عمل الزوجة في منزلها براتب.. يحوِّلها إلى "خادمة" ويهين كرامتها وأمومتها

888

اقتباس: المشاركة الأصلية كتبت بواسطة لميس    من زمان فاهمين غلط ماعرفنا هالشيء الا من فتره اكييد اهلنا يلعبون علينا وحنا مصدقين اذا قالو اشتغلي ونظفي البيت ومدري ايش ياخي موالغلط مننا من المجتمع الي عايشين فيه وطريقه تفكيرههم يالله ننتظرك ياحكيمنا هذا احسسن شيء بيدعون لك الحريم

فاهمين خطا وبس !الاكله خطا !
الان اللي انتم تعملونه عرف تعارفوا عليه ان الحرمة تطبخ وتكنس وترضع ،
لا والرجال اول مايعرس يسوي نفسه شجاع ويقول لزوجته اهم شي امي وابوي !!!!!!!!!!!
وش دخلها في امك وابوك !

اقتباس: المشاركة الأصلية كتبت بواسطة الكاريبي    اذا شرطت الخادمة فهو اساس اكتمال العقد ،واذا لم يستطع احضار خادمة فهو غير مؤهل للزواج ! انا ماعلي من كلمة فرض اجر على الخدمة،لكن المرأة غير ملزمة بالخدمة لاتغسل ولاتنظف ولاتطبخ وهذا الشرع ! اضف لها الرضاعة اذا شرطت على الزوج ارضاع الطفل تاخذ مقابله فلوس .

انا معك اذا شرطت خادمه وهو موافق مافيه اشكاليه واذ لم يوافق فهو غير مؤهل للزواج
حلو كذا ماشيين بالسليم لكن الرضاعه بفلوس بعد هذا ولدها فلذة كبدها
صآرت الدنيا كلها فلوس × فلوس ..
والمسكين اللي على قد حاله وش يسوي
اجل محد متزوج على هـ الحاله
العلاقة الاسريه مبنية على المودة والرحمة بين الطرفين مو على حساب كل واحد يقول هذي واجباتي وهذي واجباتك ..

اقتباس: المشاركة الأصلية كتبت بواسطة الكاريبي    محجورة في البيت ومن الفجر وهي تغسل وتكنس وتطبخ ومتابعة اطفال لين ترقد ! تخيلي اذا قامت الصبح وسلة الملابس عليها طول مترين هدوم تبي تغسيل ،وفطور وغدا وعشاء،اضف عليها معاملة سيئة !بالله وش هالحياة ؟ تكلموابالعقل واتركوا العاطفة بعيده، الشغل هذا ماهوب عمل شاق او بمثابة عقاب !!!

يعني الفلوس بتنبسط عليها وبتنسى انها محجوره كل اليوم !!

شوف الفتوي

اقتباس: وسئل الشيخ ابن جبرين حفظه الله : هل من الواجب على الزوجة أن تطبخ الطعام لزوجها ؟ وإن هي لم تفعل ، فهل تكون عاصية بذلك ؟ فأجاب : "لم يزل عُرْف المسلمين على أن الزوجة تخدم زوجها الخدمة المعتادة لهما في إصلاح الطعام وتغسيل الثياب والأواني وتنظيف الدور ونحوه ، كلٌّ بما يناسبه ، وهذا عرف جرى عليه العمل من العهد النبوي إلى عهدنا هذا من غير نكير ، ولكن لا ينبغي تكليف الزوجة بما فيه مشقَّة وصعوبة ، وإنما ذلك حسب القدرة والعادة

لم يذكر الشيخ يعطيها راتب على عملها ببيتها او على رضاعة طفلها

اقتباس: المشاركة الأصلية كتبت بواسطة عساف الأصايل    و أنقل أيضاً تعقيباً على الفتوى الآنفة ... و منها إن كانت خدمتها لزوجها غير واجبة أنه لا يجب على الزوج الذهاب بها إلى أهلها لزيارتهم كل أسبوع مرة أو مرتين ولا توفير الجوال لها وتسديد فواتيرها ولا الذهاب بها للنزهة ولا الذهاب بها للسوق بين كل حين وآخر بل لها كسوة في الشتاء وكسوة في الصيف فقط ولا شراء هدايا لأهلها إذا ولدت أختها وبنت عمها وووو وأمور كثيرة مذكورة في موضعها في كتب الفقه لو طبقت طريقة المشاحة لما صلحت حياة زوجين !

