●• خزآمىَ الصَحآرى « للشعْر والخَوآطرْ !

على جو المساء اللي كتبلك للغلا مقدار
كتبت اجمل معاني الغلا للغالين واهديها


مساء الورد والبسمة ندية تلفت الانظار
من الخاطر سلامي لك وطيب المسك حاويها

الله :
هو الوحيد الذي نذهبَ اليهِ بلآ موعد ندخل وراء بابهِ ,
نشكو اليهِ بلآ مبرآت بلآ حجهِ بلا كذِب !
نبكيَ اليهِ ولا نخشىَ !
نبكيَ عنده دون الحاجهِ ان نستر عريَ المواجع التي تجري بَ عروقنا !
و دون الحآجهِ آن نقول اذا انتهينا لا تُخبر احداً ♡

بعض( الغلا ) مثل الطيور العآبره

....................لكن ؛؛ غلآآك مثل الفضآ بسمآه الوآسعه

ما كل شخصٍ تعرفه تستشيره،،
.................... بعض الاوادم ماورى عِرفهم خير
واحد يجي قدره مثل قدر غيره
......................... وواحد يجي مثل الذهب معدنه غير

مهما يجور الوقت ماوطي الـــــراس =ماسارت اقدامي بدرب الـــرديه

ماكل مايلمع ذهب بعـــــــضه نحاس = اصابعك بالكف ماهي ســـويـــه

الطيب في لبس الرجل صــار ينقاس =ونفسه من سلوم المراجل خـليه
الطيب يبغى قــــــرم مايشكي الباس =يعطي ولا فــــــــكر بجزل العطيه

وقاع البحر يبغى خبيرن وغـــطاس =يصعب على عفنن عزومه رديه

والحر حـر وماكــــره فيه قرنــــاس =وكلن على ماقيل يشبه خـــــويه
بعض البشر مابه ولو ذرة احساس = عفنن ولد عفنن سواة الرمـــيه

ودرب الردى ماقد ذكر فيه نوماس = وترى الغني من كان نفسه غنيه
الناس فيها اشكال ولوان وجنــاس = والفرق بين النــاس بالمــــقدريه

بعـض البشر مثل العسل والجواهر
................مهما وصفته بالحلا ماله أوصـاف
بعـض البشر طيبه على الناس ظاهر
...................ما يختفي مثل القمر دوم ينـشـاف

المرّ يا صاحبي يفرق عن الحالي

( والنار ما تحرق إلا رجل واطيها )

الناس ما همها جرحي ولا حالي

اليوم كلٍ يبي نفسه يبديها

الوقت الأول تغير حيل يالغالي

ما عاد به ربع وتشيلك بياديها

ما كل شخصٍ ضحك لي يا خذ أقوالي

وما كل هرجه أبسمعها أبحكيها

واللي حكابي وصار بصف عذالي

أسامحه كيف لكني أعديها

الصبر طيّب وعندي هالمثل عالي

من راقب الناس مات وليه اسويها

الله يرضى عليكم ريحوا بالي

الكلمة اللي تهين النفس ما بيها

دام المراجل تغيب بوقتنا التالي

وش ينبغي في حياةٍ شان تاليها

ماكلْ شامخ بالهبايـب هزيـزه
خلّك جبل مافيـه ريـحٍ تهـزّه
الموت مرّه خلْ نفْسـك عزيـزه
عن عيشةٍ بالذّل موتـك معـزّه