مشارك|| ان حكينا ندمنا » وان سكتنا قهر » لا لا وان سكتنا حراااامـ ||

السلام عليكم ..

طير شلوى ..

طرحك جميل .. و لكن لا يوجد عندنا بطالة حقيقية ..
و اللوم يقع على الطرفين .. القطاع الاهلي .. و العاطل عن العمل ..
.
وللاسف .. اغلب الشباب فهموا تطوير انفسهم فقط بالدورات .. و يضيع وقتهم
فيها .. هي مطلب ضروري .. و لكن استغل وقتك في عمل في اي شركة و باي راتب
من اجل اكتساب خبرة تكون مدعومة بالدورات و الشهادات ..
.
الاجنبي مطلوب .. لانه يعطي كل ما عنده لمصلحة عمله و ليستفيد هو .. يعطي وقته و جهده
و لايفكر بامور اخرى ..
.
و نظرتنا لحل البطاله هو في الوظائف الحكومية ..
وهذا مستحيل .. لان الحكومة الان تعاني من موظفين بلا داعي ..
.
فيه شركة بريطانية - سعودية .. تعطي خريج الثانوية .. ما يقارب الــ 9 الاف ريال
بشرط اجادة اللغة الانجليزية .. في وظائف ادارية و فنية ..
و خريجي الدبلوم ما يقارب الــ 13 الف ريال ..
يعني رواتبها اكثر من الحكومة بدبل .. و لكن هل نحن مقتنعين بالعمل في الشركات ؟ ..
.
خريج لغة انجليزية .. يعني يقدر يصير مدرس بالراحه ..
ايام دراسته يشتغل في هرفي ..
بعد ما تخرج .. بيقدم استقالته .. قالوا له بنعطيك .. راتب 8 الاف ريال و مسمى وظيفي .. مدير ..
و بدلات و دلع ..
.
لانهم عارفينه و معهم لمدة اربع سنوات .. بدا فيها .. كاشير ..
.
.
مشكلتنا ما عندنا صبر .. نبي كل شي بسرعه .. و خانقين انفسنا بوظائف الحكومة

اقتباس: المشاركة الأصلية كتبت بواسطة أبـوحـمـد    ودي اقولك رح بع طماط بس حتى الطماط والجح الحين بواااسطه يا طير تعرف احد في البلديه رح وبع في اي مكان تبي!! هذا الي خلاء العالم تسرق وتاكل بعضها ..

طيب لو باكر أروح أخطب وقالوا وش تشتغل ؟
واقول لهم ابيع طمام وجح ، بيزوجوني بنتهم ؟

اقتباس: المشاركة الأصلية كتبت بواسطة طير شلوى    طيب لو باكر أروح أخطب وقالوا وش تشتغل ؟ واقول لهم ابيع طمام وجح ، بيزوجوني بنتهم ؟

على طول بتخطب اول شئ تبيع جح لين يصير عندك محل خضره وسيارة توصيل طلبات وحبه بنقالي ذيك الساعه اخطب ولاتشاور خخخخخ

