::الحيانية:النفود الكبير:عذفاء:ربيع بين سكاكا وعرعر:مسيج الغرابة:الرجل الكريم : الرحبة:النظيم:18/3/1434هـ

اقتباس: المشاركة الأصلية كتبت بواسطة مخاوي تمير    ما شاء الله تبارك الله تقرير متميز كعادة تقاريرك الكبيرة معلومات جداً قيمة ومفيدة .. لهذه الأماكن والمواقع التي مررت بها فقد استفدت بهذا التقرير الكبير والرائع شكراً ايها السفير لهذا العطاء ولهذا الجهد الكبير فالف الف شكر وجزاك الله عنا خير

يا مرحباً بك أخوي ابو عبدالعزيز ..

وأبرك الساعات حضورك وتشريفك ..

الله يجزاك خير ويعافيك على دعواتك المباركة ..

لاهنت ..

اقتباس: المشاركة الأصلية كتبت بواسطة الكاريبي    السلام عليكم لاتعبت ابومهند .تراي ماخذ الصور من مكشات للاحاطة فقط ! سؤال يفرض نفسه المحل هذا تسحبونه معكم بالسيارة اذا بغيتوا تكشتون ؟والا وش مهمته في التقارير ؟اشوف المحيل حاضر بشكل قوي الله يرزقك ** حيث الدبة الجديدة .. المعادة التعبيئة .. ** والسكاكين السراميكية .. ** تفاصيل أكثر عبر الضغط على هذه الصورة..

وعليكم السلام ..

ليتك ما خذتها من مكشات .. ولا جيت لها التقريرر .. ههههه

مدري وش هالمحل .. من عرض المحلات اللي نمرها .. أجل محطة البنزين اللي في الحيانية ساحبين طرمبة البنزين معنا ..

اقتباس: المشاركة الأصلية كتبت بواسطة المهند    وعليكم السلام .. ليتك ما خذتها من مكشات .. ولا جيت لها التقريرر .. ههههه مدري وش هالمحل .. من عرض المحلات اللي نمرها .. أجل محطة البنزين اللي في الحيانية ساحبين طرمبة البنزين معنا ..

والله ما يردني عنك البحر !
يعني المحيل هذا في الحيانية ؟
كل الصور عن السكاكين والدوافير .

توها تجيك الذهانة يوم الناس تركوا البر ،اما لو انك حاط هالصور ايام سلخ الضبان كان اليوم انت اتجر من الراجحي !

اقتباس: المشاركة الأصلية كتبت بواسطة الكاريبي    والله ما يردني عنك البحر ! يعني المحيل هذا في الحيانية ؟ كل الصور عن السكاكين والدوافير . توها تجيك الذهانة يوم الناس تركوا البر ،اما لو انك حاط هالصور ايام سلخ الضبان كان اليوم انت اتجر من الراجحي !

هههههه سلخ الضبان إلى هالحين وهي تلاحقني ..

تبي الصدق فاتتني هذي .. لكن نحاول نرقع شوي ..

أذكر الله يارجال .. وشف هالتقرير ..

اقتباس: المشاركة الأصلية كتبت بواسطة المهند    هههههه سلخ الضبان إلى هالحين وهي تلاحقني .. تبي الصدق فاتتني هذي .. لكن نحاول نرقع شوي .. أذكر الله يارجال .. وشف هالتقرير ..

اقول انت رجال ماشاء الله عليك مشهود لك بلامانة والصدق ،جب تقرير الضبان اللي له خمس سنين وحطه تاريخ جديد ثم زج صور هالمحيل لين يقول امين ثمانين .
ودنا نشوف التقرير لكن مافيه الا صور دواشق ومطارح وبراميل ودوافير .
ماشفت شي غيره

اقتباس: المشاركة الأصلية كتبت بواسطة الكاريبي    اقول انت رجال ماشاء الله عليك مشهود لك بلامانة والصدق ،جب تقرير الضبان اللي له خمس سنين وحطه تاريخ جديد ثم زج صور هالمحيل لين يقول امين ثمانين . ودنا نشوف التقرير لكن مافيه الا صور دواشق ومطارح وبراميل ودوافير . ماشفت شي غيره

هههههههه

مدري وش جاب طاري زلات أو قلات رويغب على بالي ..

اقتباس: المشاركة الأصلية كتبت بواسطة المهند    هههههههه مدري وش جاب طاري زلات أو قلات رويغب على بالي ..

بلاك مختلس وراعي سوابق !!!
المهم انت جاي تدور الميتين 200ريال ؟مش خشك الراقية تبي تشجعكم وانتم خذتوها تجارة ،انت الوحيد اللي خذ 400ريال و50حقت التعليق ماتعبت فيها ولا هيب حلال عليك .
خلنا ساكتين احسن لك .
اليوم جايب هالتقرير فرحان تبي 200ريال .ياضعيّف النفس

اقتباس: المشاركة الأصلية كتبت بواسطة الكاريبي    بلاك مختلس وراعي سوابق !!! المهم انت جاي تدور الميتين 200ريال ؟مش خشك الراقية تبي تشجعكم وانتم خذتوها تجارة ،انت الوحيد اللي خذ 400ريال و50حقت التعليق ماتعبت فيها ولا هيب حلال عليك . خلنا ساكتين احسن لك . اليوم جايب هالتقرير فرحان تبي 200ريال .ياضعيّف النفس

أب أب ..

على طاري الميتين .. وش صار على المسابقة .. هي فيه أو خلصت ..

نسينا ماكلينا ..

داخل لي بثلاث معرفات عشان مسابقة التعليق .. وخاشرتني حتى في المسابقات ..

يا أخي خف ربك ..

ترى أبطلع رسايلك الخاصة وتعليقاتك فيها ..

اقتباس: المشاركة الأصلية كتبت بواسطة المهند    أب أب .. وريّض فيك ! على طاري الميتين .. وش صار على المسابقة .. هي فيه أو خلصت .. نسينا ماكلينا .. داخل لي بثلاث معرفات عشان مسابقة التعليق .. وخاشرتني حتى في المسابقات .. يا أخي خف ربك .. ترى أبطلع رسايلك الخاصة وتعليقاتك فيها ..

خلاص عاد وش رسائل فكنا !
شف الناس طايحين في المسابقات ويقحشون من الدراهم وانا واياك نتهاوش عند خمسين ريال !نصفها خمسة وعشرين الله يخلف عليك .
بدال عذفا وعليم وعرعر رح اطبخ ونزل من الصور وستفد وانا اصوت لك .
يا حليلك تبي تصويت على تقريرك !وتاخذ 200ريال !
المهم هالتقرير كم جزء ؟لاني اشوف فيه تقرير تحت .الى متى وانت كذا ؟

شف لي ساعة موقف في موضوعك ،خرب جهازي ،ومواضيعك ماهيب ونيسة فيها بلا