اخوي عساف ،
انت اللي كاتب الكلام هذا والا تكملة للمنقول بارك الله فيك ؟

اقتباس: المشاركة الأصلية كتبت بواسطة الكاريبي    فاهمين خطا وبس !الاكله خطا ! الان اللي انتم تعملونه عرف تعارفوا عليه ان الحرمة تطبخ وتكنس وترضع ، لا والرجال اول مايعرس يسوي نفسه شجاع ويقول لزوجته اهم شي امي وابوي !!!!!!!!!!! وش دخلها في امك وابوك !

انت جالس تحرض الحين المفروض تنصح
بكره بتروح كل حرمه وتقول لزوجها ابي خدامه وراتب على شغلي بالبيت ولعيالك
والله يستر وش آخرتهآ

اقتباس: المشاركة الأصلية كتبت بواسطة الكاريبي    فاهمين خطا وبس !الاكله خطا ! الان اللي انتم تعملونه عرف تعارفوا عليه ان الحرمة تطبخ وتكنس وترضع ، لا والرجال اول مايعرس يسوي نفسه شجاع ويقول لزوجته اهم شي امي وابوي !!!!!!!!!!! وش دخلها في امك وابوك !

لأن الأم والأب هم تااااج على رؤسنا ورأس مالنا ولانسوي بدونهم شي وأحترامها لوالديكـ دليل على أحترامها لكـ
وبعدين مادخل الشجاعة في الموضوع كله وبعدين لو عكسنا المسألة أخي الكريم ولم تقم أنت بأحترام أهلها
وبالذات والديها الا ينعكس هذا الأمر على نفسيتها وعلى تعاملها معكـ ...؟؟؟
ونهاية الحديث بروا أبائكم يبركم أبنائكم وكما تدين تدان
تحياتي لك

اقتباس: المشاركة الأصلية كتبت بواسطة الراقيه    انا معك اذا شرطت خادمه وهو موافق مافيه اشكاليه واذ لم يوافق فهو غير مؤهل للزواج حلو كذا ماشيين بالسليم لكن الرضاعه بفلوس بعد هذا ولدها فلذة كبدها صآرت الدنيا كلها فلوس × فلوس .. والمسكين اللي على قد حاله وش يسوي اجل محد متزوج على هـ الحاله العلاقة الاسريه مبنية على المودة والرحمة بين الطرفين مو على حساب كل واحد يقول هذي واجباتي وهذي واجباتك ..

اتمنى انها تاخذ فلوس على الرضاعة،ولا كل يوم اشتري علبة حليب اطفال من الصيدلية اللي اذا جت الساعة الثانية عشر ليلا قفلت (سكرت )وتورطنا من يرضع الطفل وتسكيته من الصياح !
يعني ان مشترى الحليب اغلا من الاجر اللي تبي تاخذه من الرضاعة .
المسكين يحمد ربه ولا يبلى غيره ويصوم ،انصحه يصوم .ولا ياكل كثير

اقتباس: المشاركة الأصلية كتبت بواسطة الكاريبي    اتمنى انها تاخذ فلوس على الرضاعة،ولا كل يوم اشتري علبة حليب اطفال من الصيدلية اللي اذا جت الساعة الثانية عشر ليلا قفلت (سكرت )وتورطنا من يرضع الطفل وتسكيته من الصياح ! يعني ان مشترى الحليب اغلا من الاجر اللي تبي تاخذه من الرضاعة . المسكين يحمد ربه ولا يبلى غيره ويصوم ،انصحه يصوم .ولا ياكل كثير

مو من قلبك لو تجرب كل شي بفلوس والله تحلف ماتزوج مره ثآنيه
وهذآ من نتآئجه السلبيه

اقتباس: المشاركة الأصلية كتبت بواسطة الراقيه    يعني الفلوس بتنبسط عليها وبتنسى انها محجوره كل اليوم !! شوف الفتوي لم يذكر الشيخ يعطيها راتب على عملها ببيتها او على رضاعة طفلها

انا اقول المبلغ هذا مايسمى اجر بل نسميه تحفيز (حافز )مانقول انها تاخذ اجر مقابل تادية خدمة ،
نعم الفلوس تنسيها عنا التعب والمشاكل والروتين المتعب على مدار الساعة ،مثل حافز او برنامج حافز وش صار في الحريم يوم قطع عنها وهي عايشة اول بدونه ،يعني صار لها طموح تشتري وتوسع خاطرها بماتريد وتهتم بنفسها من مقتنيات اللتي كانت تحلم بها ،والذي ينعكس اثره الايجابي على الزوج !