ليلة رااائعة في عمو حمزة مع مخاوي تمير والمتحد!!

ماشاء الله عليكم
غابشين بالرياض اوريك يابو (........)هههههههه
تعرف من تعزم بس من جد وش رايك يالمهند بالسمك حق عمو حمزه
او السمك اللي مزينته العجوز في رحلتك اللي راحت وسلمت الجره من التسمم هههه

الصراحه صور رائعه من جد
ويعطيكم العافيه على هالطلعه الحلوه

شكلك غلط يا المهند في مطعم عمو حمزة ثوب وشوشة طايرة ويمكن نعال بلاستيك..

لو لبست برموده وفنيلة مزلط وخليت السيقان والذرعان المزروعة تطلع أو شخصت مثل يوم عرسك بغينا ما نعرفك .

المهم وشلونك عقب هالأكلات البحرية ما استنكرت بطنك ولا شي ثاني !!!

على بطونكم بالعافية .

كفو والله
اجل من صيد الضفاادع اللى الربياان والسمك شي حلووووو


مشكور على طرحك للصور المميزة تشكر

اقتباس: تم كنسلة دعوة أبوحمد وإجابة دعوة مخاوي تمير لأداء وجبة العشاء في عمو حمزة المطل على شارع الوشم ...

ما شاء الله جايين للرياض عشان عمو حمزة !!!
ولا قلنا خلوا نشوفكم في السويدي تقولون الرياض بعيد وزحمة !!!!

الحمد لله على المحبة والتآلف الذي يسود الأعضاء جميعهم

من مكاسب المنتدى لي شخصياً هو التعرف على هؤلاء الرجال

الكرماء بتواضعهم وتعاملهم وكرمهم الفياض على شخصياً .

.. ..

كانت ليلة من أجمل الليالي فقد سعدت بهذه الرحلة البسيطه والكبيره في

معناها وقيمتها .

همسه
اخي المهند لو تقرع بالموس وما تلبس شماغ الله محليك عن زود البشر

اقتباس: المشاركة الأصلية كتبت بواسطة ابوحمد2011    وبعدين مالكم حق ما علمتوني انا اقدر المأكولات البحريه

تصدق يا ابو حمد يوم تتصل علي انغزني قلبي انك داري و شام ريحه سمك وربيان

لكن ابشر بالعوض انت امر وحنا لك نطامر في اي وقت وابشر بالسمكة اللي كبر

السماح ابا الرماح

اقتباس: المشاركة الأصلية كتبت بواسطة ابو مشعل    ماشاء الله عليكم غابشين بالرياض اوريك يابو (........)هههههههه تعرف من تعزم بس من جد وش رايك يالمهند بالسمك حق عمو حمزه او السمك اللي مزينته العجوز في رحلتك اللي راحت وسلمت الجره من التسمم هههه الصراحه صور رائعه من جد ويعطيكم العافيه على هالطلعه الحلوه

والله كنت اتمنى انك معنا يا عسلهم( اقل شيء تزيد سرعتنا يا ابو .... )

ابو مشعل ما راح شيء نبي نروح اكثر من مره بس انت حدد الوقت وابشر

ترانا حطيناها دوريه ( تورط المتحد ) ما يحب الرياض بس نغصبه اذا جاء دوره بس

ابو مشعل الف شكر لتشريفك عشانا .

اقتباس: المشاركة الأصلية كتبت بواسطة محمد الفيصل    ما شاء الله جايين للرياض عشان عمو حمزة !!! ولا قلنا خلوا نشوفكم في السويدي تقولون الرياض بعيد وزحمة !!!!

