تنافس مثير ,, بين دوار الوسيعة ودوار الدفاع المدني ..!!

اقول مهب مصلحينه الدورات الي يجي حادث قوي الله يستر قلو امين

مشكور اخوي المهند على الموضوع
وضع مطباات صناعيه انسب الحلووول
الي من تمير وغير تمير مو عارف الا وهو بوجه الدوار
بس اذا فيه مطبات بتذكر ويعرف ان فيه دوار ولاهو ضار البلديه بوضعه
وكذى حمايه للمواطن من مخاطر الحوادث والله يحفظنا واياكم شر الحوادث

يبيلكم دورة يا أهل تمير على الدورات << مسوي طالع منها .. الله يستر بكره تلقوني رازح ماصورة الموية إللي بنص الدوار ومسوي نافورة هههه


بس أحسن حل هو نحط دوار في ملف الجفر أسرع لنا نتعلم ^ - ^


بس حلوة اللمبات البرتقاليه ههه

الله يستر بس وما لنا إلا ساهر بتمير عشان نهدي ههههااااي << زي المجمعه !!

الحادث وقع لاحـد اهالي مبايض و الرجال سالم و الحمد لله
ولكن التخطيط غير السليم لمثل هذه الدورات من قبل اشخاص غير مؤهلين
وللاســــــــــــــــف

غير المطبات
ما فيه حل

ماينقص الدوار الا لوحات ارشاديىة من بعيد وقريب

لاحووول ولا قووة الا بالله انا لله وانا اليه راجعوون

مايشوف شر أبو مبارك

اقتباس: المشاركة الأصلية كتبت بواسطة تميرااااوي    لاحووول ولا قووة الا بالله انا لله وانا اليه راجعوون مايشوف شر أبو مبارك

اقتباس: المشاركة الأصلية كتبت بواسطة Mt3B    الحادث وقع لاحـد اهالي مبايض و الرجال سالم و الحمد لله

وصل دوار الدفاع المدني إلى العدد تسعة ..

قبل قليل ضحية جديدة من ضحايا الدوار

بسم الله الرحمن الرحيم

مساء الخير على الجميع

ياعالم ياناس انتم ما يعجبكم العجب ولا الصيام في رجب ان حطو دوار صجيتو وان ما حطوا نفس الشئ ما ينسلم منكم

ابقترح عليكم اقتراح وش رايكم تغيرون موضوع( ملتقى الاهالي) إلى (ملتقى نقد البلديه )

بعدين الدوار تحت الإنشاء وش فيكم مستعجلين يعني راح يكون في وسطه منظر جمالي مرتفع وراح يبين انه دوار

والله البلديه مهيب مسؤله عن ارواحكم اللي يخاف على نفسه وعلى سيارته ينتبه للطريق زين ويترك عنه السرعه ومكالمة الجوال

والله لو يطبقون نظام ساهر في تمير كان احسن علشان معد نشوف سرعه ولا تفحيط

الله يهديكم بس ما فيكم صبر

اقتباس: المشاركة الأصلية كتبت بواسطة 20    بسم الله الرحمن الرحيم مساء الخير على الجميع ياعالم ياناس انتم ما يعجبكم العجب ولا الصيام في رجب ان حطو دوار صجيتو وان ما حطوا نفس الشئ ما ينسلم منكم ابقترح عليكم اقتراح وش رايكم تغيرون موضوع( ملتقى الاهالي) إلى (ملتقى نقد البلديه ) بعدين الدوار تحت الإنشاء وش فيكم مستعجلين يعني راح يكون في وسطه منظر جمالي مرتفع وراح يبين انه دوار والله البلديه مهيب مسؤله عن ارواحكم اللي يخاف على نفسه وعلى سيارته ينتبه للطريق زين ويترك عنه السرعه ومكالمة الجوال والله لو يطبقون نظام ساهر في تمير كان احسن علشان معد نشوف سرعه ولا تفحيط الله يهديكم بس ما فيكم صبر

اخوي 20 مسية بالخير

قال صلى الله عليه وسلم: (إن الله يحب إذا عمل أحدكم عملا أن يتقنه)

عمل هذه الشركه غير متقن وين وسائل السلامه واللوحات الارشاديه لسالكي الطريق

اذا كانت ارواح الناس رخيصه عندك وعند البلديه تراها غاليه عندنا

ما نقول الا حسبنا الله ونعم الوكيل على المتسبب