اقتباس: المشاركة الأصلية كتبت بواسطة احلام وردية    موضوع جميل ويحاكي واقعنا ويخص شبابنا المدلل واسمحوا لي بهذا الوصف اشكرك على هذه التسميه التي افتتحي بها مداخلتكـ الطيبه ما اسباب هذه البطاله ؟ اسباب البطالة هم شبابنا نفسهم ولا غير يبون وظيفه في المكان الفلاني ولا تقل عن الراتب اللي في باله وان تنازل عن الراتب وقال لو الفين تكفيني الا ان مكان الوظيفه هو هو ما تغير ما يبي الا وظيفه حكوميه وعلى مكتب جزاك الله خير فالسبب الوحيد الي استفت منك انه فقط الشباب هم سبب المشكله المواطن السعودي هو الشخص المناسب ليحضى بوظيفه في أحد دوائر الحكوميه فهو جزء من هذا البلد وفيه الشهامه والغيره على ادارته وبلده اكثر من الوافدين والاجانب فأين السعوده التي نسمع عنها؟ طيب اذا كانت الدوائر مليانه ونحن شعب فينا بركه واي مكان نروح له نملاه اما بالنسبه للوافدين راح اضرب لك مثال لو عندك محل ويعمل به وافد امين وشريف ويخاف على حلالك اكثر منك ومراعي حق الله فيك ويدر عليك مكاسب هائله ( ماعمري شفت وافد يخاف على الحلال أكثر من راعي الحلال ) حنا تكلم كلام واقعي الله يعافيك ، وجاك سعودي ما تدري وش تحت راسه هو ينفع والا لا هل راح تشيل هالوافد وتعين السعودي وخاصه كما قلت فيه شباب مدلل مايحب التعب يداوم ساعه ويشرد ساعات ولو تبي عذر عن تسيبه جاب لك بدل العذر الف وخلى المكتب يهوهي مافيه احد وهذي الفئة خربت على الكثير ( طيب خلصوا الشباب السعودين الي فيهم الخير والبركه ) أين حقوق المواطن في وظيفته على حكومته ودولته ؟ هم ما قصروا معنا بس ترى عددنا كبير ويبي لنا كم هائل من الوظائف وما زالوا يبحثون لنا عن حلول هل أصبحت الوظيفه تقف عند الواسطه او اصبحت الوظيفه دوله بين الأغنياء منهم ؟ اكيد ما نقول لا اصبح اغلب الامور تمشي بواسطه لكن يبقى الاهم هو ثقتكم بالله والاعتماد عليه وهو اكبر واعظم واسطه لكم وماهو الحل لمشكله البطاله ؟ الحل هو عدم الاتكال على وظائف الحكومه شمروا عن سواعدكم اظهروا ابداعكم وشطارتكم في شتى المجالات (وين يظهرون ابداعاتهم وحتى الان فيه ناس مثلك مايشوفون ان الشباب السعودي كفو ) اعرف شباب تخرجوا اللي فتح بقالة واللي فتح مغسله وعاشوا احسن من الموظفين الحكوميين وماشاء الله عليهم وبعد ما وقفوا عن الركض خلف مصير شهادتهم الا ان جائتهم الوظيفه وتوظفوا وزادوا الخير خيرين راح تقول نبي راس مال الاهل ومن حولك اذا شافوك جاد اكيد ماراح يقصرون معك وانت وشطارتك يمكن سنه او اقل ومرجع لهم راس المال افتح بقالة افتح مغسله افتح محل خضره ولو تدورون راح تلقون مجالات كثيره مفتوحه لكم وابد اللي يبي يبني نفسه ماراح ترده البلديه هذا الوافدين جو ديرتنا مامعهم شيء ورجعوا لديارهم بانين بيوت ومأمنين مستقبل عيالهم اذكر لك احد الوافدين فتح له محل موبيليا يصلح غرف نوم ومكاتب وكان النص بينه وبين السعودي اللي شغله ماشاء الله بنى بيت له في ديرته ودرس عياله بمدارس اهليه وعيشته من احسن مايكون وكذا السعودي اللي شغله مبسوط منه ويجني ارباح من وراه تبي هالسعودي يفنش هالوافد ويحط سعودي بداله عز الله ما طق هالسعودي ولا مسمار بس ممكن تكون انت مكان هالسعودي وشف وش راح تجني والكلام معكم يطول ولو اكتب معلقه فيكم ما كفت ( لهدرجه شانه حملت ضد الشباب السعودي وهو يدور الوظيفه عشان يأمن مستقبله ويتزوج ويستر عليكم ) وآخر كلامي من توكل على الله كفاه

شكرا على هذه المداخله العنيفه
وهالشاب الي سميتيه بالمدلل ماراح يدور الوظيفه الا عشان يأمن مستقبله ويستر عليكم
فأنا ماشفت الا شباب طموح درس وتعب عشان يحصل على شهاده واخر شي لاشي .