استاذنا الغالي ابو عبدالعزيز التقرير فضحنا قدامك

وانت عارف لك حق غصب علينا وابشر بزيارة في اقرب وقت

الله يجزاك الف خير لتواجدك الغالي علينا

اقتباس: المشاركة الأصلية كتبت بواسطة المتحـ2007ـد    الله واكبر يا المهند كنك ما تدري من اللي كل سمكتي انا ما كلت الا البطاطس وحبة ربيانه ونشبت في حلقي وحتى الحمص ما جبتولي شي لكنها كانت طلعه حلووووووه مع ذا الوجيه الطيبه شرواكم وشرواء من يشاهد الموضوع وان شاء الله لنا طلعه في سد بوضاء على ضفادع مشويه ومحشيه خخخخخ الله يعطيك العاااافيه على هذا الموضوع الرااائع

الله يعافيك أخوي المتحد ما عليك زود .... !!!

أما الضفادع المشوية أنا مالي فيها ... تكفى فكني منها ... ما بيها ولا أبي شوفة شكلها ... ووووه !!!

الله يستر خبري بك خطير في الفوتوشوب والله يستر لاتحط صورتي معك ...!!

اقتباس: المشاركة الأصلية كتبت بواسطة نسيم    هههههههههه ابوحمد شف المتحد يناظر فالشوكة يخاف يضيع.مايدري وين يجيها معه. تصدق رحمت المتحد ... شقت خشته كم مره ذا الشوكة ...!! المهند في الصورة هذي كنه من اهل القطيف ههههههههه. أهل القطيف ... مالقيت أطيب منهم يانسيموف ..!! عاد مخاوي تميريتبسم متعود واللي معه قراوى. مخاوي تمير ... ماخذنا معه والظاهر أنه يبي يضحك علينا ..ويقول خل أعلمك في هالقراوة ..!!! المتحد وش اللي حادك كل ديك بلدي ابرك لك. يارجال لو تشوف وشلون دخلنا ذا الربيانه في الشوكة عشان نلقط له صورة إن كان تضحك ..!! شف المتحد والمهند اذا أكل الواحد منهم بطاطس اكل الثاني مثله . هو حنا عرفنا شيء غير هالبطاطس ..!! حتى الخيار اللي في السلطة مقشرينه من زود التشخيص ..!! ايه هذي الكشته والا بلاش مضيعين انفسكم وراء الضبان والشموس .المدنية حلوة هههههه

أي والله الناس عايشه في رخاء ونعيم يالله لك الحمد ... لكن فيه ناس تدور الغثاء ...
وداعاً للقراوة وأهلاً بالمدنية !!!

اقتباس: المشاركة الأصلية كتبت بواسطة معانق هم    وعليكم السلام ورحمة الله وبركاته مشاءالله عليكم اجل عمو حمزه هاه إيه عمو حمزة ... أكو عندكم مثله بالأجويت !! صراحه مالك حق يامخاوي تمير تعزم الرجاجيل وتقوم عن العشاء اول واحد لو أني من المتحد والمهند كان ازعل سنة قدام اخليه ماعاد يتعودها ! هو قايم يبينا نقوم وراه عشان يجي من ورانا ويكمل ... لكن ما قمنا إلين خلصنا ..!! يالبيه يالخجول اجل مستحي بو عزوز ما ينلام يستحي أبوعبدالعزيز ... فشلناه في المطعم يحسبننا ثقل ... لكن خيبنا ضنه فينا ... تصدق حتى الجرسون المصري مدري السوري يعرف أبو عبدالعزيز وأنه مستغرب مننا ...!! المهند صراحه من شفتك فاصخ شماغك قلت الرجال شكله ذابحه الجوع وناوي نية قشره والله أنك كنك تشوف أخوي معانق هم جوعااان لآخر حد ... حتى السلطة ما خليتها ...!! افاااا يالمهند اخترتها تاكل بشوكه ! والله يالمتحد انه حبيب ياكل والصحن قدامه فاضي ! مشكور على التقرير يالمهند اللي عرفتنا على الوجييه الطيبه ويعطيك العافيه على هذا الموضوع الرائع

الله يعافيك وما عليك زود أخوي أبوعبدالعزيز ... وشاكر لك إضافتك الرائعة وقفشاتك الجميلة ..