●• خزآمىَ الصَحآرى « للشعْر والخَوآطرْ !

وقات ياخذنا الحكي
.................. وننسى في الحكي اوقات
واوقات ياليت الكلام سكات
..................... واوقات يجرحنا الحكي

طال صمت الجروح.. وصبر الأيام طال
،،،،،،،،،،،،،،،،،،،،،،،،،،،،،،،في أمل غيمةٍ ما لاحت بروقها

في عيونٍ مشاعر ودّها لا تزال
،،،،،،،،،،،،،،،،،،،،،،،،،،،،،،والاحاسيس صعب مقاومة شوقها

بين نار الجواب اللي تحرَّى السؤال
،،،،،،،،،،،،،،،،،،،،،،،،،،،،،،وبين غيض الجروح وذبح معلوقها

بصمةٍ صدقها ما يقبل الاحتمال
،،،،،،،،،،،،،،،،،،،،،،،،،،،،،،،،،عهدها بالقلوب وصيغة حقوقها


الشاعرة/ فتاة نجد

الفرق بين الديم وبين دمعي
.................. هو إن دمعي لك والديم للناس
أغليكي وأحلف لك بربي وربك
............................ وأفخر بحبك ياأمل وأرفع الراس

صباح الخير والبن والهيل !

كم من صديق باللسان وحينمــــــــــا
.................تحتاجه قد لايقوم بـــــــــــــــواجب
ان جئت تطلب منــــــه عونا لم تجد
........................... الا اعتذار بعد رفع الـــــــحواجب
تتعثر الكلمــــــــات في شفتيه
.............................. والنظرات في زيغ لأفق ذاهـــب
يخفي ابتسامته كـــــــــــــــأنك جئته
....................................... بمصائب يرمينه بمـــــــــــصائب
والصحب حولك يظهرون بـــــــأنهم
.................................الأوفياء لأجل نيل مــــــــــــآرب
واذا اضطررت اليهمو او ضـــــاقت
........................... الأيام مالك في الورى من صاحب
جرب صديقك قبل أن تحتــــــــــاجه
.................................ان الصديق يكون بعد تجـــــــــارب
أما صداقات اللسان فـــــــــــــــانها
.................................مثل السراب ومثل حلم كــــــــــاذب

جيت أبقطف لك من أغصانك ورود
،،،،،،،،،،،،،،،،،،،،،،،،،جيت أظلك تحت ظلك وأهتدي

يحرسك ربي من عيون الحسود
،،،،،،،،،،،،،،،،،،،،،،،،،ولعي نارك بصدري وأرقدي

جيت يـ الرّجم الطويل ولوعة العـآشق حنـآنه
،،،،،،،،،،،،،،،،،،،،،،،،،،،،،،والزّمن زلآت ونغطّي على الزله بـ زلّه


كنّ حـآلي حـآل من عوّد على رجوى مكـآنه
،،،،،،،،،،،،،،،،،،،،،،يوم جـآله شـآف له شخصٍ غريب وفي محلّه


هي خيـآنه بس مـآودي اسميهـآ خيـآنه
،،،،،،،،،،،،،،،،،،،،،،،،،، سمّهـآ غلطة خليلٍ مـآعرف وش قدر خلّه

أنا في خاطري كلمه ولا ني قادر اخفيهـا
..................يقولون الزمن غادر وانا اقــــول الزمن وافـــــي
يقولون الصداقه سنين تبعدهـــا وتدنيهــــا
....................... واقول ان القلوب اقوى مابين احساسه واحساسي
صداقة ترم خلتني ..مع رقه معانيهــــا
........................ كتبت من الوفـــــــا قصـه ادونهــا بتجــرافــــــي
ألا كل الحـلى منهو بهالدنيــــا يوازيهـــــا
............................ صديقه لا قسى وقتي وغدى بي الدهر جافــــــي
عسى الله بالفرح يملى حياته وكل امانيها
.......................... بفضل الله يحققهــــــا ويبقى قلبهـــــا صـــافـــــي
وعسى المولى يخليها لعين دوم ترجيهـــا
.............................. وتبقى بيننا الصحبه على مر الــــزمن كــــافـــــي
وصلاة الله على طه عدد مانادى ناديهـــا
............................. في يوم الضيق يوم العبد يلجى ربنا حــــــافــــــي

