الصمان والآرانب والحمام والقرصان والحمسة والنشامى 24/1/1430هـ

اقتباس: المشاركة الأصلية كتبت بواسطة نسيم    ياحمس قلبي حمس بنن بمحماس في يد غشيم وداله بالكلامي

والله يا نسيم أبشر بالهيجنة والقصيد ... والحمس لكن حزات المغرب بس أما الفجرية فيالله صباح خير ... حلوقنا مشحوطة عقب لجة البارح ...

اقتباس: المشاركة الأصلية كتبت بواسطة قلب الاسد    شكرا لك يالمهند على هذه الوردات الثلاث .. قرأتها ليله البارحه .. وها أنا أشكرك على هذه الرحله الماتعه وهذا التقرير الشيق الجذاب .. وبالمره نبارك لك المولوده جعلها الله قرة عين لوالديها ..!!!

الله يبارك فيك أخوي قلب الأسد ... والعفو ... ترى فيه وردة رابعة موزيها لك ... بسرعة خذها لايجيها أحد غيرك ...

اقتباس: المشاركة الأصلية كتبت بواسطة أبونورة    [size="6"]مشكور اخوي المهند على الهدية القيمة والله يرزقك بالولد . تستاهل كل خير . ابونورة

العفو أخوي أبو نورة ... وأنت تستاهل الشجرة كلها مهوب بس وردة ...!!

اقتباس: المشاركة الأصلية كتبت بواسطة الصمان    وعليكم السلام ورحمة الله وبركاته يعطيك العافيه اخوي مهند وانا اشهد ان مو ضوعك يستحق التميز لف شكر اخوك الصمان.

الله يعافيك أخوي الصمان ... وإن شاء الله إنك على اسمك ... أخضر قلبك ..

اقتباس: المشاركة الأصلية كتبت بواسطة نسيم    تصدق يالمهند عندما شاهدت شبت النار والقهوة تذكرت دغيم الضلماوي صاحب القصة المشهوره مع ابن رشيد ودغيم الضلماوي راعي كيف ودله .عساك تصير مثله يالمهند . ابعطيك القصة كاملة مع ابن رشيد وقصيدتها علشانك بس يالمهند. شب ياكليب النار ياكليب شبه عليك شبة والحطب لك يجابي الكثير يعرف هذا البيت ولكن يجهل قائله وماهي مناسبة قوله وبعهد من .. هذه القصه امل اني افيدكم بها :- على وقت الامير محمد العبدالله الرشيد ذاع صيت / دغيم الضلماوي الشلاقي الشمري ذاع صيته بالكرم وخاصة القهوة وقصيدته التالية:- ياكليب شب النار ياكليـب شبـه عليك شبة والحطب لـك يجابـي وعلي أنا ياكليـب هيلـه وحبـه وعليك تقليـط الـدلال العذابـي وادغث لها ياكليب من سمر جبه وشبة الياا منه غفى كـل هابـي باغـي ليـا شبيتهـا ثـم قبـت تجلب لنا ربعـا سـراة غيابـي بنسريـةً ياكليـب صلفـا مهبـه لاهب نسناسه تقـل سـم دابـي سـراة بليـل وناطحيـن مهبـه متكنفيـن وشوقهـم بالعـذابـي الوالمة ياكليـب عجـل بصبـه والرزق عند اللي ينشى السحابـي صبة لقرمـاً صرفتـه ماحسبـه يوم البخيل مكنهب الوجة هابـي وصبة لمنعورين ليـا جـاة نبـة يرخص بعمره والدخل لها ضبابي وعدة عن اللي مايداري المسبـه اللي يـدور بالقصيـر الغيابـي عن الطيب عده نازلا لـه بغبـه يضرب علي درب الخطا مايهابي لا باطن الهلباج خطـوا الجلبـة يا حلو خبط عصيهـم بالركابـي أطمر لهم وأبدي سـلام المحبـه لا جو على هجناً يديهم خرابـي سلام أحلى مـن شخاليـل جبـه وأحلى من السمن الجديد العرابي مع كبشً مصلاح راسـه نجبـه لا أدبر الهيـن متيـن العلابـي خطو الولد يـوم الملاقـي نكبـه يأتي علينا من حسـاب الزهابـي وحتى يش لو يلبس وبينن وجبـه معيرة علـى غضيـر الشبابـي أنا لقيت الصبـر يازيـن غبـه يرقيك روس مشمرخات الهضابي من لاصبر ياكليب في حكم ربـه هذاك يوم البعـث مالـه ثوابـي يقولها اللي مـا حسـب المسبـه ولا عرقل الاجواد ببعض الهلابي هذا هـوى بالـي وهـذا مطبـه من قبل مايسفح علينـا الترابـي ***************************** سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي وصدقه يوم يقول :- الوالمه يا كليب عجل بصبـه والرزق عند اللي نشى السحابي يوم جاء تالي ليلة من الليالي قال الامير لبعض اخوياه الخاصين ترانا نبي نسير ولاعلمهم بوجهته ويوم جاء تالي الليل الا يوم نوخو على الضلماوي فقام الضلماوي ورحب بهم يوم دخلو الرقة وشاف الامير محمد الوجار إلا والله الا النار حيه ووالمه على النار وصب لهم الضلماوي من الوالمة وقام يحمس الثانية وقبب النار . قال الامير محمد :- ما تقولي يالضلماوي وش عندك به يوم انك تقوصد يا كليب يا كليب . فعرف الضلماوي ان الامير زعلان فقبلة وقام ومد يده للامير وقاله :- مده رهن لولاك ماقلت ياكليب ولا قلت شب النار وصر موقدا له في ليلة تجدع سواة المشاهيب نسرية تلصق خليل لخله نطعن بعزك ياحصان الاطاليب عسى الله جمع حزمتك ما يفله يالجوهر الناريز يالمسك يالطيب يا عنبرا من جربه مايمله تكفي محاليب وتملى مجاليب وكبد تيبسها وكبدا تبله ياطير شلوى مالقي بك عذاريب لو تستحتي ما تجمع الطيب كله يا بو اليتامى والارامل ومن عيب وأبوا لمن صار العصى ثالث له وابو المحرول والاعمي والمحاديب ومن ضامته بعقاء تصير ولدا له أن كان هرجي به عليكم عذاريب سامح عسى اللي عقبك بألف حله وعقبة قال الامير محمد العبدالله يالضلماوي قال نعم قال والله ماتشريه غير ماشريته مدام ان حي كل مااحتجت تجي يمي وتاخذ حاجتك عقبة قام كل سنة يقيض بالديرة ويقولون يبني بيته بشعيب ابو جرف .

