●• خزآمىَ الصَحآرى « للشعْر والخَوآطرْ !

كثير من الاشياء الجميلة لا تدوم

..............لكنها تترك جمالٌ بالقلب لا يُمحى!

اقرا تعابير وجهك واشعر بخوفي
ملامحك كنها للبعد مشتاقه

دخيل قلبك وعينك قدر ظروفي
انا بدونك وطن خانوه عشاقه

ياما كتبتك ولاح البرق بحروفي
وياما وعدتك وصان الحب ميثاقه

ما ترحم بحالي الذابل ولا توفي
ما كني اللي على شانك ثنى ساقه

أرخصت وصلي وتقديري ومعروفي
ماعاد باقي لأحاسيسي معك طاقه

جفاك موحش وبعدك لاعب بجوفي
عقبك انا العاشق اللي شانك أخلاقه

يا زاد عمري وياشوقي وياشوفي
شف راية الحب وسط القلب خفاقه

مديت لك يا المقام العالي كفوفي
لا تنثني دام نفسي فيك تواقه

ما عاد فيني صبر وأرهقني وقوفي
وليالي العمر خطافه وسراقه

ياخوفي تغيب عن عيني وياخوفي
اتجيب قلبي معاك وتنوي فراقه

على الهون ياجرح المفارق وضيق البال ..
.. .. .. .. .. .. .. .. على الهون ياهمٍ سطابي وقدّرته .!
اعزك لو انك جرح ومجاهدك قتال ..
.. .. .. .. .. .. وروضت جسمي لأجل سقمك وصبرته .!
لأجل من ملك قلبي من الجال لين الجال
.. .. .. .. .. .. .. وفجّيت له بابٍ عن الناس سكرته .!
وحطيت له عن شمس قيظ الغرام اظلال ..
.. .. .. .. .. .. وشـيّـدت له بـيـتٍ بقلبي وعمرته .!
عشقته ودلّلته وجرّيت له موال ..
.. .. .. .. .. .. وتخـيّرت قـربه لـيـتـني ماتخيرته .!
رعى ريف قلبي لين صارالحشا مدهال ..
.. .. .. .. .. .. وعــن مـدهـله جنّبت غيره وذيرته .!
سقيته من عدود الغلأ والغرام زلال ..
.. .. .. .. .. .. .. بعـد ماجذب مــن دم قلبي وصدّرته .!
اداري عليه من الزعل وأزعل العذال ..
.. .. .. .. .. .. .. وخطاه ان كبر في عين غيري تصاغرته .!
ترافقت انا وياه من يوم كنّا اطفال ..
.. .. .. .. .. .. .. .. تكوّن غــلاه بوسـط قلبي وكبرته .!
قبل مايغطي ليله المنتـثر بالشال ..
.. .. .. .. .. .. .. .. سرقت الكرى من نون عينه وسهرته .!
نقش كل حرفٍ من حروفي على السلسال ..
.. .. .. .. .. .. .. .. تباهى بها واغاظ ناسٍ مجـاكرته .!
وكتبت القصايد في عيونه على اليامال ..
.. .. .. .. .. .. .. .. ولامرني صــوت النواخذ تذكرته .!
تكاثر علي الله يجازيه كيف الحال ..
.. .. .. .. .. .. .. .. وانا يوم أسوق العمر له ماتكاثرته .!
وبعد كل هالتقدير والحب والإجلال ..
.. .. .. .. .. .. .. .. تغيّر وهقواته عـليـه مـغـيرته .!
لبسته ثياب الغطرسه لين جاء يختال ..
.. .. .. .. .. .. .. .. وكبر في عيونه يوم الأوهام غررته .!
واذا السالفه ضحك ومهازل ولعب اطفال ..
.. .. .. .. .. .. .. خبطت الغصن لين أبرق الريش طيّرته .!
خلصنا وقفلنا الصناديق بالأقفال ..
.. .. .. .. .. .. .. .. ومن جور حكمه كامل القلب حررته .!

الـود مـا يـبـغى قــطـاعـه وهــجــران
يـبـغى قـلـوبـن غـاشــيـتـهـا الـنـظـافه

والـشـوق يمشي بالـقـدم وين ما كان
مـا يـحـسـب حـسـاب المدى والكلافه

تدري حبيبي من فراقـك .. تعلمت
إن الهـوى يحـتآج .. صبر و قناعـه .. !
ولن زارني طيفـك .. تجاهلته ونمت
ودعتـك الله .. وأنـت راع الوداعـه .. !

:



نادوا سميّك .. وارتبكت وتغيّرت
كذا ولا ادري وقتها ويش جاني !


سكّت ,
حتى أتصدّق اني
تباشرت
كنت احسب انك جيت يمّي / عشاني


وأنا من الموقف :
ضحكت وتكدّرت ,
وبشايري : ( مرت مرور الثواني ) !


مع السوالف يوم طروّك سافرت ,
سافرت لك .. وأنا مكاني / مكاني


قصّيت للضيق التذاكر
وغادرت
وقدّمت شكري لـ القدر وامتناني ,


أثر ( الفراق ) ,
أصعب من اللي تصوّرت
بدت جيوشه .. [ تستحل المحاني ] ,


آمالي ان عاشت كذا
مالها كرت ,
طاحت .. من عيون البحور / المواني


ماني بـ قايل :
ليه بالوصل قصّرت ؟
وليه أنت متقلّب , وهادم , وباني ؟


اقول لك :
يوم انك لـ صدك اخترت
نسيتني ؟ .. والا [ نساني زماني ] ؟


في سكتك واقف
وفي سيري آحترت
قلي : [ ترى ماعاد لي عمر ثاني ] ,


تراي في قيود الرجاء ما تحررت
علّقت في ذمتك ( كل الاماني ) !

ترى شرهة الغالي مثل دمعة الرجال
ما تطلع سوى من حاجة مابها حيلة

تبغى تصير إنسان عايش براحة
................ لا تشغل التفكير ف أوضاع غيرك
واصنع لنفسك في حياتك مساحة
.................وابعد عن العالم .. وريّح ضميرك

ياللي تمر احيـان بالبـال ذكـراك
...................مره تجي حلوه ومـرات .. مـرّه
عامين وانا انساك واذكرك وانساك
........................والجرح ينزف والغلا طاب .. حرّه
الله كـم كانـت حياتـي بلـيـاك
........................هم .. وغرابيل .. وعذاب..ومضرّه

مكانِتـك ما زادهـا المدح مقيـاس
و لا يقـلـل شـانهـا .. منتـقـدهـا !
أنت اللي تحدد مقامك مع الناس
من وين ما حطيت نفسك تجدها !