ونحن اين احتفالات العيد في تمير؟

وش رايكم هالسنه كل واحد يتعيد ويلبس ثوب أسود وشماغ زيتي ونسوي احتجاج عشان ثاني مره يسون حفله خخخخخخخخخخخخ
والا نطق لنا صيوان حق العزا ونقلبها مناحه خخخخخخخخ

فيه حفل معايدة ثالث أيام العيد في تمير

ورونا شطارتكم واحضورا يا أهالينا

الحمد الله عيد تمير مازال يحافظ على عاداته وتقاليده بعيدهم في الحاره بجمعه الجيران والاقارب
وكلن جايب عيده والنفس مبسوطه وفرحانه بشوفتهم وجمعتهم يالله لك الحمد
وفي العيد الواحد يالله يروح يزور ويعايد اقاربهم وشيبانهم
وعقب العيد دورهم كاشتين في البر وموسعين الصدر
آمن وايمان ونعمه الله لايغيرها علينا

بسم الله
بعد الدرسة اكتشفت هذا الخبر الغريب والعجيب ان المشكلة عدم احتفال تمير بالعيد التعصب الديني ويقولون الاختلاط الصغار با لكبار .. والبعض أتهم البلدية باتقصير ويتهمون بعض التجار اهل تمير وهذا الاتهام خاطئ
والله على ما أقول شهيد

اقتباس: المشاركة الأصلية كتبت بواسطة مفك العجل    بسم الله بعد الدرسة اكتشفت هذا الخبر الغريب والعجيب ان المشكلة عدم احتفال تمير بالعيد التعصب الديني ويقولون الاختلاط الصغار با لكبار .. والبعض أتهم البلدية باتقصير ويتهمون بعض التجار اهل تمير وهذا الاتهام خاطئ والله على ما أقول شهيد

أخي مفك العجل
مافيه شي اسمه التعصب الديني هذا شرع الله ماشرعه فلان وعلان
وبعدين حتى لو كان هذا أحد الأسباب وش مضيق صدرك مع أن كلامك لايمكن يدخل العقل
تتكلم وكأنك في مجتمع ملائكي وأنت لايخفيك ذلك وأجزم بذلك!
والحين التجار والبلدية اصبحوا على صواب وصار التعصب الديني هو الخطأ عجباً لك ياأخي

اقتباس: المشاركة الأصلية كتبت بواسطة طير شلوى    الحمد الله عيد تمير مازال يحافظ على عاداته وتقاليده بعيدهم في الحاره بجمعه الجيران والاقارب وكلن جايب عيده والنفس مبسوطه وفرحانه بشوفتهم وجمعتهم يالله لك الحمد وفي العيد الواحد يالله يروح يزور ويعايد اقاربهم وشيبانهم وعقب العيد دورهم كاشتين في البر وموسعين الصدر آمن وايمان ونعمه الله لايغيرها علينا

كلامك عين العقل يااأخووي
هذاء الي نبي اهم شيء النفس تكون مبسوطه
واذا كان ع حفلات ومسابقات ياليت يكون هناك دعم بينكم ياشباب تمير
مانبي فئه تدعم بكل مالديها وفئه جالسه وماتسوي اي شيء
وبكذا كل واحد يعتمد ع الثاني فلان ماراح يسوي شيء انا بعد بصير مثله ماراح ادعم ولاشيء <<الاغلبيه حالهم مثل كذا
يعني ع ذا الحاله ماراح يكون هناك اي تكافل وترابط بين اهالي تميروماراح نطلع باي حفلات ومعايده
اتمنى ان ششاءالله الايام القادمه تطلع احسن من السنه هاذي
ونشوف الهمه والتعاون بينكم ياأهل تمير


ومضضه:
اخي ~(مجنونك)~
لها الدرجه فرحان انك بتروح تشوف مسرحيات فلان ومدري ايش
لو قدرالله وصار لك شيء بالطريق وش راح تكون الخاتمه لك
اسال الله لك الهدايه
ع الاقل ياليت تقول اروح لعمره ولازيارة اقارب وش له المسرحيات الي مالها نفع لا بالدنيا ولابالاخره

اقتباس: المشاركة الأصلية كتبت بواسطة مفك العجل    بسم الله بعد الدرسة اكتشفت هذا الخبر الغريب والعجيب ان المشكلة عدم احتفال تمير بالعيد التعصب الديني ويقولون الاختلاط الصغار با لكبار .. والبعض أتهم البلدية باتقصير ويتهمون بعض التجار اهل تمير وهذا الاتهام خاطئ والله على ما أقول شهيد

اربط صواميلك زين تراك بديت ترج واحتمال ينطلق عليك الكفر ثمن تنجعف على راسك خخخخخخخخخخخخخخخ

ومن بغى زود افاده يروح يتعيد في الرياض يشوف عيدهم ،
عشان يدري انه في نعمه في هالقريه الجميله .

الحمد الله على نعمة الاسلام
يعني لا زم طبول ورقص العيد رح سلم على أقاربك وعايهم
اللهم لك الحمد المسلم يرجو من الله القبول في عمله الصالح ويفرح بالعيد على ما شرعه الله

اقتباس: المشاركة الأصلية كتبت بواسطة ضبيه    حنا وش نقول يالحريم نتعيد في بيوتنا انا باكبر وسادتي وبنام استغفر الله كل الا ستراحات ماخذينها اهلها مافيه مكان نروح له الله لنا والرجال يتشرطون احمدوا ربكم بس وعن النعفقه

عااااااااد جاء دور هوااااااااش الحريم خخخخخخخخ

ياضبيه ليش تكبرين وسادتك..

موب لازم استراحه ماينفع العيد الا بحنا..

اجتمعو في بيت احد منكم .. والدعوه على اجتماع الاقارب ووناستهم مع بعض

يمكن الكل يتهرب ماحد يبيه عنده؟؟؟ اجل وشو له حاط هالقصور وهالمجالس للتراب والغبار..

اجمعو اقاربكم واستانسو والضيق في الانفس

موب كل سنه بنلحق على العيد وصلة الارحام

تسلميين...

واللي كاتب الموضوع... خخخخخخخخ

بعد هالهواش طلعت اللي في صدورهم وريحتهم

الف شكر

غلا نجد