رُكْن النهاية

لا عاد تنشد ما بـقى عندي علوم
،،،،،،،،،،،،،،،،،،،،،كل العلوم المبطيات تخبرها

ما جيتك اشكي ميلة الوقت مزحوم
،،،،،،،،،،،،،،،،،،،،نفسي ليا ضاق المدى ما اخسرها

ياصاحبي كنت امس كنت امس محشوم
،،،،،،،،،،،،،،،،،،،،واليوم هج بجيتك واختصرها

خلك بعيد ابعد من العام لليوم
،،،،،،،،،،،،،،،،،،،وادنى من احلام النجوم وقمرها

بعض الكلام اللي تحليه مسموم
،،،،،،،،،،،،،،،،،،،وما كل كف صافحتك تغدرها

كم طيب ساقته الاقدر لرخوم
،،،،،،،،،،،،،،،،،،ويا كثر ناس تنخدع في صورها

والحر ما يشره على خـنعة البـوم
،،،،،،،،،،،،،،،،،،،الله رفع شانه ووطا قدرها

لـو جيتني كنك على الوجه ملطوم
،،،،،،،،،،،،،،،،،،بعض الخطايا عذرها ما غفرها

عندي تساوت هرجة العذر واللوم
،،،،،،،،،،،،،،،،،،،هذيك ما ابغاها وذيك احتقرها

زله وعدت ما حدتني عن النوم
،،،،،،،،،،،،،،،،،،،مرت سلام وبعد الله كدرها

انا اعتبرها كبوة حصان ويقوم
،،،،،،،،،،،،،،،،،،،وانت اعتبرها زي ما تعتبرها

ليلك نثر عطره على شاطي النيـل
،،،،،،،،،،،،،،،،وانا ضواني ليـل نجـد وسريتـه

يامطوّل الغيبات يامااطـول الليـل
،،،،،،،،،،،،،،،توّي دريـت انّـه سـواد وجفيتـه

أثر النجوم اكثر من الجدي وسهيـل
،،،،،،،،،،،،،،،،نجـمٍ كتـب همّي..ونجـمٍ محيتـه

أثر النجوم اكثر من الجدي وسهيـل
،،،،،،،،،،،،،،،،نجـمٍ كتـب همّي..ونجـمٍ محيتـه

لمصافحك كف وقصيد وهلاهيـل
،،،،،،،،،،،،،،،،،،،،،،،امـا زبنـك القلـب والاّ خذيـتـه

لويغري القمـرا ذبـول القناديـل
،،،،،،،،،،،،،،،،،،،،،،بعـت النهـار لجيتـك واشتريتـه

