...السجـــن الأدبيْ...

قصيدتـي زاد بعيونـي جمالـهـا
واخذت أنقـي بالمعانـي جزالهـا

واكتب معانيها من الشوق والغـلا
لأمي وأنا اصغر شاعر ٍمن عيالهـا


كتبتها في غربتـي يـوم رحلتـي
لمـا طرالـي بالسفـر ماطرالهـا

امي وانا بوصف لهـا زود حبهـا
وان ماحكيت لها قصيـدي حكالهـا

امي لها بالقلب والجـوف منزلـه
مكانـة ماكـل محـبـوب نالـهـا

اقرب من ظلالي وانا وسط غربتي
وانا تراي اقرب لها مـن ظلالهـا

ماشافت اعيوني من الناس غيرهـا
ولا خلـق رب الخلايـق مثالـهـا

اغلا بشر في جملة النـاس كلهـم
واكرم من ايدين المزون وهمالهـا

اتبع رضاها ورتجـي زود قربهـا
واللي طلبته من حياتـي وصالهـا

الصدق مرساها والاشواق بحرهـا
والعطف واحساس الغلا راس مالها

اهيم فيهـا وابتسـم يـوم قلبهـا
يسأل وانا قلبي يجـاوب سؤالهـا

وان اطلبتني شـي فزيـت مندفـع
اموت أنا واحمـل تعبهـا بدالهـا

واصبر على الدنيا والاحزان والتعب
واحمل على متني فطاحـل جبالهـا

واسهر اعذب راحة القلب بالشقـا
واعيش اعاني بس يرتـاح بالهـا

تربية ابوي اللي على الطيب بذكرة
اللـي وهبنـي الحيـاه ومجالهـا

نور لي ادروبي وانا طفل مبتـدي
حتى تركني واحـد مـن رجالهـا

الوالدين اولـى بالاحسـان لجلهـم
وأولى بتكريـم النفـوس وعدلهـا

اقولهـا وانـا علـى الله متـكـل
والله عليـم بقدرتـي واحتمالـهـا

ياكلمة اغلـى مـن النـاس كلهـم
ياشمـس بقلبـي بعيـد زوالـهـا

يافرحة تملي لـي الكـون باكملـه

ياشجـرة تكبـر ويكبـر ظلالهـا

تضحك لي الدنيا ليا شفـت زولهـا
مثل السمـا تزهـا بطلـة هلالهـا

والبعد عنها ياهل العـرف ماقـدره
لاشـك نـاري زايـدة بشتعالهـا

ماعيش ببلاد ولاهيـب بأرضاهـا
ولابي عيوني كـان ماهـي قبالهـا

أرض ٍ تدوس امي بالاقدام رملهـا
اموت فيها واندفـن فـي رمالهـا

واسجن بعدي اخوي ابو حمد ؛

أبيات شعرية في قمة الروعة يكفي انها في أغلى مخلوق << الام >>

شكرآ جنون رجل

وبأنتظار أبوحمد

اهم شي لا يجيني سجن وانا فيه ..

****

هذي قصيده جميله ورائعه محتفظ بها عندي للشاعره منيره الحمد المبارك ترثي فيها والدها رحمه الله..
امل ان تحووز على رضاكم واستحسانكم..

*******
ودع حبيبي واسم الروح وارتاح
وانا على فرقا الحبايب حزانا

الشمس غابت والقمر بعده راح
وصرنا نجوم الليت واظلم سمانا

عذب الندا فقداه على القلب ذباح
يمه يبه ماعاد تنطق شفانا

الله يا دنيا الفنا كلس جراح
هم يقابلنا وهم ورانا

ودع حبيب الناس كساب الامداح
حضر وبدو تقبلوبه عزانا

وجهن سموح وللخطاء دوم دماح
وفارس على خيل الكرم له ديانا

سجل زمان الشح جوده بالالواح
يا ما بفعله في زمانه تفانا

لماح مجلاسك لكمل الراي وضاح
سباح في بحر الجمايل زمانا

عاش بدوي يفخراذا قيل فلاح
شيخ على حلوا الشمايل غدانا

يبكي عليه الطيب ويبكيه الاصلاح
تبكيه عين الي من الضنك عانا

كل القلوب الي بكت موته اوشاح
يحكي لنا عن سيرته ما خفانا

خلف صقور صيتها بارقه لاح
فيهم عزانا يوم ودع غلانا

لا شفتهم قدامي الضيق ينزاح
ريح الحبايب ما تفارق فضانا

يالله عسى الجنه لهم بيت وامراح
قي اعالي الفردوس خير المكانا

في رحمتك يا مجلي الليل الاتراح
يا سامع الدعوات تقبل ادعانا

لا تحسبون الشعر بدينا سلاح
مهوب دايم في المواقف معانا

وقفت في السهر في من اوجاعي وطاح
عجزه خذلني عن شعوري توانا

من يوم ودعت الحبيبين ما فاح
عطره ولا تروي عيونه ضمانا


الشاعره منيره الحمد....


واسجن بعدي

شيهااانه..

آبيــآـآت جميله
صح آلله آلسنتكم فردآً فردآً,,~
......................{بإنتظآر آلآخت شيهـآنه}

شكرآ أبوحمد على الآبيآت الرآئعة

وبأنتظآر ... شيهآنة ...

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني ..

آختار اللي بعدي
الدامياء

صح بدنك يا رحيل وحياك ربي

وهلابك اختي روح الورد

وكل الشكر يالشيهانه على الابيات الجميله وهذا الانتقاء


ابيك انتي ولا غيرك على موتك تعزيني

وضميني وداويني مثل ما كانت الهقوات

آبيآت جميلة ... شيهآنة ...

بآنتظآر آلدآميآء...