المنطقة الذكية يا رئيس البلدية

وانت صادقين اللا بتذبحونا بالتجمعات الفاشلة والخرابيط

اقتباس: المشاركة الأصلية كتبت بواسطة ابو شادي    اخوي الوسيعه 2009 الناس وصلت سطح القمر وانت إلى الأن وتفكيرك مادري وين إذا كنت انت تتصفح النت في اشياء لا يسعنا ذكراها بس اعرف ان فيه ناس كثير تستخدم النت في الفائدة وما عليش كلن يناظر الناس بعين طبعة

اخوي ابو شادي

كلنا عيال قرية وكلن يعرف اخييه

نسبة الثقافه في الانتر نت 2%

وتجمعات شباب وانتر نت وش يسون علمني ؟

بيحررون القدس ...............؟؟؟؟؟؟؟؟؟؟

الله يعين رئيس البلديه وتحمل ذنوبهم !!!!!!!!!!!!!!!!!!

اقتباس: المشاركة الأصلية كتبت بواسطة صمتي حكمه    كلن يناظر الناس بعين طبعه ياوسيعه2009 والناس مب مثلك

ان من الصمت حكمه

نعم كلامك في محله ... ليش رئيس البلديه ياخذ ذنبي

جاء في الحديث عن نبينا محمد صلى الله عليه وسلم أنه قال:{إذا مات ابن آدم إنقطع عمله إلا من ثلاثة: صدقة جاريةأو علم ينتفع به أو ولد صالح يدعوا له}

المنطقه الذكيه مشبوهه يستخدمها الصالح والطالح .........

اقتباس: المشاركة الأصلية كتبت بواسطة عازف الأحزان    اولا هذه الفكرة مو قديمة وثاني شي موب كل الناس يناظرون أشياء موب زينه في النت وكل يناظر الناس بعين طبعه يا خوي انت القديم كونكت طيب في كثير من المجمعات التجارية النت لا سلكي اطلع الامارت وشوف كيف المناطق الذكية ليش منصير زيها واحسن منها لا تقول تشبهنا بالامارات والله بامكانه نكون احسن مدينة على مستوى كويس بس الواحد يفكر زين ما يفكر في السلبيات ويخلي الايجابيات يا خوي وانا من المؤيدين لفكرة المنطقة الذكية موب بس على مستوى الشلال الى في العزيزة بعد التكيات الى في تميرية تقبلوا نقدي بصدر رحب ولا حد يزعل مني تحياتي

ههههههههههههههههه تشبه الامارات بتمير

يكرم تمير عند الامارات وانت عارف ليش

الامارات ما عندهم التزام بالدين ولا يعرفون الحرام من الحلال

وان شاء الله بيسمع كلامك رئيس البلديه ويخلي تمير ازين من الامارات هههه!!!!!!!!!!!!!!

اي والله ححطوهآ ونآسسه <<~~ فآهمه غلط منتي برآيحه هع
الله يوفقكمـ ويكتب الي فيه خير |!

ياليت والله ينظر لهذا الموضوع بأهتمام

اقتباس: ههههههههههههههههه تشبه الامارات بتمير يكرم تمير عند الامارات وانت عارف ليش الامارات ما عندهم التزام بالدين ولا يعرفون الحرام من الحلال وان شاء الله بيسمع كلامك رئيس البلديه ويخلي تمير ازين من الامارات هههه!!!!!!!!!!!!!!

, أستغفرالله يارب ,
وش يكرم تمير عن الامارات ؟
كلنا بالهوى سوا يابن الحلال !
ألحين اكتشفت أننا بجد نحتاج انترنت وبكل مكان !
عالاقل معلومه متوفرة 24 معك !
و كود الله يخلي بعض الاوادم تفهم وش الفرق
بين التطور التقني والانحلال الاخلاقي !
أذا الناس منحلة اخلاقيا فطبيعي استخدامهم للانترنت غلط !
اوما الناس الفاهمه المثقفه .. بتستخدمه صح !
وبعدين وش الذنب فوق رقبة البلدية والكلام السامج ذا
البلدية لما توفر خدمه توفرها بحسن نية !
انت وضميرك والذنب فوق ظهرك ,

المنطقة الذكيه او الشارع الذكي الذي نطالب به مطلب حضاري
وليس من العيب ايجاد مثل هذه الخدمه في مدينة كتمير
الخدمة الان موجوده في المجمعه مقابل البلدية كذلك في حديقة الملك فهد في روضه سدير
اذا اخذنا الامور كما اخذها اخي الوسيعه فلن تتطور اي مدينه فكل شخص محاسب عن عمله وعن مايقوم به .
اعطيك مثل بسيط الرسيفر او الدش قد يستخدم بشكل لائق ويستفاد منه مثل قنوات المجد
او قد يستغل لعرض القنوات الهابطه هل على البائع وزر هذا الشخص ايضاً جهاز الفديوا
او المسجل قد استفيد منه وقد اكسب من ورائه ذنوب لايعلمها الا الله . ما اريد الوصول له هي ان الشخص
هو من يحاسب نفسه قبل ان نضع اللوم على قطاع حكومي يؤمن خدمة موجوده بكل مكان
اخيرا اتمنى من القائمين على بلدية تمير ان يضع هذه الخدمة اسوة بباقي المدن المتقدمه لشغل وقت الشباب
وقضاء وقت الفراغ في اشياء اسئل الله انها تعود عليهم بالنفع .

الوسيعه وش اللي حارق رزقك ..؟

اقتباس: المشاركة الأصلية كتبت بواسطة النادر    المنطقة الذكيه او الشارع الذكي الذي نطالب به مطلب حضاري وليس من العيب ايجاد مثل هذه الخدمه في مدينة كتمير الخدمة الان موجوده في المجمعه مقابل البلدية كذلك في حديقة الملك فهد في روضه سدير اذا اخذنا الامور كما اخذها اخي الوسيعه فلن تتطور اي مدينه فكل شخص محاسب عن عمله وعن مايقوم به . اعطيك مثل بسيط الرسيفر او الدش قد يستخدم بشكل لائق ويستفاد منه مثل قنوات المجد او قد يستغل لعرض القنوات الهابطه هل على البائع وزر هذا الشخص ايضاً جهاز الفديوا او المسجل قد استفيد منه وقد اكسب من ورائه ذنوب لايعلمها الا الله . ما اريد الوصول له هي ان الشخص هو من يحاسب نفسه قبل ان نضع اللوم على قطاع حكومي يؤمن خدمة موجوده بكل مكان اخيرا اتمنى من القائمين على بلدية تمير ان يضع هذه الخدمة اسوة بباقي المدن المتقدمه لشغل وقت الشباب وقضاء وقت الفراغ في اشياء اسئل الله انها تعود عليهم بالنفع .

الف شكر لك اخوي النادر

كلامك عسل وردك جميل جدا يليق بثقافتك ...!!!!