أقتراح مهم في شارع الثلاثين

المفروض يصير فيه عقوبات صرمه جدا تفحيط او شخل كنداسه سوان من الهل او الجهه المنيه كل الناس يدعون عليهم

القضية اكبر من حط مطب وتنحل المشكله والله لو يشال الزفلت بكبره يقلب مطانيج العالم بتدور وتكسر مواترها
القضية اكبر من تفحيط
القضيه اكبر من شارع الثلاثين
القضيه اكبر من تمير كله
القضيه ثقافيه تربويه وماهي عندنا بس بل منتشره بكل ارجاء المملكه خصوصاً المنطقة الوسطى والقصيم وهي (وين نروح)
برنامج الشباب هالايام (قهوه بالاستراحه + قهوه بالدكات + قهوه بالثيل + جلسه بالبيت) ما فيه اي تنميه او تحريك للطاقات الكامنه بشبابنا
تلى الولد مليان نشاط ومو لاقي شي يفرغ فيه طاقاته وماله الا الفرفره بالشوارع (كلنا مرينا بهالفتره وعانينا منها ) وما حنا شيبان عشان نقول جيلنا خير لازلنا شباب واعمارنا ما تخطت الثلاثين ان لم تكن اقل لذا ما يعانيه شبابنا في سن المراهقة من اضاعه للطاقات واضح ولا غيوم عليه لمن عاصر نفس الجيل او الجيل السابق له (قبل خمس او عشر سنوات بالكثير)

حاليا المركز الصيفي الوحيد الذي يفرغ طاقات كبرى وينمي مهارات عدد كبير من هذا الجيل ورقم 500 عضو بالنادي الضيفي هو اكبر دليل على عدم وجود البديل بالاضافه لتميز الاخوان بالمركز جزاهم الله كل خير لاكن المشكله دائمه وليست مؤقته
ومن حضر اي فعاليات شبابيه في الدول المجاوره كالامارات متمثله باماره العين بالتحديد وقطر و البحرين عبر حلبة البحرين الدوليه يجد الحافر والمتنفس الامن للشباب في هوايات السيارات من استعراض وتفحيط وغيره وباشراف ورقابه امنيه متشدده

وحاليا لا يوجد سوى حلبة الريم بالرياض وهي لمن لديه المال الكافي فقط من ابناء كبار التجار
وبعض المساهمات الخاصه في جده ترعاها اما شركات الاتصالات او ام بي سي

اما هنا ورحم الله من عرف قدر نفسه اللائمه الكبرى تقع على عاتق الاهل
تجد الواحد يفحط بسيارته ويصدم عليها وبعد اسبوع اهله يشترون له وحده جديده اخر موديل (لوني مكانه كل سنه بكسر سياره بشارع الثلاثين اذا ضامن لي سياره جديده بدالها)

وخل الباقي مستور وابعدو عيالكم من الارصفه راح يختفي الدوران

وخلوني انا وباقي سكان الشارع نعرف ننام مرتاحين من ازعاج الكفرات

صوره مع التحيه لممثل شرطة تمير
صورة مع التحيه للجنة التنميه الاجتماعية
صورة مع التحية لنادي المجزل بتمير

ودمتم بكل خير

ههههههههههههههههههههههههههههههههههههههه

عطوهم سيارات وقولوا عيالنا يفحطون وش نسوي هههههههههههه

التفحيط ماله علاج صدقوني

بتحطون مطبات راحوا شارع ثاني

يعني فيها فيهاا

والله لو تحطون مطبات الين بكرهـ مفحطين مفحطين ..
تحيآتي.

أي تفحيط وأي كلام ثاني

كل اللي يدورون بزران ما يعرفون يفحطون

أحسن واحد اللي يسحب جلنط وإلا يدعس له وهو مديور

لكن مشكلتهم يسرعون وفيه أوادم يقطعون الشارع أما لخياط ووإلا لبقالة وإلا لبوفيه

وأيضا مشكلة شارع الثلاثين المهمة


هي البزران اللي على الأرصفة والشباب اللي تدور

يا ناس يا عالم شيلوا بزرانكم من الشوارع

عفوا أخوي ولد العز

وأيضا مشكلة شارع الثلاثين المهمة


هي البزران اللي على الأرصفة والشباب اللي تدور لإغراض غير شريفة

يا ناس يا عالم شيلوا بزرانكم من الشوارع

يسلمو على القتراح

هههههههههههههههههههههههههههههههههههههههههههههههههه ههههههه
ردد ياليل ماطوالك هههههههههههههههههههههههههههههههههههههههههههه
لاحيات لمن تنااااااادي

وشرطت تمير اذا شافو الشوارع فاضيه طقو تفتيش
وذا البزارين وش يبون في التفحيط يتفرجون والله المشكلها كل يوم تكبر شوف حل ياربع

وهذا اللي حصل الأن

وان شاء الله تخف جمهرة الشباب وإزعاجاتهم


...

//