نسائم نسيم

27 / 07 / 2011, 26 : 02 AM

يا هلي وادعوني مابي احدٍ يصيح

،،،،،،،،،،،،،،،،،ذي نهاية حياتي ما يفيد الصياح

السنه الرابعه والقلب مني جريح

،،،،،،،،،،،،،،،خلص الصبر مني حطمتني الجراح

مااسترحت بحياتي بموتي بستريح

،،،،،،،،،،،،،،،،،لاتقولون عني مات وهو مستراح

شوفو من سبته لاجيت ابقوم اطيح

،،،،،،،،،،،،،،،،،لوبكافح جروحي ما يفيد الجراح

ذاك سبة وفاتي باالكلام الصحيح

،،،،،،،،،،،،،،،الله اقوى على اللي غاب عني وراح

27 / 07 / 2011, 56 : 02 AM

بيت قوي ،بيت يحمل معنى كبير،يقول انه مبسوط وغير مهتم وانه راضي بلحظات الوداع وهو عكس
ذلك لانه عزيز نفس ولايبي الناس تشمت به ،شجاعته في احتمال الفراق يوهم الناس انه يحمل
صدر واسع ورحب !لكن الواقع ان قلبه يتقطع!لكن هذي عادة الرجال الاقوياء مايبين عليهم الالم وعزائهم الصبر
والثبات يخاف من شماتت الناس ،
الشاعر وضح في هذا البيت سبب ادعائه بسعة الصدر وعدم الاهتمام
/
/
لا يغرّك قولتي صدري رحب
،،،،،،،،،،،،،كابرت نفسي على طيحة شجاع

وان شاء الله سوف نجيب القصيدة على اجزاء للتوضيح ثم نضعها كاملة

27 / 07 / 2011, 07 : 03 AM

نكمل

لا يغرّك قولتي صدري رحب
،،،،،،،،،،كابرت نفسي على طيحة شجاع

قال خذ راحتك الله اقوى لايملك الا الذكرى
المتعبة في موقف لايحسد عليه
/
/

روح : والذكرى محطات التعب
،،،،،،،،،،،والسكوت أحيان: للحكي القناع

إن قدرت اتحب حب اللي تحب
،،،،،،،،،،،،المحبه أحيان : آخرها الوداع
/
/

خلاص ان حصل تدور غيري روح

بس انتبه تراها وداعية.وداعية
انجبر عليها .وحتى لو رجع محبوبه ثانية
يبي يقول خلاص انتهيت حتى لو كان يحبه
لان نفسه كبيره.

27 / 07 / 2011, 38 : 03 AM

الشاعر في هذا الجزء يقول مذكر سويت شي يسبب كل هالفراق ،يذكرها بجمايله ويقول اني كنت كذا وكذا !وش عاد تبين اكثر من هذا يابنت الحلال
أصعب اللحظات بعد اللي تحب
،،،،،،،،وأصعب الكلمات كلمات الوداع

والسؤال اللي أحسّه وإنكتب
،،،،،،،،،،،،،وش يفيد البحر لو خان الشراع

كنت أقول البرد؟ وآتقول الحطب
،،،،،،،،،،،أشعل ضلوعي ولا تطري انقطاع

لا تهز من الحكي غصن العتب
،،،،،،،،،،،،خايف أسولف حنيني والضياع

كنت لك: أصدق شعوراً ما كذب
،،،،،،،،،،،وكنت لي : دمعات وجروح ٍ وساع

27 / 07 / 2011, 44 : 03 AM

في هذا الجزء من القصيدة/
هُنا يتعجب من الاسباب ،وكأنه يقول هذا اخر ماعندي وماتشوف شر!

