عفوا ماضينا فلقد ظلمناك ....

اااؤيد وبشده ان الجنادريه مرتبطه بتقلبات الجو دائما اول يوم يصير فيه الافتتاح يجينا العج دداائما
وترى الجنادريه الان مو تررراث وحضاره لا صارت خراب والدليل الي يصير فيها من فساد اكثر من انه عرض للماضي

لو تتسكر صار فيها سد للمفاسد وردع للفتن الي زادت عن حدها

الي يبي التراث بيلقاه في كل مكان ودي ادري وش شفتو فيها تراث كل شي عندهم تراثي مالي السوق بس كلام فاضي

اقتباس: المشاركة الأصلية كتبت بواسطة عَ ـزَوـوفْ ..(~    تطق اللثمة والميك اب وتجيك زنق عشرة الله يهدينا وياهم .. تقبل مروري..

اخت عزوف قبل كل شي بالله تعطيني تفسير للمصطلحات اللي ذكرت
اللثمة،والميك اب ،وتجيك زنق عشرة.
شوفي والله ماعرف المصطلحات هذي، بس حبيت اسالك حتى نتناقش في ردك.

يقول (لاتتفق الامة على ضلالة)والجميع اجمع عاى ان اسباب العج الجنادرية!!!!!!!!
فالحل هوين تلغى الجنادرية ويروح العج.
تحياتي للنادر على طرحة الجميل
نسيم

اقتباس: المشاركة الأصلية كتبت بواسطة نسيم    اخت عزوف قبل كل شي بالله تعطيني تفسير للمصطلحات اللي ذكرت اللثمة،والميك اب ،وتجيك زنق عشرة. شوفي والله ماعرف المصطلحات هذي، بس حبيت اسالك حتى نتناقش في ردك.

احرجتنى نسيم..
الميك اب ...المكياج
اللثمة تغطي فمها ونص خشمها والباقي طالع
زنق عشر ...يعنى متكشخة بالمرة كنها رايحة لعرس..
وتفضل ناقش براحتك..

اقتباس: المشاركة الأصلية كتبت بواسطة عَ ـزَوـوفْ ..(~    احرجتنى نسيم.. الميك اب ...المكياج اللثمة تغطي فمها ونص خشمها والباقي طالع زنق عشر ...يعنى متكشخة بالمرة كنها رايحة لعرس.. وتفضل ناقش براحتك..

لا بالله عادي وانا والله ماعرف المصطلحات هذي اطلاقا اي والله.
ولا فيه احراج .

اقتباس: المشاركة الأصلية كتبت بواسطة عَ ـزَوـوفْ ..(~    طرح قيم اخي النادر ومن جد لما تجى الجنادرية تطق العج كل سنة على هالموال... وانا بنفسي شفت البنات ترقص وتصفك والناس والشباب يشوفون مــآأرة مابة حيا. ومنبهرين منهم وعمايلهم والناس ماعاد تستحي مثل اول تطق اللثمة والميك اب وتجيك زنق عشرة الله يهدينا وياهم .. الجنادرية صحيح فيها تراث واشياء حلوة بس الناس هي الي تخرب .. وبعد نرجع ذلك لتقلبات الجوء على قولت نسيم الارض ماجاها مطر تقبل مروري..

يعني متزينين وبس.
طيب وش تبينها تلبس ؟هذا لسان حال الحريم اليوم.وش تبينهن يلبسن شيلة مثل جلال البكستانية لفيتن في الراس والباقي يسحب في الارض.والا ثوب منتفش كنه ثوب القذافي وخلقانه والبشت كنه مظله !!!!!!!!!!!!راح الكلام هذا.
منول نضحك على البنطلون وصار عند الحريم عادي وعلى كلام الحريم انه استر من الثوب.
اخت عزوف ابسالك سؤال يوم تروحين للجنادرية وش الهدف؟
هل عندك علم مسبق بان الجنادرية من اسباب العج؟وانها مقر للفساد؟
ويوم رحتي بسألك بالله منبسطتي ووسعتي صدرك؟وقمتي تسولفين على ربعك من الاناسه.
ليه حنا كذا؟اذا طلعنا ووسعنا صدورنا وخلصنا نبدء ننتقد ليه؟ونذكر السلبيات ،ليه مانذكر الشي الجميل اللي نشوفه؟
من اسباب انتشار الفساد كلام الناس ،ونبدء نحكم وحنا ماشفنا نصدر احكام غيابيه .وكثر الكلام عن الفساد يا اخوان وذكره يفقد الحس ،ونبدء نحسه بانه عادي الى ان ينتشر ويستهونه الناس ويصير شي طبيعي.

