.•|[ وإنّ ضآق صدّري من هُمومي ~» تَنْفسّتِ ]|•

عيدكم مبارك وكل عام وانتم بخير
وتقبل الله منا ومنكم صالح الاعمال

مالك لوا

شكلك تقول وش هالنشبة! تراه لغز لاتكدر خاطرك

والله يالكاريبي لا كدر ولا شي بس الي ضيعني
اسرع من الهاتف ومن رمش العين ماش قمت اهوجس حتى في الصلاة
ومالقيت حله بس عطني فرصه الين بكره الظهر وان شاء الله اقدر اجيبه

يلي على وجهي قريتي كل صفحات الشقى
اقري وأنا باكتب قصيدة واشعل الساحة حريق

باقي كثر ما راح واللي راح نصف اللي بقى
وان ماوصلت لغايتي باموت في نصف الطريق

إذا كنت تحبّ السرور في الحياة فاعتنِ بصحتك،
وإذا كنت تحبّ السعادة في الحياة فاعتنِ بخلقك،
وإذا كنت تحبّ الخلود في الحياة فاعتنِ بعقلك،
وإذا كنت تحبّ ذلك كله فاعتنِ بدينك.

مدونة رووعه وآنتقآئاتك جداً آعجبتني
تسسلم آيدينك ووآصل متابعه لك دووم
تقبل طلتي ..~

ماش الكاريبي عجزت عن الحل واهم شي اني على الوعد
ما رحت لقوقل اسدح الحل وشو

اقتباس: المشاركة الأصلية كتبت بواسطة لميس    مدونة رووعه وآنتقآئاتك جداً آعجبتني تسسلم آيدينك ووآصل متابعه لك دووم تقبل طلتي ..~

اهلا بلميس وعلى الرحب والسعه
والساعه المباركه وعيدك مبارك

إذا طالَ هَجْرُكَ بِمَن تحبُّهَا كانَ أَثَرُ مرورِ الزَّمَنِ عَلَيْهَا كأثرهِ في الحَرِيْرِ المَصْبُوْغِ،
إنْ لَمْ يَبْدُ في العَيْنِ ذَلِيْلَ النَّسْجِ، بَدَا فِيْهَا ذليلَ اللَّوْنِ.

قصه محمد بن على السكران عند وفاة زوجته
يقول ابو علي ان زوجته جاها مرض وكل يوم اردى من اليوم الثاني وكان عنده ولدين علي وعبدالله واحداً ابو ست سنين وواحداً ابو خمس سنين ويقول مشينا للرياض واستاجر لي بيت بريالين واشيلها على متني واوديها الى الحجار حسين بشارع الرياض واعطاه حبتين وسألته زوجته وش قالك الدكتور قال اعطاني حبتين كل عشر ليال تاكلين وحده ( ايــــــه ) كانها داريه وقلبها معلمها وقالت صابره على ماحكم الله علي الحمد لله على حكمه ويضرب احد السيارات بوري السياره يقول ويطلع مع الباب قاله وين قال ادور الركاب تعال ريوس على الباب هذا وخلك فوق وارقى وافرش فريشها بالحوض يقول خالصه قاضيه ويوم وصلو العصرلديرتهم وينزلها من السياره وتقعد والعيال يلعبون يقول وامرها والمس رجيلها الا بارده يقول عرفت ان الحق داخلها واخذ التعله والمسحات والمفحر واحفر القبر يوم خلصت اجيب ماء واحطه عند القبر يوم خلصت واخذ زماله من احد الجماعه واخذ عشر لبن واحطهن عند القبر وادخل واشيل المغسل والنعش واحطهم بالحجره يقول يوم لمست صدرها لا والله انه يحشرق وقلت تشهدي قالت ( اشهد ان لااله الا الله وان محمد رسول الله ) يقول واطرد العييل روحو شوفو النخل جايه هوا واملو مخابيكم لي من التمروانا ابوكم يقول ابوخرهم يقول واطلع للجيران قلت يابنات الحلال منيره ماتت واليوم ماعندي الا الله ثم انتم وقال وهي تصيح وحده وقالت انا اذا شفت الميت صحت تكفى يابو علي لا تخليني اغسلها وقالها انا عند الباب اذا صار عليكم مشكل بالتغسيل قولو لي واعلمكم وش تسوون على قوله انه جايب الماء ومصخنه والسدر وكل شي جاهز يقول يوم خذيت حول الساعه قالو تراها قضت يابو علي قلت الله يجزاكم الجنه ويقول واطرد العييل واطلع واكلم الجماعه ونشييلها ونصلي عليها ونحطه على جال القبر واتحزم بغترتي واطبح بالقبر قلت يالله عطوني اياها واعطوني لبنه وطينه لبنه وطينه يوم خصلت قالو على ملة رسول الله وهي تطير الغبره يوم خصلنا الا الشمس يوم غربت واشيل عفشي واروح للبيت

ويقول أبو علي في قصيدته ...

يالله المعبود ياربنا العالي .... محصن الاعمال في اللوح كاتبها
دمعي اللي فوق الاوجان همالي.... مثل نون يوم هلت سحايبها
من مريض طايحن عندي اقبالي.... يوم جاها الحق روحه جاذبها
يوم أخذها الله ونزل بمنزالي... ودفنوا خلي ورزوا نصايبها
الله يثقل موازين الاعمالي... يوم والى العرش خلي يحاسبها
يوم قفوا قلت يامشتكى حالي ..... مشتكى حالي على اللي يجاوبها
يوم جيت الدار ومرحت بلحالي.... والبزور اصغار مكثر نشايبها
قالوا البزور لي ويش ذا الزوالي.... قلت مدري ياعلي وش سبايبها
قال عبدالله يابوأمه وأنا سالي..... خابرن وش صار محسن عجايبها
قلت يالله بدل لنا الغالي بغالي .... بدل الغالي لنا من قرايبها
قالوا البزور ما عاد به والي.... والقرابه ما تساعد قرايبها
هذي الدنيا عذاب وغربالي.... ياكثر عذابها من مصايبها
ليت خلي قاعدن ولا نبي مالي ..... هو غلاتي يوم عيني تلدبها
حسنت الاطباع ماتغثي البالي....... ما عدى ورثها مع صحايبها
باليقظ والنوم هي دايم اقبالي.... وان غضت عيني بقلبي يحسبها
واعذاب العين من لي لها طالي.... كل مايطلع نجوم نحسبها
يوم بان الصبح ثم الدنا التالي .... هل دمع العين وحرق مذانبها
قاموا البزور يوم اغثوا البالي .... يايبه وين أمنا يايبه جبها
مابكيت ولو أبكيه اعيالي.... وأمكم وهل السعد يوم طالبها
ثم لجو بالبكى بيتهم خالي..... والليالي ماترجع بغايبها
كبدي اللي حرها واهج الصالي..... كن كبدي بالمناشير تشذبها
منسبايب قلة المال وعيالي ..... والليالي فرقتنا مخالبها
لو أصوت للغضي قالوا هبالي....... جعل من يلومني في لهايبها
مامثل منيره أول ولا تالي....... والصلاة اعداد ذاري هبايبها