك من الأعمآق يالنآدر

شرفت الموضوع

اقتباس: المشاركة الأصلية كتبت بواسطة أبونواف11    معك وبقوة بهذا الخصوص أما باقي الأشياء ماقصروا اللجنة المنظمة الله يجزاهم خير

هلآ فيك مشرفنآ أبونواف

اقتباس: المشاركة الأصلية كتبت بواسطة عبسه    اي والله اهم شي الاطفال لازم يكون باب الدخول للمهرجان بعيد عن الشارع العام حتى نتجنب مخاطر عبورهم للطريق ومخاطر السيارات

مرحبا

الله يكتب اللي فيه الخير أن شآء الله

اقتباس: المشاركة الأصلية كتبت بواسطة أمير بأخلاقي    المهم الحفل مايصير الا بوجودي لا زم نجمع شباب تمير كلهم مو يجي واحد و10 مسافرين زين وسوو الي تبون اهم شي اكون فيه ترى بحق

أبشر ياصآحب السمو الملكي

ههههه المهرجآن ماراح يفتح ألا ببصمة من سموكم

أنت أمر وألحن نطآمر

اقتباس: المشاركة الأصلية كتبت بواسطة كرستيانو سدير    امممممممممممم ياليت العريفي والا ابو زقم لبى قلوبهم واتمنى اذا اقيمة المباره النهائيه للكورة القدم يجيبون لعيبه من الاندياه الكبار من الهلال والنصر والشباب

فكرة نجيب لآعبين حلووة

لكن يبي لهآ وقت

وأن شآء الله مايقصرون الذيابة

لك مني أجمل تحية

أعذروني على الردود السريعة لي على أقتراحتكم الزينة



ياأعضآء أدعوو لنآ ننجح باأختباراتنآ



والله ياأنا أحس بصداع مووب طبيعي

شي طيب يكون موزع المهرجان يومين للشياب ويومين للشباب

وتنوع الافكار شي لابد منه لينجح المهرجان لايقتصر على العاب ناريه وصور كم بزر بالمهرجان

وعلى قوله جدتي العيد ينفع بدون حنا

انا اقترح تكون جميع الفعاليات داخل صالة النادي بصراحه الجو في الخارج بيكون حار بقوه لا ليل ولا نهار
الارصاد يتوقعون تكون الحراره اعلى من الي قاعدين نشوفه الحين الله يستر
عندي فكره بما اننا في وقت الضبان لو تخصص مسابقه لاطول ضب تم صيده اتوقع بتكون ناجحه

اهم شي جذب المواهب من كافة الفئات وفي جميع المجالات وابرازهم في هذا المهرجان
ومن اراد المساعدة انا موجود