.•|[ وإنّ ضآق صدّري من هُمومي ~» تَنْفسّتِ ]|•

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    السلامَ عليكمَ , مدونة جداً متميزة و متنوعة , آحتوتَ على كلَ مآهوَ جميلَ ورآئع , بآركَ الله فيكَ أخيَ النآدر , لآهنت ,

الحمدالله على سلامتك اختي الوفاء وعودا حميدا ان شاء الله
وسعيد بتواجدك بالمدونه واشادتك اعتز بها كثيرا
والله محييك دووووم

الموت هي نهاية المصير وهي نهاية العالم باسرة
هل تستذكر لحظات الموت وهل حاسبت نفسك قبل
ان تحاسب .
غلطان وواهم من يامل طول البقاء فالموت ويتخطاكم
الى غيركم ويتخطى غيركم اليكم فستعدوا له

فتره بسيطه لو يطولن الايام..

ونغادر الدنيا بليا رجوع..

نمشي بدنيانا ونتبع للاوهام..

كل(ن) على عقله يجيبه قنووعي..



نركض ورى الدنيا ونجمع الانعام..

كن الحياه مخلده رهن طوعي...

ياكيف ننسى ساعة الموت قداام ..

قدام عينك ياكريم الطبووع..





في حزة مادونها درع وحزام...

وقت الموادع وافتراق الجموعي..

شالوا جسدك وحط قدام الامام..

وتجمعوا لاجلك كثير الربوعي..






عليك كبر (اربعه) شرع الاسلام..

واعلن مراحك دون هرج ونزوعي..

وحطوك في قبر يغطيك الاحرام..

وحثوا تراب المقبره بالتبوعي..





راح الجسد ذكرى بصفحات الايام..

لو كانوا زادوا بالبكا والدموعي..

ووقفوا كود ماتسمع خطوات الاقدام..

راح الاهل والمال مامن سنوعي..





وجاتك ملائكة السما تنشر اعلام..

انا اشهد انه من موقف يروع..

واحتار بالك في فوز واكرام..

وتشهد لك القبله في سجود وركوعي..



ولا مصير الذل مع تابع اصنام..

بالهاويه سبعين صيف خضوعي..

يالله يارب السما حق والزام..

ثبت جوابي لاتخالف دموعي..

يقول قلت مازحا لصديق نمت لمدة 22 ساعه متواصله
فقال : بدون أكل .. وقلت لصديق أخر نفس الكلام
فاجابني بدون صلاة !!!
ردة فعل تشرح حياة كل منهم