هذي سالفة وليست قصة ،حصلت لثلاثة
!
بن وقيان ،وابواثنين ،وبن قرملة!
بن وقيان شيخ الغييثات من الدواسر
ابواثنين شخ الجمالين من سبيع
بن قرمله شيخ قحطان كافه.
مع بن حجرف من رجال الكويت واشهرهم كرم !
تخاووا للكويت وهم ماشين( طرقية )ويوم اقبلوا على الدبدبة شافوا بيت شعر كبير ،وعادة الطرقية يفرحون ببيوت العرب يتقهوون عندهم ثم يواصلون مسيرهم للمكان

اللي هم قاصدينه،راعي البيت رجال كريم من اهل الكويت ومشهور بالكرم يقاله بن حجرف،رحب بالطرقية وقلطهم وشب الضو ،ومعزبهم رجال شمالي وراكد مافيه عجله
وكل اموره راكده ،والضيوف ذولا اصغرهم بن قرمله وقال لربعه الظاهر ان معزبنا ماهوب مقهوينا يقولها من باب العجرفه والمزح مع ربعه اثر المعزب بن حجرف سمع

كلمة الرجال وجت في خاطره(وعلى قول المثل كلمة السوء توصل بسرعة) وهو يعود عليهم ويجيب قهوة سوداء مثل قهوة اهل الشمال تجي سوداء وثقيله ،وهو يصب الفنجال الاول ويثنيه عليهم وثالث ،ويوم تقهووا

وخلصوا ،وهو يطلع معاميل خاصة به فيها دلة رسلان وهيل وبُن اشقر وزعفران ويسوي قهوته ويوم خلصت وهو ينفهق وراه (اي ابعد عنهم شوي ويصب لنفسه ويتقهوى

وهم يناظرون ،وهو مايعرفهم ولا يدري وشم من عرب اللي يعرفه انهم طرقية يتقهوون ويرتاحون وان وافقوا عشاء والا غداء ويمشون في سبيلهم،المهم ان الضيوف يبون
يتقهوون من هالدلة والقهوة الزينة !قال بن قرملة يامعزب الرحمن ماتقهوينا من هالدلة القهوة الشقرا الزينة؟

قال اما هذي لا!الا الرجال اللي يبي يعد لي فعله وان كانه كفو صبيت له فنجال !والمعزب قاصد ومتعمد يسوي الدله ولا يصب لهم لانه يبي يختبرهم ويتعرف عليهم!

قال بن وقيان صبها للي يفك الطياح نهار الصياح،قال انت من انت ؟قال انابن وقيان !قال كفو انت شيخ الغييثات من الدواسر تستاهل الفنجال.

قال ابواثنين صبها للي يجمعها لاتفرقت ويفرقها لاتجمعت،قال انت من انت؟قال ابواثنين!قال كفو ابواثنين شيخ الجمالين من سبيع تستاهل الفنجال .

جاء دور الثالث بن قرمله قال يامعزبنا مايكفي فعل ربعي عنّي؟ قال لا!اما انت لا!لان المعزب جاي في خاطره من بن قرمله ويوم يقول معزبنا الظاهر ماهوب مقهوينا

قال بن قرمله صبها للي يبوج لها الطريق ويدمح زلت الرفيق !قال من انت قال بن قرمله ،قال المعزب تستاهل انت شيخ قحطان تستاهل الفنجال !

لكن انت غثيتني مرتين قال وشلون غثيتك ؟قال ،المرة الاوله يوم تقول ماهوب مقهوينا ،والثانية يوم تقول يدمح زلة الرفيق ،وانا ما دمحت زلتك ،

لكن ترى غداكم اليوم وهو يذبح لهم ثلاث خرفان كل واحد له خروف ،وهي تجي معرفه وصارت سالفة وصحبة بينهم .
الكاريبي

جرح الصداقه ما تداويه الايام
..................لمن جرحني صاحبي وش بقالي

لصار اعز الناس بزيدك الام
..................من ترتجي يا قلب تشكيه حالي

عزي لقلب دايم الدوم منضام
.................ما شاف في هالدنيا رفيق موالي

ياحظ من مثلك هنا العمر له دام
..................يا حظ منهو قاسي ما يبالي

ابكي على جرحي وداويه بوهام
...................والقلب لزادت همومه شكالي

دمعه ورا دمعه والاحزان قدام
.....................والحب كلمه عشتها في خيالي