.•|[ وإنّ ضآق صدّري من هُمومي ~» تَنْفسّتِ ]|•

الصبر زين وكل مطـرود ملحـوق
دام النجـوم العالـيـات بسمـاهـا

ياهاجسي برفـوق لاقلـت برفـوق
ماهيـب لحيـة علهـا ياعسـاهـا

ولاهيب لحية وين غيبـت ياشـوق
ولاهيب لحية مت انـا مـن غلاهـا

هجس القصيد يتوق صوبي وانا توق
بسـم الله الرحمـن فـي مبتداهـا

رعادهـا رعـاد وبروقهـا بـروق
لامن حداها الشاعـر اللـي حداهـا

كان القصيده بنـت عـزٍ وغرنـوق
حلّيبـهـا حلّيـبـهـا لعنـبـاهـا

لاجاتنـي حطيتهـا داخـل المـوق
والله يحييـهـا ويحـيـي نبـاهـا

لها علي حقوق وانـا لـي حقـوق
ولاّ بـلاش امـن القصيـد وبلاهـا

مانيب اعدلها علـى كـل طـاروق
اليـن اجنّنهـا وابـيـح خفـاهـا

الفكر شاشة عرض والقلب صندوق
يعني علـى ماقيـل بيـر وغطاهـا

ياهل الوثايق جاكـم العلـم موثـوق
نصيحـةٍ ياخـذ بهـا مـن قراهـا

ترى النصيحه كان في ساحة السوق
معروف بايعها علـى مـن شراهـا

لو كل روضٍ به خزامـى ورقـروق
محدٍ شكـى الدنيـا ودورة رحاهـا

والمنخنق لا قـال مانيـب مخنـوق
تشهـد عليـه العيـن لاهـل ماهـا

ماشاء الله عليك
مدونه مميزه

اقتباس: المشاركة الأصلية كتبت بواسطة آخت لميس    ماشاء الله عليك مدونه مميزه

على الرحب والسعه اخت لميس
وسعيد بتواجدك وتشرفين باي وقت

قد يقل دخولي هذه الايام بسبب
شعر بيدي والحمدلله على قضاءه وقدرة

اقتباس: المشاركة الأصلية كتبت بواسطة النادر    قد يقل دخولي هذه الايام بسبب شعر بيدي والحمدلله على قضاءه وقدرة

سلآمآت ومآتشوف شر آن شآء الله
أسأل الله العظيم رب العرش العظيم أن يشفيك

اقتباس: المشاركة الأصلية كتبت بواسطة النادر    قد يقل دخولي هذه الايام بسبب شعر بيدي والحمدلله على قضاءه وقدرة

آلحمدلله ع السلآمهه ؛

مآ تشوف شر إن شآء آلله ؛

الحمدالله ع سلآمتك خيو ومآتشوف شر

مدونة جميلة ببوحها وبحضور صاحبها متابع دائم لها..

واليوم نسجل الحضور..

الحمد لله على السلامه ابو عثمان ومعافى ان شاء الله وماتشوووف شر..

حمدالله ع سلامتك
طهوراً آن شاءالله
واهنيك ع روعة مدونتك..ْ

الحمدلله على السلامه وماتشوف شر