اقتباس: المشاركة الأصلية كتبت بواسطة سمو الأمير    أخي طير شلوى أسباب البطالة تختلف من مجتمع إلى مجتمع حتى إنها تختلف داخل المجتمع الواحد من منطقة الى أخرى فهناك أسباب اقتصادية وأخرى اجتماعية وأخرى سياسية ولكن عندنا هنا لا أعرف مالسبب!! ثروة طائلة ،، ارض خصبة للاستثمارت والعمل ،، فرص وعجز بالعمل ،،يقدر الأجانب هنا بالملايين ،، بالمختصر نحن هنا نسير بالبركة من دون دراسة وتخطيط أما عن الواسطة فكل من أمن العقوبة اساء أكثر وأكثر لماذا لاتكون عقوبة الواسطة مثل عقوبة الرشوة لتفشي خطرها بين الناس وكم ظلم آشخاص كثر بسبب الواسطة وهذه ليست شفاعة إنما تجاوز على النظام وظلم الحل يكمن في التعاون والتكامل الاقتصادي وربط التعليم والتدريب باحتياجات السوق فقط . والأهم هو الاهتمام بالصناعات الصغيرة والحرف اليدوية وصدقني أخي طير شلوى أن الصناعات والحرف تدخل على الشخص مايفوق الوظائف الرسمية ماالمانع أن يكون صاحب المنجرة أو صاحب الحدادة سعودي يعمل ويسانده عمال يستفيد منهم أطلت واثقلت عليك ياصاحبي قلم جميل وطرح حساس وفالك الفوز إن شاء الله

الله يعافيك على طرحك وياخوك بأنسخ هالرد واحطه بدل الموضوع الأساسي ،
وصدقت التخطيط والدراسه وربط التعليم باحتياجات سوق العمل قد يكون الطريق الى الحل ،
ولاكن المشكله ان التخطيط والدراسه تحتاج الى دراسه عندنا !!!

اقتباس: اشكرك على هذه التسميه التي افتتحي بها مداخلتكـ الطيبه

اخي الطير هذه الافتتاحيه لا اقصد بها الشاب المجد الذي يبحث عن عمل بلدنا ترى فيها خير كثير واللي يدور ماراح يخيب
اقصد الشاب اللي يبي وظيفه على كيفه ويطالب الحكومه تلبي طلبه وان ما حصل حط لومه على الدوله

اقتباس: جزاك الله خير فالسبب الوحيد الي استفت منك انه فقط الشباب هم سبب المشكله

قد اكون اخطئت هنا لكن يضل الشاب هو الاول بنظري في تعطيل نفسه
شباب معهم الشهاده الثانويه وما شاء الله عليهم متوظفين ولا تقول ذاك اول الحين فيه شباب متوظفين

اقتباس: ( ماعمري شفت وافد يخاف على الحلال أكثر من راعي الحلال ) حنا تكلم كلام واقعي الله يعافيك

هو يخاف على الحلال قد لا يكون حب في صاحب الحلال او خوفا عليه
هو يخاف عليه لان عارف ان مصلحته في هذا الحلال
وهو المستفيد من حرصه فهو مصدر رزقه وهو ما يغنيه عن الناس

اقتباس: ( طيب خلصوا الشباب السعودين الي فيهم الخير والبركه )

عندنا مثل دائما يتكرر (الخير يخص والشر يعم )الا انني لا اوؤيده
لكن والله لو اجتهد الانسان وبحث عن عمل سيتبدل الحال ويثبت الشاب جدارته

اقتباس: (وين يظهرون ابداعاتهم وحتى الان فيه ناس مثلك مايشوفون ان الشباب السعودي كفو )

بالعكس الشاب السعودي كفو والنعم فيه انا شفت شباب يرفعون الراس في اسواق العثيم وفي محلات هرفي
وفي محلات للخضره وبالعكس كنت افرح وافتخر ان هذا من بلدي وما استحى وقال من يزوجني اهم شيء يعف نفسه عن سؤال الناس

اقتباس: ( لهدرجه شانه حملت ضد الشباب السعودي وهو يدور الوظيفه عشان يأمن مستقبله ويتزوج ويستر عليكم

الله يقويهم ويطرح البركه فيهم ويفتح لهم ابواب رزقه ويرزقهم من حيث لا يحتسبوا
لكن لكل مجتهد نصيب والله مايضيع نصيب المجتهدين واكيد من سعى راح يلقى
تحياتي اخي طير شلوى وارجوا ان ماتفهمني غلط مره اخرى

