مزايين الإبل في أم رقيبة , وسوق الغنم في حفر الباطن 1430

اقتباس: المشاركة الأصلية كتبت بواسطة كلاش تمير    الحمد لله على السلامة ماشاء الله عليكم يالمهند وربعك النشامى على الطلعة الزينة رحلة مؤفقة

الله يسلمك ويوفقنا وإياك ...

شاكر لك هذه المرور وهذه الاطلالة ...

تراي مركز على جملة تنسيم الكفرات!!!يعني لازم تقولها ،والا تذكرها.غريب
** التوجه لأم رقيبة عن طريق النفود ... وتنسيم الكفرات ...

انا اقول الشجرة هذي اسمها(قرضي).
شكل المزرعة هذي يجي فيها دخل يالمهند .

روووووووعه الصور
تسلم يالغالي

ماشاء الله تبارك الله
جوله ولآاروع منها الله لآيضركم
ياحلو التطعيس ينفع نروح له حنا ولآماينفع منكم نستفيد ,, ومتى وقتهم ..
ومالقيت الآ هالتيس تصوره استغفرالله, مت علي شكله من الضحك هو طبيعي وعادي ولآفيه شي .
وسلمت هالأيادي على التصوير
والله يعطيك العافيه

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    وعليكم السلام ورحمة الله وبركاته الحمد الله ع السلامة .. وماشاء الله ..تبارك َ الله ..ماعرف للدنيا الآ انت يالرحالة ---> يالقفك ِ روعة هالمزآآآيين والأمكان وبالذآت التطعيس ---> ليت من يطعس بي وراك ماطعست مع هالعآلم ... عاد التطعيس مايبي لة دراسة مثل مروحة أبوحمد اللي بالسماء وأعجبتني صورة فجر الجمعة ... وتقريرك رائع رائع رائع يستآهل النجمآت َ سؤال أخي المهند ... هذي شو حفظتهآ بجهآزي وقلبتهآ لين عجزت ِ...ماشوف الآ قذلة من قدام ذكرتني بشئ .. اللهم لاشمآتة .. ودي أعلق بس هونت -----> كنُ بخير

الله يسلمك .. ويعافيك ..
شاكر لك هذه المداخلة الطويلة والرائعة ..
أما جواب سؤالك .. هذي معزا مصدومة مع وجهها .. ومعروضة للبيع ...
والظاهر أنهم يسمونها معزا سوريه ..

اقتباس: المشاركة الأصلية كتبت بواسطة جار القمر    شكرا للتقرير ولي رجعه هلحين مستعجل ابودي البزارين للمدارس

بانتظاااااااااار العودة ..

اقتباس: المشاركة الأصلية كتبت بواسطة النادر    مشاء الله عليك يالمهند ماخليتا شق بس البركه في الخبير الجوي نسيم الله يحفظه عطاكم التقرير الجوي لمدة اسبوع قدام تبي الصدق رحله رائعه واكثر شي عجبني المزرعه اللي بالصحراء دمت بخير والله يحفظك بكل مكان تروح له

اللهم آمين ,, والله يجزاك خير على هالدعوات ...
هالمزرعة هذي صارت أثر بعد عين ...
تكسرت رشاشتها واندمرت مكاينها ... وتبعد عن أم الجماجم مايقارب العشرين كيلو ...

شكراً لمرورك . والله لايهينك ...

اقتباس: المشاركة الأصلية كتبت بواسطة المتحـ2007ـد    ما شاء الله عليكم رحله موفقه يا المهند كنت ناوي اروح لها بس بعد التقرير بأجلها الى عقب الحج ان الله احيانا ويا وين شوفه الابل وخاصه الوضح تجوزلي وزين اللي دفنوا الحفره حقت التنهاة لانها خطره ووش ذا العنز مشوهه او سوريه والله مدري كل الشكر لك وعلى موضووووعك المميز والله يعطيك العافيه

الله يعافيك أخوي المتحد ...
حفل الختام .. يالله في 1/1/1431 إن كان ما أجلوها ...
وبصراحة تستاهل من يروح له ويتفرج .. ويتفكر ...

أما حفرة التنهات فأكيد أنها لقت أصداء واسعة خصوصاً بعد طرح موضوعك الخاص بها ..
هلا بك والله لايهينك ...

اقتباس: المشاركة الأصلية كتبت بواسطة أبـوحـمـد    ماشاء الله جت ام ارقيبه >> السيارات فيها واجد شكلها باديه من اسبوع او انا غلطان.. بس هالمعزى من عافطاَ حنسها شكلها مغري يمكن لو تعرض على مزايين الغنم جابت اكثر من مليون ريال >> بس قل امها سوريه وابوها لبناني وجت في الحفر ومع تغيرات الاجواء اصبحت هكذا.. تقرير رائع جداً وممتع للغاية يبيض الله وجهك..

هلا بك أخوي أبوحمد .. وهلا بمرورك ...

أم رقيبة بادية لها أكثر من شهر والعالم تطحن فيها .. لا وأجلوها بعد ... الله يعين في إجازة الحج من كثر العالم ...
أما المعزا فأمحق إغراء .. الله يهديك بس ...