●• خزآمىَ الصَحآرى « للشعْر والخَوآطرْ !

عل ما باس ياللي تشتكي حب غالي

منوته شوف خلٍ مايدور بديله ..

واجد الناس لكن مالي غيره مجالي

لاذكر ما مضى له والليالي الجميله ..

يا وسيع المعرفه ما جرى لك جرى لي

اسأل اللي مجرب له سنين طويله ..

لا تحط التوجد والعنا راس مالي

ذي سواة الهوى دايم حموله ثقيله ..

الهوى يا بوفيصل مثل فيَ الضلالي

لي تغير زمانه كل شي يزيله ..

‏‎‪ نرسم الاحلام في هيئة مطر
‏والنوايا طاهره رغم الانين
‏
‏كانت الدنيا عباره عن صور
‏التقطناها على مرّ السنين ..

يارفيقي يا دوا القلب وعناهـ ..
اعذر اللي فاض من كثر السكوت ..!!

لو يطول العمر .. وتزول الحياهـ ..
والله اني وافي(ن) لين اموت ..!!

أشتقت لك أكثر من أول وحنيت
تركتني وأستوطن الهم صدري
ياقسوتك لو كنت تدري ولا جيت
وياضيعتي لو أنت ماكنت تدري

فهد المساعد

والله اني بوسط الناس كني خلاوي

من يلوم المفـارق عقب فرقا خويه ..

أشهد ان المفارق من عظيم البلاوي

مير هذا نصيبك يا العيون الشقيه ..

^
ابيات روعه اعجبتني كثييير



نمسي على حال ونصبح على حال
يـوم لنـا .. والـيـوم الاخـر .. عـلينا

يـوم سسلا الـخاطر ويـوم غثـا بال
طـبـع الزمـان وححكمـة اللـه فـينا　

ياالله صباح خير يا والي الخير ..
ياموزع الارزاق في كل ساعه ..

عليك ياربي جميع التدابير ..
ورزق الخلايق فرد ولا جماعه ..

../

أيامنا والليالي كم نعاتبها
شبنا وشابت وعفنا بعض الأحوالي

تاعد مواعيد والجاهل مكذبها
واللي عرف حدها من همها سالي

إن أقبلت يوم ما تصفى مشاربها
تقفي وتقبل وما دامت على حالي

في كل يوم تورينا عجايبها
واليوم الأول تراه احسن من التالي

أيام في غلبها وايام نغلبها
وايام فيها سوا والدهر ميالي

جربت الأيام مثلي من يجربها
تجريب عاقل وذاق المر والحالي

القرآن جنة ، يا من تبحثون عن جنات الله في ارضه ♡

المحبه ما تجي في كل روح
الله اللي حطها لك في ضنينك ..
دوك برق الشوق في قلبي يلوح
ورف جفني رفة اللي في يدينك ..