يوم انتثر عطرك على شاطي النيل
،،،،،،،،،،،،،،،،،،،،،،انا ضوانـي ليـل نجـد وسريته

قصة الاخوان الايتام

فيه اخوان اثنين ايتام الكبير مطوع وامام مسجد وهادية الله ،واخوه اللي اصغر منه هواوي راعي صيد وراعي قصيد (قلبه خضر).وهم ساكنين في قرية ،ولهم خالة معتنية بهم وترحمهم وهم صغار مثل عيالها اضف اليها انهم ايتام،الخالة هذي بعيدة عنهم شوي في نخل بعيد وهي مامن بعد لكن اللي يمشي على رجليه بعيد وعندها بنت مزيونه!!!,الولد الصغير ماهوب يخلي خالته كل ماخذ مر عليها ويسلم ويخمم راس خالته ويخدم عنده ،وش تبين ياخاله ومن الكلام هذا وكل هالشي عشان البنت وناوي يخطبها وجايزة له,والخالة وبنتها خابرينه وخابرين وش نيته !
المهم جاء ذاك اليوم الولد الصغير وتوه مسوي الغدا لخوه المطوع ويتغدا هو واياه لين اخوه المطوع ناوي يحج ومواعد ناس ودور احد يمسك المسجد مالقى الا اخوة الصغير ،قال ياخوي انا ابروح للحج واليوم اقضب المسجد لين الله يردني سالم ،قال اخوه الصغير وين انا وين المسجد وتبيني اصلي بالجماعة بعد!قال ياخوي معد فيها ان ماخذت المسجد عقبي والا يبي يجي مقرود محلي وانت خابر المسجد فيه مصيلحة ويكد علينا مار تحمل وانا اخوك!قال روحتك يا خوي ماهيب اسبوع والا شهر يبي لك ثلاثة اشهر،قال المهم لا وصيك والربع يبي يمشون عقب الفجر ،المهم صلى المطوع بالجماعة الفجر وعلم جماعة المسجد انه يبي يحج وان اخوه محله قالوا وش اخوك؟قالوا يعين الله على اخوك.
المهم قام يصلي بهم اخوه واستمر وقت وجاز للجماعة وقالوا ليت اخوك راح مبطي للحج وانت اللي تصلي بنا ،قال والله ماصليت بكم الا خايف على مصلحة اخوي مار الله يرده !
المهم الخاله فقدت الولد منول دايم عندهم وهالحين ابطى وتنشد بنتها وش رايك؟قالت البنت والله له فقده!قالت العجوز ابروح انشد واشوف وين الايتام لايصير فيهم شي !وهي تلبس بشتها وتروح لنخلهم وين فلان قالوا في الحج!وفلان اخوه الصغير قالوا طيب ويصلي بالجماعة محل اخوه!الا يوم تعجبت العجوز وقالت مانيب رايحه لين اشوفه واقاموا الصلاة لين هذا الزقرتي متقدم بالجماعة ويصلي بهم !المهم تطمنت عليهم وتعود لبيتها وتقابلها البنت قالت يمه وش صار علميني ؟
قالت شفت شي مايصدقه العقل !قالت وشو ؟
قالت ولد اختي الصغير صار مطوع ويصلي بالجماعة!
قالت البنت ابد والله مصدق لين اشوف بعيني !
وهي تروح للمسجد وتوقف حول الباب لين دخل ولد خالتها واقام المذن وتقدم وهي تناظره ماصدقت ،واثناء ماهوب يقول :
استووا وهو ملتفت يمين ،ويوم جاء يقول اعتدلوا وهو يلتفت يم الباب لين بنت خالته واقفة على الباب وفاتشه لين عين الولد فيها وجه لوجه وهي مزيونه وهي تضحك وهو يصد ويقعد يحكي بينه وبين نفسه قبل يكبر، فيه احد فهم كلامه ،وفيه احد يقول اسمع كلام زين بس مافهمته ،واثره يوم جاء يقول اعتدلوا قال الابيات هذي يوم شاف البنت

تعدلـوا ياهـل القلـوب المواليـف
،،،،،،،،،،،،،،،،،،وصيروا ورى القراي خمسة صفوفي

احلف بربٍ حيـزم الغـرس بالليـف
،،،،،،،،،،،،،،،،،،مرجع بصر يعقوب بعـد الكفوفـي

انـك منـاي بلابسـات المشانـيـف
،،،،،،،،،،،،،،،،،،واللي كـذب يالله عسـى مايشوفـي

ويصلي بهم ويوم سلم والتفت للجماعة مستحي من الشيبان، والا ولد عمه وراه قال فلان قال سم قال والله لك اسبوع مامثل صلاتك مار هاليوم دخلت حديث بين الاقامة وتكبيرة الاحرام انا طالبك الا تعيده ... قال لا لا يافلان هذا حديث اسناده ضعيف ضعيف جدا مايعاد واعفني من اسناده

أثري مسوي بالقلوب الاعاجيب
،،، وانا مثل وجة السماء نقش ثوبي .

انا وسيع بطان راهي مطاليب
،،،،،، ماضيق لوشانت نوايا دروبي .

ارد وصدر واخذ العلم واجيب
،، ماني على طرش الرعاع محسوبي .

بردت كبدى من قراح المشاريب
،،،،، دوبي رويت من الشهاليل دوبي .

خليت للحاقد طشاش وحثاريب
،،،،،،،،،،،،، يتوب ولا قلعتة لايتوبي .

