شاي العصر مع أبوعيون بين أزهار الحرمل الأخضر ورائحة الثرى الممطر ..!!

اقتباس: المشاركة الأصلية كتبت بواسطة عرق الأرطى    يعطيك العافيه اخوي المهند وعلى التقرير الخفيف ال يشرح الصدر وما قصرت على المعلومه في نبات الحرمل وعلى اخبار الامطار تحياتي لك .

الله يعافيك .. أخوي عرق الأرطى ..
مبطين ما نزلنا تقارير .. وفرصة جاب الله شعيب الأصوف ..
وإن شاء الله قريب شعيب الوسيعة مع الاحداثيات والصور ..

هلا بك ..

تصدق اني احسبها عيارة وعلى كثر ماشفته ماقدسمعت احد يقولها له
اليوم ابزهم عليه وابقول له وينك يابوعيون
الله يونسكم بطاعته وترى ابوعيون ونيس بس لا يتعدى الحد >> هو عنده حد ؟!
منهي غيداء بنتك والا بنته ؟
لا تستغرب من سؤالي لاني ما اظن هالزين كله لك !!
الله يحفظها ويصلحها ويستر عليها
شكرا يالمهند على النزهه

ماشاء الله تبارك الله
لله يحفظ لك غيداء
صور رائعه

اقتباس: المشاركة الأصلية كتبت بواسطة جار القمر    تصدق اني احسبها عيارة وعلى كثر ماشفته ماقدسمعت احد يقولها له اليوم ابزهم عليه وابقول له وينك يابوعيون الله يونسكم بطاعته وترى ابوعيون ونيس بس لا يتعدى الحد >> هو عنده حد ؟! منهي غيداء بنتك والا بنته ؟ لا تستغرب من سؤالي لاني ما اظن هالزين كله لك !! الله يحفظها ويصلحها ويستر عليها شكرا يالمهند على النزهه

عيارة ..!!!
هذا أنتم ما تمشون إلا بالعيارة ...

أخوي جار القمر هذا الاسم الحركي للرجال ... وما يصلح تقوله في غير النت أبوعيون ...
تخيل واحد يشوفك في الشارع ويقول لك كيف حالك ياجار القمر ... لا لا ما تصلح ...

والجماعة كلهم ونيسين إذا ما توجهوا لك .. هههه

وغيداء مهيب تبعي ولاهيب يمي .. الله يخليها لأبيها وأميمتها .. ويستر عليها ... أحسن مافيها أنها تحب الظهور الإعلامي .. لأني شرطت عليها أني أصورها في وسط الحرمله ... ولو بغيت أحطها في وسط السدرة .. ما عندها مشكلة ..

العفو أخوي جار القمر ولاهنت على المرور ...

اقتباس: المشاركة الأصلية كتبت بواسطة وردهـ    ماشاء الله تبارك الله لله يحفظ لك غيداء صور رائعه

هلا بك أخت ورده ...

الله يجزاك خير .. لكنها تراها مهيب تبعي .. الله يستر عليها ...

شكراً للمرور والحضور ...

انا حسبت ابوعيون ذااا فيضة ولا شعيب ..

ع العموم ابوعيون صار تواجده افضل من كذلك ..

وشكرا ع النقل يالمهند

اقتباس: والجماعة كلهم ونيسين إذا ما توجهوا لك .. هههه

ههههههههههههههههههه هههههههههه
الله لا يسلطهم على صديق
مايصلح معهم الصحيّح اللي مثلي

اقتباس: المشاركة الأصلية كتبت بواسطة راعي الاولة    انا حسبت ابوعيون ذااا فيضة ولا شعيب .. ع العموم ابوعيون صار تواجده افضل من كذلك .. وشكرا ع النقل يالمهند

العفو أخوي راعي الأوله ... شعيب أبوعيون مسمينه عليه ..
لاهنت على المرور ...

اقتباس: المشاركة الأصلية كتبت بواسطة جار القمر    ههههههههههههههههههه هههههههههه الله لا يسلطهم على صديق مايصلح معهم الصحيّح اللي مثلي

اللهم آمين .... وفيك بركة ياجار القمر ..
تدري :
جعلك تطيح بين يديهم وأصير حولك .. وأناظرك ...!!

الله لا يقوله
تدري اني طحت بينهم مرة في محلهم المعهود بين العشوين ويالله أذن العشاء ..

اقر وعدل

وش رأيك في التعديل عاد ..!!!