.•|[ وإنّ ضآق صدّري من هُمومي ~» تَنْفسّتِ ]|•

لافي حمود الغيداني الحربي شاعر كبير سبق وان تواجد بمهرجان تمير
قبل سنوات كتب قصيدة جدا رائعه عند مرض والده اعجبتني وحبيت انقلها لكم

عزي لـمـن جدواه عـضة إبهامه
ماله ولا بيديه حـيـلـه وتدبير

رجاي باللي من نواشي غـمامه
يسـقي ثراه , ويكسي ارضه نواوير

هو العـظيم ورب عرش العـظامه
سبحـانه الخـالـق بديع التصـاوير

يارب قوّم والدي بالسلامه
واشفه ومتعني بشوفه على خير

سبعـه وعشرين اول ايام عـامه
وردن , وصادنه سـهـوم الـمـقـادير

وعليّ جيش الحزن ورّد حـيامه
واجـتاحـني مثل اجـتياح الاعاصير

قامت ضحى بين الضلـوع الـقـيامه
رجاء,وياس, وحزن طاغي , وتـفـكير

للـقـلب من ( قوع ) العروق انصرامه
يوم الاطباء يكـتـبـون الـتـقـارير

يزود نبضه , ويتـلخـبـط نظامه
واحس في كـتـمه , وافك الازارير

يامن لك من الـطيب ذروة سنامه
وتـقـصيرك( بعـكسه) ماهـو بأي تـقصير

ويامن رسمت أرقى وارق ابتسامه
على وجه شايب ,وشباب , وصغـير

الـبـيـت عـقـبك صار نوره ظلامه
امس بوجودك غـيـر , والـيـوم ذا غـيـر

في كل ركن ٍ من ركـونه علامه
للحزن يامـوفي حـقـوق المسايير

ياوالدي مسك الكلام وختامه
كربه وزادتني دراية وتفكير

عـضـيت من طيحـتـك كف الـنـدامه
الله يقومك متعافي على خير

أيام قلائل ويبدء الجو في الاعتدال
ويتلطف خصوصا بالليل وتنخفظ درجات الحراره
مع قدوم سهيل ويقول الاولين اذا طلع سهيل تلمس التمر بالليل
بمعنى قرب موعد الصرام وموسم الخير بحول لله

جاك الفرج يامنــــتظر طلة سهيل
أيام وتذعذع نــــــــسيم البرادي

برز زهابك وانتــــبه للمعامـــــيل
واختار من صفر الدلال الجدادي

خذ ما تبيه وزود البـــن والهـــيل
يكفيك لين تعود صوب البـــلادي

أوصيك أنا في العزبة أم الفناجيلل
زود عددها لاتصيراقتصــــادي

واختار خوة طيبيــــــن الرجاجيل
الي لهم رغبة بقطع الفـــيـــافــي

قال رسول الله صلى الله عليه وسلم: انصر أخاك ظالماً أو مظلوماً،


فقال: رجل يا رسول الله صلى الله عليه وسلم أنصره إذ كان مظلوماً،


أفرأيت إذا كان ظالماً كيف أنصره؟! قال: تحجزه أو تمنعه من الظلم، فإن ذلك نصره.

- سئل عن أحمق الناس فقال :
( المغتر بالدنيا وهو يرى ما فيها من تقلب أحوالها ).
- ( أحمق الناس من ظن أنه أعقل الناس ) .
( أحمق الناس من يمنع البر ويطلب الشكر ، ويفعل الشر ويتوقع ثواب الخير )
- ( أحمق الناس من أنكر على غيره رذيلة وهو مقيم عليها )
- ( أكثر الناس حمقا الفقير المتكبر ) .
- ( أكبر الحمق الإغراق في المدح والذم ) .
- ( من أعظم الحمق مؤاخاة الفجار ) .

احوال شباب اليوم لاتسر فمعضمهم مضيع لوقته بما لايعود عليه بالنفع
كلها سهر وتضييع للفروض وبعد عن الدين والعياذ بالله
ولكن هالقصيدة تلخص الحال :

يا منزلٍ عمّ وفاطر والأنفال
يا واحدٍ تلهج بذكره شفاهي

اجعل لنا في جنة الخلد منزال
أنت الرجا والملتجا يا إلهي

يا رب عدل حالنا عقب ما مال
حال الشباب اللي خذته الملاهي

أحفاد أبو بكر وعمر حالهم حال
شبابنا في غفلة الوقت لاهي

يقوله اللي شاف ما شاف واهتال
المنظر اللي شفت شد انتباهي

شباب الأمة في متاهات وأهوال
شباب الأمة ضاع فكره وتاهي

يا غبن عيني يوم أفكر بالاجيال
وين أمس جيل المرجله والتباهي

دين ورجوله سلم عادات وافعال
ما هو بجيل اليوم لا وآه واهي

بين المقاهي ضاع عمره ولا زال
في زحمة الدنيا بدون اتجاهي

وش في المقاهي غير تبذير الاموال
وش في المقاهي غير شيشه وشاهي

ما ينزل الرجال من عين رجال
الا ليا من داج بين المقاهي

في صحبة الشله وفي زعمهم آل
وياما يجي تحت السواهي دواهي

دنياك يابن آدم مطيه وترحال
العمر يمضي والليالي كما هي

إلى متى والليل فيه السهر طال
إلى متى والعمر ضحكة فكاهي

شباب عودوا عودة ارجال وابطال
عودوا الى الله باجتناب النواهي

وصلاة ربي عد ما هل همال
على نبي له شفاعه وجاهي

التفحيط مشكله لن تنتهي ولن تزل من مجتمعنا
لانها اصبحت من افضل هويات الشباب ولا بد
من وقفه صارمه ضد هذه الظاهره لان النصح
والا رشاد لن يفيد ولن يغير بالحال شي

