:: الحملة الاغاثية : لإعانة الضبان الصمانية : ومع صور مأساوية : تحكي المعاناة الأليمة ::

الله يدفع البلاء ويجيب السيل انه كريم مجيب

والله يعطيك العافية يالمهند على نقل المعاناة

اقتباس: المشاركة الأصلية كتبت بواسطة ابوفارس    لاحول ولا قوة الا بالله صور يندى لها الجبين جزاك الله خير اخي المهند على هذا التذكير في هذا الوقت اسئل الله العلي القدير ان يغيثنا ويروي جميع بلاد المسلمين فلنكثرمن الاسغفار وندعو الله بان يرحمنا ويرحم هذه البهائم ويغيثنا اشكرك اخي المهند وجعل ذلك في ميزان حسناتك وبشر عن الصيد في الصمان وياليت نشوف تقريرك في صيد الخل والحمام وشكرا

وإياك أخوي أبو فارس ..

حنا في قبالة موسم الوسم .. ونرجي من الله الخير والغيث ..
ويوم شفت حال الضبان ... دريت أن كل شيء محتاج للماء .. وحنا ما شعرنا به ..
أما الصيد فالصمان .. فشوفة عينك هالعالم .. ومن يوم رحنا ألين رجعنا وحنا نقول الكبه باكر ..

اقتباس: المشاركة الأصلية كتبت بواسطة الراقيه    لـآ حول ولـآ قوة الـآ بالله .. الصور ذكرتني بمجآعة الصومآل لكن بدل مآتكون للأنسآن صآرت للحيوآن..! الله يرحمنآ برحمته الوآسعة وآن يغيثنآ غيثآ مبآركآ عاجلآ غير آجل نافعآ غير ضآر .. آستغفر الله العظيم آستغفر الله العظيم آستغفر الله العظيم جزآك الله خير وبآرك الله فيك آخي المهند على التذكير ..

والله ما جاء في بالي إلا مجاعة الصومال ..

لكن الصوماليين بشر ودرينا عنهم ..

الموت من هالحيوانات والبهائم اللي تلعن عصاة بني آدم لعن .. وحنا مادرينا عنهم ..!!

الله يعفو ويتسامح ..

اقتباس: المشاركة الأصلية كتبت بواسطة المتحـ2007ـد    انا لله وانا اليه راجعون مشاهد تخلي الواحد يكره الضب لضعف جسمه اسئل الله ان يغيث البلاد والعباد والاهم البهائم شكرا لك يا المهند على هذا الطرح الراااااائع منك في طلب الاستغاثه والله يعافيك

الله يغيثنا يارب يالله ياكريم ..

والله أني بديت أكره أكلهن .. لكن الله يجيب الربيع وتفزر سلايقهن من العشب .. ونقبلهن إن شاء الله ..!!

اقتباس: المشاركة الأصلية كتبت بواسطة الأستاذ    صور معبرة عن مدى الجدب والقحط الذي اصاب هذه الأراضي نسأل الله العلي القدير ان يمن على هذه الأراضي بالغيث في الحقيقة كرهنا الضبان واكلها من هذه الصور الف شكر اخوي المهند

الله يرحم الحال ..
القضية مهيب كره الضبان بقدر ما هي طلب الاستغاثة لهالحيوانات اللي مالها ذنب ..

العفو يا أبو عبدالعزيز ..

اقتباس: المشاركة الأصلية كتبت بواسطة جار القمر    لا حول ولا قوة الا بالله العلي العظيم مثل هذه المناظر المأساوية تذكرنا بشؤم ذنوبنا التي طالت حتى الحيوانات اللهم ارحم الاطفال الرضع والبهائم الرتع والعباد الركع اللهم ارحم انين الانة وحنين الحانة اللهم ارحم البهائم السائمة والطيور الحائمة ومن لا راحم له اى انت شكرا يالمهند

والله أنك صدقت يا جار القمر ...

أنا ما فكرت بهالموضوع إلا يوم قال لي رفيقي .. كل ذا من ذنوبك .. !!
والله إنها حزت في نفسي .. وجتني روعة ..

يالله يارب لاتؤخذنا بما فعلنا ولا بما فعل السفهاء منا ...

شؤم المعصية ما لحقت بنا لحالنا ... لحقت باللي في البر ولا له دخل فينا ..!!

اقتباس: المشاركة الأصلية كتبت بواسطة قاصر عنوه    الله يرحمنا برحمته الله يعجل بالخير

آمين يا قاصر العنوه ..

الله كريم ويجيب الخير ..

اقتباس: المشاركة الأصلية كتبت بواسطة أبـوحـمـد    لا حول ولا قوه الا بالله ... وين هلي ياكلون الضبان يشووفونهن.. حالتهن حاله ويتصااارعن من اجل البقاء ليتكم والله خذتوا معكم كم حزمه زت بتكسبون فيهن اجر .. نسأل اله ان يعجل على هذي الاراضي بالسيل ... وووش اخبار الصيد هناك يالمهند يمدحوونه هالسنه حولكم وحوليكم...

تتوقع تكفيهم حزمة زت ..!!

والله أنها ماجت على البال لكن الله يغنيهن عنا ..!! ويعجل لهن بالوسمي ...

والصيد ... ما خبرنا في هاك الأرض يجي صيد ..
الدقه على النومة والبراد ومن هالحكي .. ولا تنسى الكبه باكر ..!!
هالسنة حظ أهل الحفر والقاعدة .. هم اللي شبعوا ..

اقتباس: المشاركة الأصلية كتبت بواسطة ابوخليــــل    اعوذبا الله الله يكفينا الشر اللهم غثناً غيثاً مغيثاً هنياً مريئاً سحاً غدقاً طبقاً مجللاً نافعاً غير ضار

الله يكفينا الشر وبس يا أبو خليل ...

اقتباس: المشاركة الأصلية كتبت بواسطة ابـو رائد    آستغفر الله العظيم آستغفر الله العظيم آستغفر الله العظيم آستغفر الله العظيم آستغفر الله العظيم آستغفر الله العظيم آستغفر الله العظيم آستغفر الله العظيم آستغفر الله العظيم آستغفر الله العظيم آستغفر الله العظيم آستغفر الله العظيم آستغفر الله العظيم آستغفر الله العظيم آستغفر الله العظيم آستغفر الله العظيم آستغفر الله العظيم آستغفر الله العظيم

كثر الاستغفار يا أبو رائد ..

الله يجزاك خير ..