مقتطفات من آخرايام القميري نسيم وابوحمد

اقتباس: المشاركة الأصلية كتبت بواسطة . بـقايا انسان .    ما شاء الله عليكم يابو حمد ونسيم صيد طيب بس الحين عرفت شروط نسيم بس على العموم الموسم الجاي احجز مكاني بالعافيه يارب على قلوبكم بس ما علمتنا من الي طابخ الكبسه <<< احراج هاااهـ

ابشر بالمكان وراعي المكان
بس اخاف تصير مثل يوم تواعدني عند مسجد العيد
>>> وليش احراج هو قال علي النتف وقلت انا علي الطبخ
وكذا خلصنا
الله يعافيك يا بقايا شاكر لك تواجدك..

اقتباس: المشاركة الأصلية كتبت بواسطة نسيم    ابوحمد ليت من يدبغ في الكبسه هالحين والله ياني جوعان

لا تذكرني تكفى والله اني توني متغدي عليه >>>> بيقهرك

ترى الي عندي خلص لا تلمح ولا شي..

اقتباس: المشاركة الأصلية كتبت بواسطة أبـوحـمـد    لا تذكرني تكفى والله اني توني متغدي عليه >>>> بيقهرك ترى الي عندي خلص لا تلمح ولا شي..

ودي اصدقك ياصديقي لكن وش اسوي ملزوم اصدق

اقتباس: المشاركة الأصلية كتبت بواسطة معانق هم    وعليكم السلام ورحمة الله وبركاته مشاءالله تقرير كالمعتاد يابو حمد قمة بالروعه مشاءالله من مصوركم هنا اعترف شعندكم موشوشين على الوجيه اكيد نسيم شارط عليك !! موضوع يستاهل التقيم

ماش يا معانق غطيت علينا حنا في هذا طاقتنا الشموس
ومراكض ورى هالحميمات وانت ماشاء الله عليك في هالاجواء الزينه




لكن يبيلنا تغيير جو عقب هالشموس وها الصخاين بس مدري متى..
معانق هم الناس تطورت الحين صار فيه كميرات>>تصورك بالتوقيت ..
شكرا لك على تقييمك انت كريم وحنا نستاهل..

ما شاء الله عليكم يا ابو حمد طلعات وفلة حجاج حتى برمضان

نسيم هذا رجل غريب في عز الصوم والعطش يلاحق الحمام

الله لا تفتنا الا بطاعته ( ما شاء الله عليه عنده قدرة تحمل عجيبه )

الله يحفظكم ويحرسكم من العين ..

تقرير رائع بكل ما فيه بس لو خليتنا نشوف عين وحده من عيون نسيم

كان اكتمل التقرير ..

ما اقول الا الله يسلمكم ويخليكم لنا ذخر يا رب العالمين

والله يجزاكم الله عنا الف خير للعمل الذي تبذلونه وتقدمونه لنا

اقتباس: المشاركة الأصلية كتبت بواسطة أبـوحـمـد    ما عليك يا صديقي هو لا يجي احد ويشيل الثياب والباقي في الطاعون ههههه

