خارجية..داخلية ..خارجية ..داخلية.. وبعدين دعوه للنقاش ؟؟؟

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    الطير .. نسيمُ .. التمسآحْ .. هذيّ وجهة نظرَ وتقبلوهآ والدعوة مآتستآهل هـ العتبْ

سم مانقول الا خير يالوفاء انتي المشرفة وكلامك وتوجيهاتك على الراس والعين.لا وانتي بعد غالية وش نقول .

صيفنا مع اهلنا احلى
تمير ولو الحر ذبحنا مالنا غيره اهلنا احلى
تمير تجي تقعد فيها اكثر من اسبوع ولا تصرف الا الف ريال في الاكل والشرب والدلع طبعآ
تمير داري ولا غيرها دار تمير العز دار الكرامه والاخلاق

انا لو استطيع اسافر برى كان سافرت
ما اقصدى برى يعني الخليج او مصر و سوريا و الاردن
لا اقصد المغرب و شرق اسيا بالعموم و الصين بالخص
تركيا لو انها تخووف و ناااار و غير امنه

نسيم ا نت والطير والله لانتب رايح والاجاى حدك البر ونا خابر قلبك يقطر يبى المنجو اللى فى مصر بس حدك اشربها فى رشفه فى تمير

اقتباس: المشاركة الأصلية كتبت بواسطة المتميزة 26    السياحة الداخلية الأسعار غالية ومافيه شيء يستاهل السياحة في دول الخليج زي قلتها برضه أسعار عالية ومافيه شيء مقابل تقضيها دوران في السنترات والمولات في مصر السياحة جدا حلوهـ .. وفيها أماكن خيالية .. بس تحتاج خبير في الأماكن السياحية . وسوريا والأردن فيها بعض المناطق الرائعة بالطبيعة والجو الحلو أم تركيا فيها الراحة النفسية وفعلاً الحياهـ فيها غير و أهم شيء نسافر عشان نريح مو نشيل همومنا وإلا ركب أنفسنا ديون تشغل تفكيرنا خلال رحلتنا ..

هلا وغلا بالمتميزه
تسلمين على روووعة تواجدك
رأيك واحترمه بس صدقيني لو سافرتي لاماكن داخليه
ممكن تغيرين رائك وتعجبك لان عندنا اماكن حلوه جداا
لكن ينقصنا فقط الاهتمام بالمرافق والاهتمام بالاسعار
لانها ترتفع بشكل غير عادي
شاكره لك مداخلتك الرائعه

اقتباس: المشاركة الأصلية كتبت بواسطة طير شلوى    اراك عاد تقولينها بنبره حاده ، ترى الحتسي ببلاش والسوالف تسوي حركه ويصير فيه رايح وجاي للموضوع ، بس ولايهمك ماعاد نسولف في مواضيعكـ بنصير اكثر رسميه شوي .

ليش من قال اني قايلتها بنبره حاده صدقني امزح بس انتم قلبتو علي الله يهديكم
على العموم حصل خير

اقتباس: المشاركة الأصلية كتبت بواسطة نسيم    الا محناب مشاركين ابد وفرقاك عيد .

بكيفك يانسيم انت حر تحب تشارك اهلآوسهلآ ماتحب بسلامتك
الدعوه ماهي اجباري

اقتباس: المشاركة الأصلية كتبت بواسطة شر التماسيح    ولايهمك انا حمار وما افهم ولاعندي منطق خلاص سافري ولايردك الا جزر الوقواق ترا السكن فيها ببلاش

سبحان الله ومن قال لك انك حمار وماتفهم بس مجرد اختلاف في الراي بيني وبينك
وطبعا اختلاف الراي لايفسد للود قضية

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    السلامُ عليكمُ طرح جميل يـ الغلاْ وجآء بوقته ( الصيف جآء والسفر حانْ طاريه ) مع آني آفضل السياحة الخآرجية الآ انْ السيآحة الدآخلية آفضل للعوآئل وتجد فيهآ الراحة النفسية والطمآنينة عكس الخارجية والآسعآر والله كلهآ غالية نفس اللي بخسر بـ الداخلية بخسر اكثر منها بـ الخارجية لكنْ ودكْ آنْ خسرتِ تخسرُ على شئ يستآهل شكراً لك ِ الطير .. نسيمُ .. التمسآحْ .. هذيّ وجهة نظرَ وتقبلوهآ والدعوة مآتستآهل هـ العتبْ

يسعد مساك ياالوفاء منوره بأطلالتك
وكلامك صحيح في الداخل افضل للعوائل
بصراحه احترم رأيك وانا معك ومايمنع بعدانا نكون
محافظين حتى لو سافرنا خارج المملكه
شاكره لك كلامك الطيب وتواجدك العطر
انا معك يالوفاء الدعوه ماتستاهل بس هم كبروها الله يهديهم

اقتباس: المشاركة الأصلية كتبت بواسطة ملاك قلبي    صيفنا مع اهلنا احلى تمير ولو الحر ذبحنا مالنا غيره اهلنا احلى تمير تجي تقعد فيها اكثر من اسبوع ولا تصرف الا الف ريال في الاكل والشرب والدلع طبعآ تمير داري ولا غيرها دار تمير العز دار الكرامه والاخلاق

ماقلناشيء تمير على الراس والعين
ومافي شك بتكون فيها المصاريف اقل
لكن التغيير احيانآ مطلوب عشان نبعد الروتين والملل
شاكره لك مرورك ومداخلتك