●• خزآمىَ الصَحآرى « للشعْر والخَوآطرْ !

تبقى رفيق الروح وان كنت غايب..

الـشـوق لـك فـي داخـلي مـاله قـياس . .
.................مـثـل الـبحـر مـحـد مـن الـناس قـاسـه

أكذب عليك أن قلتلك أقدر أنساك . .
و أكذب علي روحي ليا قلت بنهيك . .


أنك سكنت القلب ما فيه تشكيك . .
و أنك خذيت العقل و الروح وياك

لا تغرّك ضحكة الوقت وتطيش
............ ما حدٍ يضمن حياته فالبحر
حاول إنّك قد ما تقدر تعيش
.............. صادق ..وبالذّات مع رب البشر

آترك صدآقة من يغيضـه علـوّكـ
.................وآشتر صدآقة من يعزگـ ويغليـك

أنَتِآ (َ ِالدٌفاَ ِ) مقَرِونَ ِعنَدِك ،َ ِبـ َ( الاَنِفاَسِ )
واِنَاِ معَكِ .. [ داٌفيَ ِ، ومرَتِاحَ ِ، وٌبخَيِر ] ..!

حاولت اقنع قلبي المفجوع
عيّ وأمر عيني تهل دموع
قلت : اتركوا ياعيون هالموضوع
قالوا لي العينين : مأمورين ..

ناديت لك صبحٍ وناديت لك ليل
..............بالجوف لك أرضٍ خوت منك تشكي !
سحايبك ماعاد جابت لنا سيل :
...............يا وجد حال الشوق لا قام يبكي

درب بديته ياخلي لازم اتمه
طبع ورثته من بويه وجداني ..
يانور عيني غلا ولا وفاء سمه
بس المهم اعرف المجني من الجاني ..

ما كنت ناوي الجرح للمهجر
لين اشتكى الجرح من هجران ذريته

من خبّر الخنجر إن الدّم يتخثر
من علّمه يسكب آمالي في آنيته

إلا أمورٍ تخلي المرء يتعثر
ينهش ظلامه وفانوسه نضب زيته

لو كان كسرى تبي فلسفة قيصر
ما كان ماتت من الخذلان حاشيته

ولولا بأن الصدور تضيق يا عنتر
ما كان رمحك ف كبد الذلّ رزيته

ولولا بأن الحزن ثرثار يا دفتر
ما كان شاعرك خط ف وجنتك بيته

منت الوحيد اللي تفرح يوم تتسطر
سطرني الدهر من قبلك وحبيته

لو كنت أساير على الطويان وأتقفر
ما كان ريقي من الحرمان بليته

قبل الغروب ومزاج الشمس متعكّر
وجه الأمل مالتفت لي يوم ناديته

عصفوري اللي صحى نشوان ويصفّر
حلّ الظلام وسلب جنحان حريته
يا دفتر الهم بين أحشاي يتبلور
داست على ضفة آمالي ضبابيته

هم انكتب في ثنيا ضلوعي الضمّر
طاح الخرز وأنا توّي ما تهجّيته

يا صاحبي وارتعاشات الفكر تكبر
لو ينطفي صمتي المسعور طفيته

لأن الفلان اللي بين شفاي يتمخطر
نفس الفلان اللي من عامين دفيته

من قبل يشكي برودة جوّه الممطر
سحبت له من ضلوعي عود كبريته

ولولا بأنه نبت من جنبي الأيسر
ما شفت دمعي ف كاس الليل صبيته

ياسجان الصبح في زنزانة المرمر
يا ميّتم القلب في شريانه الأبهر
ما تدري بذنب صبعك يوم عضيته؟

يا قلب كم لي وأنا أصبرك وأتصبر
الشوق يدمي عيوني وأنت ملّيته

لو تدري بقدر راعي الدفتر الأحمر
ما كان يا قلبي في غيبته ذميته


الشاعر: فيصل الفارسي