هههههههههههه كلش الا شيلة الثوب يابوحمد

اقتباس: المشاركة الأصلية كتبت بواسطة المهند    القميري جا وانا عـن مضاريبـه بعيـد = ليت من هو في شعيب العصل يومه غشاه ليتني به يوم جاه اشهد انه يـوم عيـد = اشهد انه يـوم عيـدن لصيـادن لقـاه في شعيبن كل من ماجاه قناصـن يفيـد = مدهلـن للطيـر لا دونـه ولا مـن وراه اعترض للصيـد فـي مهمهياتـن وبيـد = مايمر بجورتـه طيـرن الا قـد نصـاه طلحه يناد البعيـد فيـه ميقاعـن فريـد = لو وقع به كل سربـن مهاجـر مامـلاه اهجدن بيض الصدور العصل من كل حيد = واصبحن مكنفشاتـن بطلحـه وبحصـاه لاوصل سربن وقع اقبلن سربـن جديـد = لين دكن في طلاحه وفاضن فـي شغـاه كل ماقيل امتلا قـال لا هـل مـن مزيـد = قامت اسراب القميري تهاوى من سمـاه كل طلحه تشتكي لاختهـا حملـن شديـد = من كثر حمله تهصر غصونه من عنـاه لو حلت فيها عمى كان باليسرى يصيـد = كل طلحه بالعصل واصلـن بـه منتهـاه يحترن الرامي اللي معـه رايـن سديـد = مايـذيـر او يطـيـر ويتركـهـن وراه يمشي بهـون وركـاده وياخـذ مايريـد = باخصن ماهوب ماشاف من طيرن رمـاه مايفيـد الهـرج وإلا التمنـي والقصيـد = مير انا مما معي قمت اخطـط بالعصـاه طردي المقفي خساره خذ العلـم الوكيـد = يوم انا اكتب هالقصايد واسوي هالسـواه ادري انه لا مضى الوقت لايمكـن يعيـد = ساعتن زلـت وولـت بخيـره وبغثـاه ياحـلالات القميـري علـى رز الرشيـد = وشاهي الرمث ان خدر غاية النفس ومناه ودلتن صفرا قدوعه نما حـدب الجريـد = في شعيبـن مايدلـه ولا فـرخ القطـاه ذا وصلى الله على المنذر ليـوم الوعيـد = ازكى تسليمن له من الولي وافضل صلاه وداعاً أيها الضيف العزيز ... جئت إلينا فلم نكرمك كما ينبغي لك ... فعذراً وعذراً ... تصدق يا أبوحمد إني إذا شفت القميرية وبغيت أصيدها إني أرحمها وأسمي عليها ... مدري ليه .. وبعض المرات إذا شفت ثنتين مع بعض خطر أنه يتقطع قلبي وأنا أرمي ... لكن مدري وش السواة ... ايه سم عليها واتركها عنك وش تبي بها لا تسمن ولا تغني من جوع>>ما يبيك تصيد.. لوه غيرك يالمهند صدقت الحين جايب للشياب الي معكم عقاب مخليهم ينتفون فيه ولو يحصل لكم كلتو الرطب واليابس ههههه بناء على وصف الصورة : نسيم يميل إلى السمار ... ومقصقص شعره كابوريا .. وحاط فرنسيه على جنب .. وراعي قمصان ... ويحب التنتيف ... !! بصراحة شخصية غامضة ..!! على العموم رحلة موفقة ... وكشتات منوعة ... وبيض الله وجهك يا أبوحمد ...

جبت جميع الاوصاف الي فيه بس اخطيت في الكبوريا ترى شعره متعرج ينكسر المشط
ما مشى فيه ههه ..

هلابك ياالشاعر والقصيده حلوه وجميله وصح السانك..

تدرون ليش شعري خشن؟جاذبيني خوالي .والا هلي ماشاء الله تبارك الله شعرهم يجرحه النسيم

اقتباس: المشاركة الأصلية كتبت بواسطة الراقيه    ماشاء الله كشته جميله بكل معانيها بوجودك ووجود نسيم وماشاء الله هذا نسيم متوقعته دب لكن ماطلعت توقعاتِ في محلها تطورات اليوم طلع الجسم وبكره الوجه ! الله يفرح قلوبكم على هذه الكشته الرائعه ودمتم بخير

هلا بالراقيه منوره الموضوع بوجودك وتعليقك..
نسيم كنه الحربله مره سمين ومره نحيف>>والله الوصف بعد!!
الشهرين هذي نحيف لكن في الشتاء يسمن عجل..
اتوقع بيجي يوم وبنطلع وجهه بس مدري متى ههههههههههه
شكرا لك يالراقيه على تواجدك وحضورك الجميل
تحياتي لك..

اقتباس: المشاركة الأصلية كتبت بواسطة نسيم    ودي اصدقك ياصديقي لكن وش اسوي ملزوم اصدق

خابرني ما قد كذبت عليك الا 50 مره بس