اقتباس: المشاركة الأصلية كتبت بواسطة > Miss 7nan    موضوع يستحق النقاش .. امممم موضوع الخدمه المدنيه والامور هذي ماراح اقدر اتكلم عنها لان خبرتي او معرفتي قليلة عن دورها بس راح اتكلم عن شي بسيط أسباب البطالة عندنا هنا بالسعودية : 1/ السبب الرئيسي والمهم هو فتح اقسام بالجامعات مالها اي مجال وظيفي مفتوح لهم بعد التخرج مثلا قسم القانون للبنات بجامعة الملك سعود .. له الحين 5 او 6 سنين فاتح وتخرجت دفعتين منه الحين بس وين يشتغلون ؟؟؟؟ .. ( خط بط والامور تمشي بالبركه لادراسه ولاتخطيط) منطقيا| اذا انتوا أصلاً مو سامحين للمرأة بأن تدخل المحاكم وتدافع عن قضايا ليه تفتحون هالقسم وتخرجون دفعات من الأساس !!!!! ومو بعيده يكون فيه اقسام للشباب مفتوحة ومالها اي مجال وظيفي مفتوح بمعنى اخر كل اللي سوُّووه انهم ساهموا مساهمه كبيره في ارتفاع معدل البطاله .. ( لاحياه لمن تنادي ) 2/ شبابنا الحين مو زي قبل يدللون ويتشرطون والله فيه كثير تنازلوا عن اشياء كثيره كان مستحيل بيوم من الايام يتنازلون عنها وكل هذا عشان يتوظف بس.. عشان كذا اللي اعتبره السبب الثاني للبطاله هو انتشار الوااسطة بشكل كبييير بهالمجتمع.. ( هذا الحاصل ) موضوع يستحق النقاش بالفعل .. سلمت اناملك اخوي طير : )

اشكرك على مداخلتك الطيبه ،
وحظورك متميز .
والله على الدنيا يعيين .

اقتباس: المشاركة الأصلية كتبت بواسطة شر التماسيح    عز نفسك واشتغل شغلات حره ولامدير يذلك وراتب مايقر في الصرافه يوم

النفس عزيزه يالله لك الحمد في العمل الحر ولا في الوظيفه .
ولاهنت على الحظور .

اقتباس: المشاركة الأصلية كتبت بواسطة الدامياء    ما اسباب هذه البطاله ؟ أسبابها كثيرة ، ولعل من أهم التربية الأولى للشاب السعودي ؛ فكثير منهم - وأنا أقولها من واقع رئاستي لدائرة حكومية لايقل موظفيها عن خمسين موظفاً - أقول إن كثيراً منهم لم يتربى على تحمل المسئولية ، فتجده يحاول البحث عن العمل السهل ، غير المجهد له بدنياً ، ولاذهنياً ؛ بل ولاتغربا ؛ فتجد الشاب يريد وظيفة على مكتبٍ وكرسي دوار ، ويداوم الساعة التاسعة ، ويخرج للإفطار ، ثم للشاي ، ثم للقهوة ، ثم لشرب الماء ، ثم لصلاة الضحى ، ثم لصلاة الظهر ، ثم للذهاب لإحضار أولاده من المدارس ، وربما رجع ، وربما أكملها بالغداء .. وأنا أقول ذلك ليس من فراغ ، بل من مراجعتي لكثير من الدوائر الحكومية بالرياض خاصة ، ولو تريد أن أقصَّ عليك معاناتي في ذلك لجف مداد قلمي قبل أن أنتهي من سرد بعضٍ منها . لانبعد كثيراً ؛ فهناك أشخاصٌ من أهل مدينتكم العامرة لوحصلتْ له وظيفة في الرياض لرفضها ، لايريد إلا تمير ، ولو جلس عاطلاً سنوات عددا . ( ولا تزر وازرة وزر أخرى ) المواطن السعودي هو الشخص المناسب ليحضى بوظيفه في أحد دوائر الحكوميه فهو جزء من هذا البلد وفيه الشهامه والغيره على ادارته وبلده اكثر من الوافدين والاجانب فأين السعوده التي نسمع عنها؟ هذا في الجملة ؛ ومَنْ عرف خبايا الدوائر الحكومية عرف أن عدد المخلصين قليل ؛ بل أقل من القليل . ( ان بعض الظن اثم ) وفيهم الخير والبركه ابناء هذا الوطن . أين حقوق المواطن في وظيفته على حكومته ودولته ؟ وهل للمواطن حق في ذلك؟ في نظري لا أظن ذلك ؛ بل أجزم بذلك ، فلعلك أن تلقي نظرة في التاريخ ، ونظرة أخرى في كتب سياسة الدول والملوك فتعرف هل ذلك حقٌّ لك مواطن أم لا ؟! ( النظام السياسي في الاسلام اعطى حقوق للامام وهي الطاعه والنصره والنصيحه وفي الجانب الاخر هناك واجبات للامام ، وهي حراسه الدين وسياسه الدنيا ، ومنها يتفرع واجبات متعدده منها العمل على توفير حياه كريمه لابناء الدوله ) هل أصبحت الوظيفه تقف عند الواسطه او اصبحت الوظيفه دوله بين الأغنياء منهم ؟ لو كانت بين الأغنياء لما رأيت فقيرا متوظفاً .. والواسطة لها دورٌ في كل شيء ، ولاعيب في أن يتوسط الرجل لقريبه أو لمن يحب إذا كان الشخص أهلاً للوظيفة ، ولم يضار بذلك أحداً . ( تتوقع يعني الواسطه مافيه ضرر على أحد !!!! ) واحيانا يأتي في بالي سؤال هل الوظيفه تقف عند ديوان الخدمه المدنيه ؟ لم يتضح لي هذا السؤال ، لذا سوف أرجئه لما بعد . وماهو الحل لمشكله البطاله ؟ البطالة لايمكن أن تحلَّ - في نظري - مادام أن الدولة تريد التطور في شتى المجالات ، والبطالة تتخطفها عدة أمور اجتماعية ، واقتصادية ، وثقافية . . [/CENTER]