الانتقادات لها مكانها ،ولها صوت اذا طلب منك بمن في يده الحل والعقد لكن وانت جالس مع ربعك تبدء تتكلم وتطلق التهم هذا شي ماهوب صحيح اطلاقا.
بس ترانا اتفقنا كلنا ان سبب العج الجنادرية ياعزوف،والا منول كن حنا على خط الاستواء مطر 24ساعة وخضرة ودفا ،ابد تقول في سيرلانكا .
تحياتي لك
نسيم
ملاحظة التاخير من اسباب الاتصال او ثقل المنتدى.

اقتباس: المشاركة الأصلية كتبت بواسطة نسيم    يعني متزينين وبس. طيب وش تبينها تلبس ؟هذا لسان حال الحريم اليوم.وش تبينهن يلبسن شيلة مثل جلال البكستانية لفيتن في الراس والباقي يسحب في الارض.والا ثوب منتفش كنه ثوب القذافي وخلقانه والبشت كنه مظله !!!!!!!!!!!!راح الكلام هذا. منول نضحك على البنطلون وصار عند الحريم عادي وعلى كلام الحريم انه استر من الثوب. اخت عزوف ابسالك سؤال يوم تروحين للجنادرية وش الهدف؟ هل عندك علم مسبق بان الجنادرية من اسباب العج؟وانها مقر للفساد؟ ويوم رحتي بسألك بالله منبسطتي ووسعتي صدرك؟وقمتي تسولفين على ربعك من الاناسه. ليه حنا كذا؟اذا طلعنا ووسعنا صدورنا وخلصنا نبدء ننتقد ليه؟ونذكر السلبيات ،ليه مانذكر الشي الجميل اللي نشوفه؟ من اسباب انتشار الفساد كلام الناس ،ونبدء نحكم وحنا ماشفنا نصدر احكام غيابيه .وكثر الكلام عن الفساد يا اخوان وذكره يفقد الحس ،ونبدء نحسه بانه عادي الى ان ينتشر ويستهونه الناس ويصير شي طبيعي. الانتقادات لها مكانها ،ولها صوت اذا طلب منك بمن في يده الحل والعقد لكن وانت جالس مع ربعك تبدء تتكلم وتطلق التهم هذا شي ماهوب صحيح اطلاقا. بس ترانا اتفقنا كلنا ان سبب العج الجنادرية ياعزوف،والا منول كن حنا على خط الاستواء مطر 24ساعة وخضرة ودفا ،ابد تقول في سيرلانكا . تحياتي لك نسيم ملاحظة التاخير من اسباب الاتصال او ثقل المنتدى.

نسيم رجعت لردى اخذت الي تبي وخليت الي تبي صح
انا كتبت
شف ردي هذا..

اقتباس: المشاركة الأصلية كتبت بواسطة عَ ـزَوـوفْ ..(~    الجنادرية صحيح فيها تراث واشياء حلوة بس الناس هي الي تخرب .. وبعد نرجع ذلك لتقلبات الجوء على قولت نسيم الارض ماجاها مطر ..

ماقلت تلبس شيلة تلبس نقاب اقل شئ..
ماتتكحل تجذب الرجاجيل تلبس شئ وسيع ما تلبس شئ يبين جسمها
عبايات والله تستحى تشوفها كنها فساتين
انااتكلم عن فئة من الناس الي تجي للجنادرية
ام الجنادرية والله انى انبسطت بها ومدحتها وصورت ومدحتها بالتصوير ..
ويوم اروح للجنادرية ودي اشوفها وش هي لانى ماقد رحت ابد ولا ادل ادروووبها
كانو يقولون جت الجنادرية وجاء العج قبل لاروح بس عاتى مومنة بقضاء الله وقدر اذا كنت محتشمة ماعلى من البقية..

اقتباس: المشاركة الأصلية كتبت بواسطة نسيم    من اسباب انتشار الفساد كلام الناس ،ونبدء نحكم وحنا ماشفنا نصدر احكام غيابيه .وكثر الكلام عن الفساد يا اخوان وذكره يفقد الحس ،ونبدء نحسه بانه عادي الى ان ينتشر ويستهونه الناس ويصير شي طبيعي. .

انا ما ذكرت شي الا الي شفت بعين ..

اقتباس: المشاركة الأصلية كتبت بواسطة نسيم    الانتقادات لها مكانها ،ولها صوت اذا طلب منك بمن في يده الحل والعقد لكن وانت جالس مع ربعك تبدء تتكلم وتطلق التهم هذا شي ماهوب صحيح اطلاقا. بس ترانا اتفقنا كلنا ان سبب العج الجنادرية ياعزوف،والا منول كن حنا على خط الاستواء مطر 24ساعة وخضرة ودفا ،ابد تقول في سيرلانكا . تحياتي لك نسيم .

اية اذكر كنا بخط الاستواء وحولنا هع

مافهمت بقية السؤال.

نسيم شاكرة لك ..