ما تركت لكل : غيباتك سبب
،،،،،،،،،،،،لجل أعاتب ما مشيته باندفاع

جيت يمّك والعطش فاقد سحب
،،،،،،،،،،،وإنكسرت من الجفاف بلا صراع

فاض كاسي بالمواجع لا تصب
،،،،،،،،،،،،،،،ما رضيت بغيبتك لويّ الذراع

ليه: تنثر كل أحلام المحب
،،،،،،،،،،،،،الزمن قبلك [ شرا ] فيني وباع

من رحلت : وريحة الذكرى تهب
،،،،،،،،،،،،،،،ما ينسيني : من الدنيا متاع

لا يغرّك قولتي صدري رحب
،،،،،،،،،،،،كابرت نفسي على طيحة شجاع

روح : والذكرى محطات التعب
،،،،،،،،،،،،،،والسكوت أحيان: للحكي القناع

إن قدرت اتحب / حب اللي تحب
،،،،،،،،،،،،،،،المحبه أحيان : آخرها الوداع

27 / 07 / 2011, 22 : 05 AM

قصيدة طيبة ومطوله لكن سوف نضعها اجزاء ونختصر منها

عزي لقلب ٍ صار همه مخاويه
000000متعلقٍ .. لاهوب شايب ؟ ولا شاب ؟

لاقادرٍ يفرح بشي ٍ يسليه
000000ولا قادر ن يلبس على حزنه ثياب

راعي الطموح يموت .. مادرك مناويه
000000!لاخاسرٍ حلمه .. ولا كاسب اعجاب

لاهو فقدله شي عشان يرثيه
000000ولا ظفر في شي يحسب له حساب ؟

اقسى عذاب ؟؟ .. يخلي الرجل يبكيه
000000عذاب ! .. لكن ! تتفق فيه الاسباب

لامن عشق حاجه ! ولاهيب في يديه
000000!لاصابرٍ منها ... ولا عنّها تاب ؟؟

27 / 07 / 2011, 29 : 05 AM

تكملة القصيدة

الحر وافي مايخُون براعيه
000000حتى لو انه ! .. دون راعيه ينصاب

لاضاعت الهقوه تموت المشاريه
000000ماكنها الا ( ثلج ) في كفي و ذاب

خطاي ! .. عطيت الشنب حق يوفيه
000000الين ! ماشفت (الحرمه) ذلت اشناب

حتى ردي الساس ! يفخر بماضيه
000000في وقت ؟ .. ساوا الناس مابين الانساب

وش عذر ؟ من صدقّ كلام ٍ يغذّيه
000000لاصار منهو يدعي الصدق ؟ .. كذاب

علمت نفسي درس ! .. ماني بناسيه
ماقيل لي ولا حفظته من كتاب

لاحدّني وقتي على شي مابيه
اعز نفسي و((منّة الناس بتراب))

27 / 07 / 2011, 36 : 05 AM

تكملة القصيدة

الله يرجع كل غالي لغاليه
والله يرد الشمل مابين الاحباب

اللي يبي الفرقا ! .. عسى الله يهنيه
000000ماني ورا المقفي مطارد وطلاب

لو كل من قفّى ! بتبع خطاويه
00000مافارقت عيني مواليف واصحاب !

ياصاحبي .. ماعاد لي شي اداريه
000000!بيني وبينك مابقت كلمة عتاب

اللي يحز بخاطري ! .. ليه احاكيه
000000!ماهوب يستاهل شقا وحرقة اعصاب

الظن لامن خاب ! .. لاتقول لي : ليه
000000؟وش فايدة ؟ .. تفهيمك الظن لاخاب

كنت احسبك ( بستان ) محدن يجي فيه
000000واثرك ( محل ٍ ) ينبنى فوقه اطناب

امووووت ضامي ! .. واحضن ( الهم ) واخفيه
000000ولا آرد ( الما ) .. لاشربت منه كلاب

لو كل شي بخاطري ,, رحت اسويه
000000!وش عاد ابسوي .. اذا خاطري طاب ؟
تحياتي للجميع

27 / 07 / 2011, 21 : 12 PM

مدونه فِ قمه آلروعه وإبدآع

آسستمر بِ آبدآعك وآنآ من متآبعينك يَ آلغآلي

وكل عآم وآنت بِ خير ..

27 / 07 / 2011, 35 : 05 PM

اقتباس:

المشاركة الأصلية كتبت بواسطة غرور طفله


	مدونه فِ قمه آلروعه وإبدآع آسستمر بِ آبدآعك وآنآ من متآبعينك يَ آلغآلي وكل عآم وآنت بِ خير ..

وحضورك قمه اخت غرور طفلة.
اشكرك على كل حرف كتبتيه وكُل سنة وانتي بخير

الذين يشاهدون محتوى الموضوع الآن : 1 ( الأعضاء 0 والزوار 1)