واثاره البطاله سلبا معروفه وذكرت هنا بطاله .. سرق . نهب . سلب .. حسد .. بغضاء .. جرائم ومصائب .. اغتصاب .. مخدرات .. هلاك وموت ،
وايجابا ياحبذا تذكر لنا ايجابيات البطاله اذا كان هناك شي ،
تسلم على حظورك ويعطيك العافيه على مداخلتك .

في البدايه أشكرك على روعت طرحك بصراحه طرح مميزسأتكلم عن الموضوع من وجهة نظري الشخصيه

مدخل
الارزاق مقسمه من الله سبحانه وتعالى قوله تعالى: (وَمَا مِنْ دَابَّةٍ فِي الْأَرْضِ إِلا عَلَى اللَّهِ رِزْقُهَا)
وقول النبي صلى الله عليه وسلم: ((لا تموت نفس حتى تستكمل رزقها وأجلها)).
،،،،،،،،،،،،،،،،،

وكما في المثل المصري المعروف لو تجرى يا ابن آدم مثل جرى الوحوش غير رزقك ماتحوش
والله الشغل مثل الهم على القلب بس وين اللي يصمل المشكله في بعض شبابناا الله يعطيهم الصحه والعافيه يبغى الوظيفه تطق بابه اذا سألته ماتوظفت يقول مافيه وظائف حتى بدون مأيسأل أتكل على كلام الناس مافيه وظائف وبعض الشبااب تحصل له وظيفه تكون بمبلغ بسيط جدآ يقول والله مايسوى من يقوم علشاان( 1500)
او (2000) ريال ااذا كل الشباب قالو كذا شئ بديهي راح يكون فيه بطاله طيب مافيها شئ جرب هالمره اقل شئ خبره تنفع في المستقبل وتنفع نفسك بدل ماتكون عاله على اهلك ومجتمعك ،،،مع أن فيه شباب ضربوا أروع الأمثال في الكفاح والأعتماد على النفس
اما بالنسبه للواسطه وما ادراك ما الواسطه هي المحرك الأساسي للمجتمع اللي عنده واسطه ماشاء الله تبارك الله اموره كلها ماشيه حتى لو ماكان معه شهاده جامعيه كل شئ صاار بواسطه دخول المستشفى ودخول الكليه الوظيفه واللي يضيق الصدر بالموضوع اللي معهم امتياز مع مرتبه الشرف جالسين ببيوتهم واللي متخرجه من الكليه تقدير مقبول تلقاها متوظفه ومترسمه بعد في مدرسه جنب البيت الحمد لله على كل حال والحمدالله ان الارزاق عند الله والا كان علوم
والنقاش في هذا الموضوع يطول لكن خير الكلام ماقل ودل الف شكر على هذا الموضوع الاكثر من رائع تقبل اطلالتي وفالك التوفيق ودمتم بخير