هلا اخوي نسيم حبيت اضيف مع عزوووووووف وش تبونة تلبس ماقلنا شي على الاقل الوحد ها تطلع محتشمه

مو فاتنه يعني اللبس يكون واسع ثاني الميك اب ماله داعي واللثام وغيرهاا على مااظن فية شي اخترعوة بدل الشيلة اسمة نقاب

ولا ماله ام داعي تروح لم الجنادرية يعني وشولة تروح للجنادرية اذا طقت الزين الا لقرض ؟؟؟

وخلنا صادقين مع انفسنا المراة ماتروح لم سوق وغيرهاا ومتزينه الا ؟؟؟؟؟؟؟؟

وبعدين حنا وينا فيه رقص وهبال عساء ماصرنا في بانكوك وحنا ماندري

الله لايبلانااا ياريت يصكونة ويريحون العالم منهاا

على العموم هذي مدخلة بسيطة لردك يااخوي

اقتباس: المشاركة الأصلية كتبت بواسطة عَ ـزَوـوفْ ..(~    نسيم رجعت لردى اخذت الي تبي وخليت الي تبي صح انا كتبت شف ردي هذا.. ماقلت تلبس شيلة تلبس نقاب اقل شئ.. ماتتكحل تجذب الرجاجيل تلبس شئ وسيع ما تلبس شئ يبين جسمها عبايات والله تستحى تشوفها كنها فساتين انااتكلم عن فئة من الناس الي تجي للجنادرية ام الجنادرية والله انى انبسطت بها ومدحتها وصورت ومدحتها بالتصوير .. ويوم اروح للجنادرية ودي اشوفها وش هي لانى ماقد رحت ابد ولا ادل ادروووبها كانو يقولون جت الجنادرية وجاء العج قبل لاروح بس عاتى مومنة بقضاء الله وقدر اذا كنت محتشمة ماعلى من البقية.. انا ما ذكرت شي الا الي شفت بعين .. اية اذكر كنا بخط الاستواء وحولنا هع مافهمت بقية السؤال. نسيم شاكرة لك ..

مرحبا عزوف مرة ثانية وثالثة وكل يوم .
وش اخذ وش اخلي من ردك؟هو كله كلمتين لكن انتي طوليتها بخمسة اسطر .على قول المثل (كي كي مثل ما رحتي جيتي) الله لو ان ردك خطاب امين ا لامم المتحدة ياعزوف نقعد نفنده وندرسه.
كل كلامك تأييد للمشرف العام النادر،وكلكم ماهوب انتي لحالك يعني خلاص صار النادر يبي العج من الجنادرية وان الجنادرية مامنها فائدة خلاص نقول مثله.
والله لو ان اللي كاتب الموضوع واحد مثلي انت تطيرون في حلقه.
وسبب المشاكل انتم يالحريم لو مافيه حريم ماقلنا رقص ولا قلنا اختلاط،وبيني وبينك من يو قامت تطلع الحرمة من بيت اهلها وحنا في مشاكل ،لو يقول الرجال لحرمته مافيه طلعة انطقي في البيت طمحتوا واشغلتونا .حنا نبي نرضيكم ونوسع صدروكم لكن ماعرفنا.
ومن ناحية على قول الميك اب اوالبك اب والزين بلا الحريم يتواعدن في لجنادرية ويبن يتزينن عند بعضهن او انا غلطان؟
والحرمة اما تزينت من يتزين انا والا النادر!!!!!!!!!!
خليك واقعية الحرمة تبي المدح وانها ازين الحضار وتبي تموق على غيرها.لكن ان جاء سفيه يلاحق حريم خلق الله فهذا يعتبر مهبول ،ولا فيه خير بعد.
تحياتي لك
نسيم

اقتباس: المشاركة الأصلية كتبت بواسطة توليب2    هلا اخوي نسيم حبيت اضيف مع عزوووووووف وش تبونة تلبس ماقلنا شي على الاقل الوحد ها تطلع محتشمه مو فاتنه يعني اللبس يكون واسع ثاني الميك اب ماله داعي واللثام وغيرهاا على مااظن فية شي اخترعوة بدل الشيلة اسمة نقاب ولا ماله ام داعي تروح لم الجنادرية يعني وشولة تروح للجنادرية اذا طقت الزين الا لقرض ؟؟؟ وخلنا صادقين مع انفسنا المراة ماتروح لم سوق وغيرهاا ومتزينه الا ؟؟؟؟؟؟؟؟ وبعدين حنا وينا فيه رقص وهبال عساء ماصرنا في بانكوك وحنا ماندري الله لايبلانااا ياريت يصكونة ويريحون العالم منهاا على العموم هذي مدخلة بسيطة لردك يااخوي

هلا اخوي توليب2
انت كنك مثل الاعمى يوم جاء يفزع لقط مشاعبة ولايدري من يطق ،
انت هالحين ماندري من انت معه؟
انت مع عزوف ،والا ضدها.والا معارض والا مؤيد.
انت معجل ونسمتك طارية ،اركد خل نشوف وش عندك.