رُكْن النهاية

إذا كنت لا تجامل وتعتقد
بأن المجامله سخيفه
إذن لا تقدم صراحتك بطريقه جارحه
فكلاهما نستطيع تقبلها
ولكن !!
الأهم كيف تقدمها ..

حقيقة اقولها بكل صراحة !!!

لا أحب امتلاك الأشياء المتاحه للجميع .!



َ

اللي ليا منّه لقى غيري تبدّل
،،،،،،،،،،،،،،،،،لا راح مني ماتحريتَه يجيني

جعله يقفِّي عن شبوحي ويتوكل
،،،،،،،،،،،،،،،،ولا تشوفه مقبلة الايام عيني

ماعاد يرضيني وفا ولا يزعلني جفا
متساويٍ في خاطري ظلم العرب وانصافها



ولا تاقف الدنيا على شمع الغرام اللي طفا
بعض الشموع انا اتعمد كسرها واتلافها



من اول لخفيت لي علم عن الناس اختفا
واليوم هذي حالتي مابه حد ما شافها



قعدت احسب وش ربحت ووش خسرت ووش صفا
ياحي روس اموالنا قبل الطمع باضعافها



تعبت ادور فالقلوب البارده ليلة دفا
والقى استغلال النفوس وكذبها واجحافها



حتى اقرب العالم لو يوقف معك وقفت وفا
اصبر وتدري وش دوافع وقفته واهدافها



عاد انت يالوجه الجديد اللي تبي وصل وصفا
حبال وصلك شوف لك ناس تمس اطرافها



انا على موعد مع واحد وكانه مالفا
ما عاد ابيش من السنين سمانها وعجافها



لاني عقب مارمش عيني صاحب النوم وغفا
حلفت ما رده على اشيا من عرفها عافها



العشق وامراض المحبه واستحالات الشفا
واغلب علاقاتي مع العالم اشوف انكافها



وذا الحين عن اذنك وسامحني اذا لساني هفا
نفسيتي ماعادني بقدر على لطافها



والموعد اللي كنت قبل شوي جالس له عفا
ما جا ودقايق موعده راحت وقدني خلافها

الجدار الذي لا يسندك قد يقع عليك.*

من شفت كل الناس حوله جماعه
،،،،،،،،،،،،،،،،،،،،،انظر عداه وتعرفه من خصيمه

ومن تجهله من ناس عطها الوقاعه
،،،،،،،،،،،،،،،،،،،،،،،،بالك تزكيها وحذرا الضليمه

على ما مضى لا يلحقك ي رفيقي ضيق
،،،،،،،،،،،،،،،،،،،،،تجارب ومرت ب اول الوقت وانزاحت

تلاحق سنينك واطلب من الله التوفيق
،،،،،،،،،،،،،،،،،،،،،،ترى العمرماياقف على حاجتن راحت

لا تامن العقرب ولاتامـن الداب
،،،،،،،،،،،،،،،،،،،،،،السمّ واحـد لارقـا فـي متونـك

ياجاهل الدنيـا ودورات الأسباب
،،،،،،،،،،،،،،،،أعرف ترى من خان غيرك يخونـك

يارب انا بوجهك عن الحكي بآنسان
،،،،،،،،،،،،،،،،،،وعطني على نسيان .. الاوجاع قوه

قصة يقول ( فلان ) ويسولف فلان
،،،،،،،،،،،،،،،،كم ضيعت .. ما بين الاجواد .. خوه

ماني على بعض المخاليق مجبور
،،،،،،،،،،،،،،،،،،،،،،،وجـيه غطتـها سواد أقنعتـها

اللي لو المسلم له سنين مقبور
،،،،،،،،،،،،،،،،،مايسلم من ضروسها وألسنتها