●• خزآمىَ الصَحآرى « للشعْر والخَوآطرْ !

مهمآ سعى الإنسآن / يجهل مصيره
وممكن تموت بظرف لحظة أمآنيه
كم وآحدٍ .. مآ نام .. سبَّة ضميرة
وكم وآحدٍ .. مآ حسّ باللّي يسوّيه

الا يا نجـوم الليـل لـو غابت القمرا
..................... فـلا بـد ما تطلع تنـوّر ليالينـا
ولا يا خزامى نجـد لو جفت الصحرا
..................... فـلا بـد ما تمطر وتـروي مفالينا
نشوف الزبيدي والنفل واصفر الزهرا
......................وترتع بها الغزلان من حورها العينا
حبيبي جزاه الله جزاني الجزا المـرا
.....................وانا اللي جزت عيني بهجره يجازينا
انا ادري وهي تدري وذاك الهوى يدرا
.................... ولو كان من بدري فـلا هي تدارينا
حبيبـي سألتك بالـذي نـزّل الفجرا
.....................هو الحب ذنبي يوم تفرض تجافينا
تعـالي وحسي قلب مجروح بالهجرا
....................وش اللي حصل ياحب تنسين ماضينا
رضعت الطفولة حب وأسقيتها الفخرا
..................... لغيرك فـلا والله بالحب يغرينـا
حكمتي تحكمتي وحكمـك عليّ امـرا
....................وانا العبـد يتعبـد بمحراب داعينا
سحرتي وساحرتك وبعض العشق سحرا
.................. وانا اللي بسحرك صرت مثل المجانينا
تعالي حبيب الروح نحلم على الذكرا
.................... نسامر نجـوم الليـل والليل يخفينا
تعالي نشوف سهيل ونجـوم بالمكرا
.................. تحاول عبث تطفي الفـرح في مآقينا
يبون القمر يخسف يبون الشجر يعرا
..................يبونا نعـدل "قل هـو الله" و "آمينا "
جيوش العهر سارت تبي تهدم القبرا
...................وحبـك بقـلبي انقبـر بالشرايينا
تعـالي نسل سيوف من حرفنا تقرا
.................. ونكتب بكل الفخـر ياناس حبينـا
نسلم على القمـرا نقول الوعد بكرا
...................وننطر متى بكره لعـله يـلاقينا
الا يا حـروف النصب والنسخ والجرا
................. متى ينتهي الإعـراب ضاعت أمانينا
ولا يا رمـال الشوق في البر والبحرا
.................. تعـالي وضمي ما بقي من خطاوينا
تعـالي نعاهـد نوقف المـد والجزرا
.................. نسلم على القمـرى تثبت مراسينا
سرت بي هواجيس الحزن مدري المسرا
................. ومرّيت بصرا ثم الاسرا ولاجينـا
وهاجت جيوش اليأس وانظر الى كسرا
................. وارجع لماضٍ فات روما وحطينا
وسلمت عل قمرا وقلت الـوعد نصرا
...................فـلا بد ما نفرح يجي يوم يحيينا

حكم القدر لاجاك خيره وشره
...............أشكر عظيم الشان والذنب مغفور

مدام السمـاء تبكـي وتفـرح من بكاهـا قلـوب
.................ترى ماعـاد بـهـ شيء يسمـى بوقتنـا أعجوبـهـ

ترى حلاتك لاحملت لصاحبـك كلمـة عتـاب
أن مانطقـت بهـا بوجهـه ماتذمـه بظهـره

ودك اليامن جاتك الغلطه من الناس القـراب
الصاحـب اللـي ماكسبـت محبتـه ماتخسـره

تقول مرتاح ؟! واقول ( مرتاح ) اجاملك !!
والا الله اعلم .. بحالي
في خاطري كسره وفي صدري رماح
والقلب ( عز الله ) ماهوب . . . خالي.

قـآلهـآ حـآمـد"

تماديتي وأنـا مثلـك تماديـت بهجـر وبعـاد
...............وكـلٍ مثّـل عنـاده خفـوقٍ ثابـتٍ صـامـد

وإذا عندك بعادي عيد ترى عندي جفاك أعيـاد
.............وعسى طول الجفا منـي يليّـن قلبـك الجامـد

أبضحك وأظهر البسمة ولو إن الجروح اجـداد
...............وترى قلب الحريقة ضو ولو وجه الحطب رامد

بكون أكبر مـن الغلطـة وبعلـن للهوا ميـلاد
.............إذا كان الخطـا منـك مجـرّد ثـورة الخامـد

وإذا كان الجفا منّـك مسافـات وغـلا وعنـاد
..............تراي أكبر من عنـادك وقولـي قالهـا حامـد

النفس لا عافت عقب ما تهتوي
،،،،،،،،،،،،،،،في ذمتي ماعاد تعطي ودّها

والله ما أنسى أصـحاب ما نسوني
................... لو طالت غيبتهم وضاعت نواحيهم
يبقــون مـعـي ما بين قـلبي وعيني
...................... والنفس من بد المخالــيق تغليهم
وأنشد عن أحوالهم بعاصف سنيني .
................... وأرتــاح لا زانت وطــابت ليـــاليهم

الكفو بعهود الاصحاب إيتجوّد
لوّ تحدّه عن مواصلهم ظروفه

والردي لا راح .. جعله ما يعوّد
ما على مثله ليا قفّى حسوفه