رُكْن النهاية

هذه القصه عباره عن قصيده ورد للشاعرين الامير محمد الاحمد السديري رحمه الله
وصديقه عمير بن زبن العتيبي حيث كان الامير في رحله علاج للعاصمه البريطانيه لندن بعد ان اشتد عليه
المرض بعد سنوات حافله بالعمل لخدمة وطنه وتاريخ شخصي سجل في مشارق الارض ومغاربها باحرف
من ذهب وخصوصا على تراب وطننا الغالي والجزيره العربيه قاطبه
ويقول رحمه الله وهو على السرير الابيض بعد ان مد له عمير سيجاره بعد ان رآه
متضايق ظناً منه ان الامير متذمر بسبب انقطاعه عن التدخين ،رد السديري على صديقه العتيبي وقال ذبحني الدخان وتركته ولو اني احبه لكن الدخان سوى بي جريمة رحمه الله

ودعت غالي يالعتيبي نوده
،،،،،،،،،،،،،،،،موده بيني وبينه قديمه

ياعمير حبي له وصل راس حده
،،،،،،،،،،،،،،،عليه ونات الضماير يتيمه

انصاه لو دونه ثمانين شده
،،،،،،،،،،،،يوم الضماير من وداده سليمه

واليوم حالوا بين ودي ووده
،،،،،،،،،،،،،قالوا عشيرك مثر بك جريمه

حرمت انا لاماه ولارحم جده
،،،،،،،،،،،،،،،،لوهو يسلي بالشديد نديمه

بالليل ونجوم السماء مجرهده
،،،،،،،،،،،،،وزانت تعاليل الرجال الحشيمه

كشفت له مكنون قلبي وسده
،،،،،،،،،،،،،وابعد هموم بالضماير عظيمه

ياعمير عقب الولف جافيه صده
،،،،،،،،،،،،،،كنه خصيم لي وكني خصيمه

مابيه لامابيه لا لا تمده
،،،،،،،،،،،،عقد الصفاله صار بالراس شيمه

ورد عليه العتيبي قائلا:
بقصيدة محب وصديق وافي رحمهم الله جميعا

ماجور ياشهم شكيت المضده
،،،،،،،،،،،،،،،من العشير وقلت بعده هضيمه

عليك حيث انك بصدق توده
،،،،،،،،،،،،،،ونفسك من اجله بالغلا مستهيمه

هذا العشير اللي عسى الله يلده
،،،،،،،،،،،،،،،،،ونذبح على فرقاه مية تميمه

ماقد مديته عسى الله يضده
،،،،،،،،،،،،،،،،،،،،،لاشك لاشفته تفز بعزيمه

تنشد عنه وان جاك مانت بترده
،،،،،،،،،،،،،،،،،،الا ونفسك به شغوف ورحيمه

محبتك ياشيخ به مستجده
،،،،،،،،،،،،،،،،،وهو اللي يرضى عليك الهزمه

هذا العشير اللي عسى كل خده
،،،،،،،،،،،،،،،،،تبعد لعل اشجار غرسه عقيمه

ماهو عشير انسه ولا قد تعده
،،،،،،،،،،،،،،،،،،،،ياشيخ عاقبته عليكم وخيمه

اليوم في لندن وباكر بجده
،،،،،،،،،،،،،،ونفسك على كسب المعالي هميمه

ناصل باذن ربي ونفسك تصده
،،،،،،،،،،،،،،،،،نفسك تروم العز نفسك كريمه

نامت عيون الناس الا عيوني
هالناس حبو والا بس انا اللي حبيت
مرات اقول شلون عايش بدوني
مرات اقول اني بشوقي تماديت

مجنون حبك يا سبايب جنوني
طيفك عبر قدام عيني وناديت
شافوك بإحساسي و هم يسمعوني
رديت لي اجمل فيني وغنيت

نورت كل ايام عمري وكوني
ذكراك هي روحي حشى ما تناسيت
طاريك اربكني وحرك سكوني
الله عليك شلون تسحر اذا جيت

لـيـس مِـن الـصَّـعـب أن تُـضـحـي مِـن أجـل صـديـق ..... ولـكـن مِـن الـصَّـعـب أن تـجـد الـصَّـديـق
الـذي يـسـتـحـق الـتـضـحـيـة !