بين فرحة لقاك و هم فرقاك ،،،،،،،،،،،،،،،،لا تذكرت جرح ولا نسيتك حي هالشوف ماتنمل دنياك ،،،،،،،،،،،،،،شف سواة العيون ليا لقيتك عين تشربك شوف وعين تظماك ،،،،،،،،،،،،،،لا ذبحني ظماك ولا رويتك قمت اخيلك هنا و هناك و هناك ،،،،،،،،،،وين ترحل بي النظره نصيتك ان تبسمت قلت الموعد شفاك ،،،،،،،،،،،،و ان تمنعت بانفاسي دعيتك و ان طلبت الغلا قلت الغلا جاك ،،،،،،،،،،و ان سكنت الخفوق البيت بيتك و ان نثرت القصيد بدرب لاماك ،،،،،،،،،،،ذاع صيت القصيد و ذاع صيتك يا رجا العمر لو حفتك الاشواك ،،،،،،،،،،،،،،،،ليتك اول طريق القلب ليتك ودع البرد كف ضم يمناك ،،،،،،،،،،،،،،،صافح الود قلبي يوم جيتك حي هالشوف رغم هموم فرقاك ،،،،،،،،،،،،،،لو تناسيت جرحي مانسيتك .

تعبت أهـزّ راسي غيظ ! والقى في يديّ اغـلال
تعبت أسـير خلف الوهم.. لو غيري ركض خلفـه


تعبت أشـد وانزل.. ما ظهر لي طيّـب المنـزال
تعبت من الدروب اللي مشيت .. وكلّها صـلفـه


تعبت أرسم حروفي شمس.. والمح بالوجيه ظـلال
بعض ناسٍ .. تعـرف النور .. بس تقول ما تعرفـه

عــســـيـــبٍ عـــلـــيـــه الــراعــبــيـــه تــــجـر الــــصــوت
،،،،،،،،،،،،،،،،،،،،،،،،،،،،،وتــهــــزّه لــيــا مـــنـــه ركــــد بــلــتـــفـــاتـــتـــهـــا

تــــجــــر الــونـــيـــن لــحــالــهــا والــحـــمـــام اســــكــــوت
،،،،،،،،،،،،،،،،،،،،،،،،،،،،يــــا ســـــمـــــعـــــهـــــا راع الــولع ون ونــتــهــــا

تخفف بجر الصوت عن صدرها المكبوت
،،،،،،،،،،،،،،،،،،،،،،،،وانـــــــا صـــــــرت مـــــــن بـــــــد الأوادم ضـحـيــتــهــا

تـــحــــرك جــــهــــاز امــــولــــع الــقـــلـــب بــالــريــمــوت
،،،،،،،،،،،،،،،وتـــــجـــــر الــمــشـــاعـــر لـــــيـــــن تـــعــــطــــي جــريـــرتـــهـــا

غـــــريـــــبٍ لــحــنـــهـــا مــايــبـــاعـــد لـــــحــــــن بـــــخــــــوت
،،،،،،،،،،،،،،،،،،عــلــيــهـــا الله اكــــبـــــر كـــــــــن بـــــخـــــوت عــمــتـــهـــا

وانـــــــا اظـــــــن فــالــورقـــا وظـــنــــي هــــــــو الــمــثــبــوت
،،،،،،،،،،،،،،،،،،،شــعــاهـــا الــمــفـــارق لـــيــــن هـــاضــــت قـريـحــتــهــا

لــــكــــن الــــفــــراق ايــعـــالـــج الا فــــــــراق الــــمـــــوت
،،،،،،،،،،،،،،،هــــــــــو الـــــلـــــي لـــــيـــــا مــــــــــر الــمــوالـــيـــف شــتــتـــهـــا

حَقِير الغِـياب اِليا خَذا بالعمُر دورَه
يشَوّق قلُوب النّاس , من ثُم يَجرحها

يمَنّي عيُون الـناس ماخـوّفه جوره
طيُوفه سَراب , ولجل لاَ شي يجمَحها

لَو انّه يحِس بلَهفة الشّوق وحضُوره
مَ كان امتَنع ذِيك المحَاجِر يــفرّحها

يقَال الحَياه حظُوظ : والحظ له دوره !
ولاَ عُمر حظّي عَانق احلاَم يطـمَحها