صح لسانك يا نسيم ... أنا أصدق ... بس أنت تصدق ... إنك يوم قلت دغيم الضلماوي ..قلت ما شاء الله عليك يانسيم أقرب اسم ..
أنت تدري أن دغيم والظلماء اسم من أسماء رياض الصمان الجميلة ... فشكل دغيم هذا يتردد بين أم دغيم والظلماء .. وسموا اسمه كذا ...

اقتباس: المشاركة الأصلية كتبت بواسطة تميــــراوي    كل الشكر اخوووي المهند على التقرير الرائع ولاتحرمنا من جديدك يابعدهم << كانك تبي واحد يسوق بك تراي فاضي خميس جمعة

العفو أخوي تميراوي .... الشيء الوحيد في الصمان اللي ما أحبه إني أصير راكب يعني ما نيب أسوق ... ما تصلح لي أبد هذي ...

اقتباس: المشاركة الأصلية كتبت بواسطة الرزينــهـ    كشته ولااروع واحلامافيهاقرص الجمر

قرص الجمر ... وش زينه لولا غثاء تصليحه ...

حياااك أختي الرزينة ...

اقتباس: المشاركة الأصلية كتبت بواسطة نديم الشوق    السلام عليكم ورحمة الله وبركاته ماشاء الله تبارك الله ..تقرير من مبدع اعطى تصور جميل عن حال الصمان .. بارك الله فيكم راعين كيف علوم طيبه .. تحياتي

وعليكم السلام ...

وش حنا عندك يا ملك العدسة .. غريبة هالسنة ماشفنا لك تقارير صمانية أخوي نديم الشوق !!!

اقتباس: المشاركة الأصلية كتبت بواسطة مخاوي تمير    [align=center]ما شاء الله تبارك الله تقرير شيق ووصف رائع تعودنا عليه واصبحت هذه التقارير من يمينك يا ابا مهند لها طعم وحس لا غنى عنها في هذا الصرح . .. .. جميع اللقطات رائعة ولا تتحتاج الى شهادة واكملها هداياك المتميزة لنا بهذه الورود الزاهية والمنعشة .. .. ابو مهند الف الف شكر وجزاك الله عنا الف خير [/align]

العفو أخوي مخاوي تمير .... وحضورك دايماً له طابع خاص ونكهة ربيعية جميلة ...

تسلم أخوي أبوعبدالعزيز ...

اقتباس: المشاركة الأصلية كتبت بواسطة قائدالأسود    مشاء الله تبارك الله رحله ولا اروع منها يالمهند الله يخلف علينا نترجى ربعنا يعطونا إجازة ولكن ما في الحمض احد عسى ما يخلونا نداوم الجمعه بس تمنياتي لك بالتوفيق ومخاواتك في الرحلات القادمه

حياااك الله أخوي قائد الأسود .. والإجازة مقبلة ... والاضطرارية فل ... وش عذرك ماتأخذ لك يومين تغير لك جو ... وتشم هواء طبيعي ونقي .. وصحي ...

الله يوفقنا وإياك ...