الــشـــتـــاء والـــلـــيـــل والــــذكـــــرى تـــهـــبـــك
،،،،،،،،،،،،،،،،والــخــوي لاضــــاق مــــن بــعــدك يـغـنــي

الــمــرض فـالـبـعــد دام الــوصـــل طــبـــك
،،،،،،،،،،،،،،الامــــــــــــر لله ضــــــــــــاع ادواك عــــــنــــــي

ان بغـيـت الـصـدق فيـنـي خــاف ربـــك
،،،،،،،،،،،،،،،،،،،،،،ماعـطـوك الـنـاس مثـلـي وانــت طعـنـي

جرحت قلبي على فرقاك ,, من بدري
لا عاد تسأل ولا تنشد عن أخباري

بالأمس ,, سولفت عن حبك وأنا مدري
واليوم ,, سولفت عن جرحك وأنا داري

هلا مرحباً بك يامجدد نشاط الروح
،،،،،،،،،،،،،،،،،،،،يموت الخفوق ولا سمع صوتك أحييته

أهيم ابغرامك مع صدى صوتك المبحوح
،،،،،،،،،،،،،،،،،،،،،،،،مع الهاتف اللي تالي الليل دقيته

ترا قبل ماتزهم خيالك يجي ويروح
،،،،،،،،،،،،،،،،،،،،،،،،،،،،إذا راح ناديته وإذا رد ظميته

خيالك نديمي سلوة الخافق المجروح
،،،،،،،،،،،،،،،،،،،،،،،،يجيني يسليني الا منك أمسيته

على طيفك أشكي لوعة الخافق المذبوح
،،،،،،،،،،،،،،،،،،،،أبي منه يهديلك مثل ما لي أهديته

من الظلم أنا أسهر ياحبيبي بلا مصلوح
،،،،،،،،،،،،،،،،،ومن العدل تسعد خافقي مثل ما أشقيته

حلاة الغلا محمول روح تعانق روح
،،،،،،،،،،،،،،،،،،،،،،متى ماهتف قلبي يناجيك ناجيته

تمر الليالي مثل حلم الكرا وتروح
،،،،،،،،،،،،،،،،،،،،،متى مافقدت أحلى شبابك تمنيته

يـــــا شبــيه الــــورد ماللورد منــــــه
قـــــبل أعرفك ما أعرف للورد قيمـه

والفراشــــات أن بغنـــــك ما بغنــــــه
يـــــــــا حبيب الورد والا يا خصيمـه

هـــــن قلبــــي بالنوايا البيض هنـــــه
وهـــن راسي يوم ما يرضى الهزيمـه

وهــــن عينـــي يوم ما تــــــدمع لأنــه
دمــعة الرجـــال نقصـــان العزيمـــــه

شوف .. ماضي .. في غيابك صار كنه
نـــازح العربـــان مكسور الشكيمـــــه

وش طــــراة الـعـمـر يــوم تغيب عنــه
وأنت قلبي صرت تجري في صميمـه

غــــن لي بحــلى قصيدي فيك غنـــــه
مـــن جــديد الشـعــر والا من قديمـــه

هـــــاجسي بـعـدك حشــا مــا حركنـــه
عــابــــرات الدرب .. والليل ونسيمـه

والـفـكـر لـو مــا بـنـاته طـــاوعـنــــــه
والله إن الأفكــــــار من ( عاما عقيمـه )

جــعــل مــزن فـيـه للــرعـــاد حنــــــه
من ورى الخفجي نشى .. يفهق رحيمه

صــــوب مــن يغليك وظروفه عصنـــه
يمــكــن يشمك معا قطـــــرات غيمـــه

يـــا جـنـون الحب .. يــا روعات فنـــه
سعد أبو ,, من صرت في ليله نديمـــه

الغــــلا والعشق بيــــن النــــاس سنـــه
والمحبة وان طغت ماهي جريمــــــــه

الـقـلــب نـسـمــات الـعـلـيـل ابـتـهـاجــه
والـفـكــر خـلـتــه الـدواكـيــك مـســهــاج

فـــجٍ خـــلا لاضـــاق صـــدرك عـلاجــه
يغنيك عن بعض المجالس والازعاج

سـحــابــة الــبـــارح قـفـتـهــا عـجــاجــه
يلعبـهـا صـلـف الـهـوا مـثــل الامـــواج

هــبــت هــبــوب مــدوريـــن الـلـجـاجــه
يــفــرح بــزلــة صـاحـبــه كـــــل هـــــراج

مــن غـيـر سـبـه عـاقـدٍ لــك حـجـاجـه
لـو ان مالـه مـع هـل الطـيـب مــدراج

اثـــر الــعــوج دايــــم يــحــب الـعـواجــه
لــو ينـعـدل يـرجــع لـسـاسـه ويـنـعـاج

مـايـسـتـوي طــعــم الــقــراح وهـمــاجــه
ولا يستـوي نـقـع الصـفـا مـثـل هــداج

الله ولا مــــنــــة مــحـــســـب خــــراجــــه
شيـن اللغـا ومـن البطـر لابــسٍ تــاج

والله مــايــذبــحــك يــــاكــــود حــــاجـــــه
لا صار في وجهك حيا وانت محتاج

بـالـعـسـر يــســر وللهمــــوم انـفــراجــه
يجيلـهـا مــن والـــي الـعــرش مـخــراج

ارفــــع يـديــنــك لـلـسـمــا ثـــــم نــاجـــه
يظـهـرك لــو دونــك شرابـيـك وسـيــاج

‏انـا لابـغـيـت ارتــاح سـاعه وأغير جو
اسوق الرجل والنفس مانيب عاصيها