شفت وشلون خلق الله تحـب الكـلام
قلت لك لا تصدق كلامهم ما اقتنعـت

ليش ضيقت صدري بالعتب والمـلام
وانت يا ما كلموني عنك وما سمعـت

جيتني وانـت ودك بزعـل والخطـام
باين اللي يبي السبه ولو مـا اندفعـت

غيروك العواذل طعتهـم يـا حـرام
عقب ماكنت مقبل بالمحبـة رجعـت

خلهـم ينفعونـك لا تـزيـد اتـهـام
من عرفتك مضره وانت عمرك نفعت

وين كلمة احبـك ويـن ذاك الغـرام
ليش نزلت قدرك عقب ما انت ارتفعت

اه يا قـوى قلبـك لـك عيـون تنـام
تجرح اللي يحبـك بالكـلام وقطعـت

كان لك قدر عنـدي وانتهـاء وسـلام
غلطتي جيت كلي بالمحبـه وضعـت

اليوم جلست مع احد الاصدقاء الاعزاء علي
ومع السوالف اخذ الحبيب زقارة (دخان) تتن الي مايعرفها
المهم سالته بكم تشتريه قال بــ 9 ريال قلت له اول مره اشوف احد
يشتري شي عشان يحرق صدرة ويضر صحته .
قلت له ليش ما تترك الدخان والله انه بيضيع صحتك ويهدر مالك
قال والله ياليت قلت الاراده الصادقه وطلب المعونه من الله سبحانه بان
يعينك على ترك هالعادة القبيحه . ووعدني خير
زميل اخر ترك التدخين قبل اشهر سئلته كيف تركته قال بالصدفه
سالته شلون صدفه : قال مره كنت بالسوق مع اولادي وهم يتسوقون
قلت اقطع الوقت بالدوران بالسوق . المهم لقيت معرض مقام عن مضار التدخين
وفيه صور جدا مرعبه ومجسم لرئة شخص مدخن واخر سليم
المهم تاثرت بهالصور وفي نهاية المعرض وضع لوحة وبجانبها تكرمون زباله
وكتب على اللوحة اعلن توبتك واستعن بالله وارمه هنا .
فما كان من زميلي الا ان توكل على الله ورماه واعانه الله على تركه
نعم هي الاراده القويه الصادقه والحمدلله الان هو بصحه جيده وتغير
كامل بشكله وطريقة تعامله .
اتمنى من كل مدخن ان يرأف بحاله ويلحق ماتبقى من صحته .
وسلامتكم

يا أنت ياللي تمسك الموت بيديك
ما هي رجولة للسجاره


ذاك الزفيراللي يودعك بيجيك
في شهقة.ن تحمل معاها غباره


تولع الدخان حتــــــــــى يطفيك
وبيني و بينك في سلوكك نعاره


تضر نفسك و مجالسينك و أهليك
و يكفي على ( الباكيت ) تقرا عباره


تحذير صحي : المرض منه يأتيك
و كانك تريد الموت خذها بجداره



و الله ما تلقى بن آدم يواسيك
لا صار ( للكنسر ) في صدرك إماره


لا تحسب علاج الاطبه يداويك
أقلع قبل لا تذوق طعم المراره


تشفط سجاره و المنادي يناديك
و في باب بيت الله تطفي السجاره


شيء.ن بنعلك تدعسه دوم .. وشفيك ؟!
ياآبن الذين ذا دليل القذاره


و ما دام ما ترضى أحد يوم يأذيك
لا تأذي مصلي خشوعه شعاره


بتسه ريال تبيع نفسك لشاريك
الهندي اللي كل همه تجاره


و لا شح عندك تسأل الناس تعطيك
تتوسله يأذيك .. هذي شطاره ؟


من قال لك شرب السجاير يسليك !
بيزيد همك هم و يقيد ناره


ما تدري إنه نار في الصدر تكويك
و كم شايب.ن في الناس تذهب وقاره


إما ردعك اللي يقوله محاكيك
أرجع لنفسك و أحسب الآمر تاره


و ياالتاجر اللي منك ضاعت مباديك
ربحك من الدخان ذنب و خساره


يا أخي أمتثل للحق في أمر باريك
درب الهدى وش له تغير مساره

عظ الناس بفعلك ولا تعظهم بقولك، واستح من الله بقدر قربه منك، وخفه بقدر قدرته عليك.

الصداقه مثل بستـان و أنـت و مـا بـذرت
يمكن إنهـا تشـح و تبـور و أنـت تعلهـا

و الله إنهـا كنـز الأربـاح لا منـي تجـرت
أتحـرى الـزود فيـهـا و أحـاتـي قلـهـا


و كاني قصّرت في حق صاحب .. ما كفـرت!
يمكـن إنهـا زلـةٍ مــا بغـيـت أزلـهـا


بس لا مني دريـت إنـي أخطيـت أعتـذرت
ميـزةٍ مـا كـل رجــلٍ يــزل يدلـهـا


و أنا و الله في حقوق الصداقـه مـا ذخـرت
و لا وثّقـت العـلاقـه و أنــا باملّـهـا

من صبر يقدر و جربت و أصبـرت و قـدرت
و أنخدعت ببعـض الأزوال مـا هـو كلهـا


و إن خسرت فلا هي بأول ولا آخر ما خسرت
غيـر يـا دق الخسايـر و هـي يـا جلهـا

سواء كنت ناجح ام فاشل
فالناس ستتحدث عنك بالسوء
لذلك لا تبالي وكما قال أحد الحكماء
الناس لم يجدوا عيب في الذهب
فقالوا بريقه يتعب العيون