اسرع وفحـــــط والمواتر تخليك***عنتر زمانك يــوم خانك زمانك
في كل شارع به يفحط عراويك***ورعان تهتف لك وتثبت مكانك
والعسكري يوم يسطــر علابيك***ماهي غريبه كان سبك وهانك
يوم فشلت بكل شئ يعليـــــــك***ما عاد لك شئ يعلي بشانك
خليت علمك والتهيت بصعاليــــك***ولا طعت والد يوم يبكي عشانك
والوالده كل يوم تصيح وتوصيك***اهملتها واقفيت تبغي هوانك
رح انطلق جعل ربي يفرج بلاويك***اسرع وفحط لين تفقع اذانك

عســـــى الذي شال قلبك مايتهنى بك
وانا عسى الله يجيب اللــــي يهنيني

أصرف من الدمع وأقيد على حسابك
وأقــــول يومن من الايام يـــــوفيني

وتعيش مرتاح بين أهلك وأقــــــرابك
وأنا يتكرم علي الـــــلي يحــــــاكيني

وأخجل وأرحـــــــمك وأقدرك وأهابك
وأدراك والله مثل مادرى على عيني

مبـــــــــــلي وياويل من يازين يبلابك
يصـــــــــير مثلي عسى ربي يعافيني

الله من ليلتن قابلت فــــــــــــــم بابك
وأقـــــــــــــــول ليته يهديه الله يناديني

مسكـــين ياحظي المشؤم وش جابك
لـــــــــــــــهم ومن جابني يومين يوديني

يادهر لاتقطع أضـــــلاعي في أنيابك
يجوز واحد من أقصى الناس يشريني

تمير كانت من افضل مدن منطقة سدير حبا وترابطا فيما مضى والعمل من اجلها
والان وللاسف اختلف الوضع الى الاسواء والاسباب لانقول مجهوله بل معروفه
وواضحه للعيان واذكر على سبيل المثال المهرجان السنوي وايضا احتفالات العيد
اين تلك الايام واين ذاك الجيل انه موجود ولكن نحن في تمير نعاني من شي اسمه
الشلليه وحب الذات والتي تعلوا على حب تمير واهلها .
لنضع هذا جانبا ونفكر ببناء مصلى لاقامة صلاة العيد فالمصلى الموجود قديم جدا
ولم يعد يصلح لاقامة الصلاه فيه لضيقه وموقعه بالنسبه لمواقف السيارات
من كان يفكر ان اقامة مسجد بتمير يتعقد بهذا الشكل !!!!!

تمير ديرتنا ولاغيرها دار
الا القبور مروبعات الزوايا

فقلوبنا له حب من يومنا صغار
ولليوم حبه لاجي ٍ بالخفايا

دار ٍ نزلها قبلنا ناس ٍ اخيار
اهل المواقف طيبين النوايا

جدودنا حمّاية الدار والجار
لاجا نهار ٍ فيه بيع وشرايا

نعماَ بهم لاشبت يمين ويسار
لاطار ستر مرودعات الشفايا

ماحسبوا خطلان الايدي للاعمار
يردون حوض الموت ورد الظمايا

اهل الكرم والجود في وقت الاعسار
انشد عن اهل تمير كل القرايا

عاطفه جياشه من خالد الفيصل امير منطقة مكه
لاخيه سعود الفيصل وزير الخارجيه بعد مرضه


لاباس يا واحد عن الف من الناس
عداك ربي شر الايام والباس

ياسعود عمانك وياسعود الاوطان
ياسعود ابن فيصل وياراس ابن راس

ثلاثة ملوك لهم صرت ساعد
في خدمة الاسلام والدار والناس

اول شبابك فرخ حر ينومس
وعليت في روس الشواهق قرانس

تفرق غلى غيرك بعقل وبصيرة
وبالمعرفه والفكر واسرار الاحساس

ياما رفعت الراس في كل محفل
وياما حسمت الراي اذا غيرك احتاس

اجهدت نفسك والجسم دون حدك
حدك بعيد يارجل ماله قياس

ياخوي وافخر بك عضيد ومسند
من نبعه الفيصل تشاربني الكاس

يفداك مرتاح الكَلًب واجد اللوم
لاشارك البانين ولا حفر ساس

ماهي سوى مابين هذا وهذاك
الله خلف ثم فرق بين الاجناس