هل تتزوجون وبراتب 2000 ريال؟؟!!

اهلا بطلتك اختي بحر الحنان
وتفاعلك وبالنسبه لبعض الناس تلقى راتبه 2000 ريال
وما شاء الله عليه مدبر عمره هو وعياله واحسن من اللي معه 4000 ريال
تلقى البنك يطلبه وديون والاول مظبط امورره
مشكوره على الطله وما قصرتي

الراتب مهوب مشكله واجد ولا شوي اذا الله طرح البركه فيه
يسلموووووووو يالغالي

مشكوور ابو اثر على الموضوع


الفين ريال في الوقت الحالي ما تسوي شي وخصوصا في هذا الوقت
ارتفاع الاسعار


البعض من أولياء امور الفتيات يدور الستر ولايفكر إلا في مصلحة البنت والزوج ولا يهمه الراتب

اخوي الغالي الجوال وعبدالرحمن حياكم الله
كلام في محله ومتزن ورائع

إذا الراتب شوي والله اراد فيه البركه قسم
بالله أنه يوفر ويبقى اخر الشهر غير الراتب
اللي جاي

وغيره العكس سلف وبلاوي

الشكر موصول لاخوي الغالي ابو اثير على
الموضوع الحساس

مشكورين جميعا على طلتكم
الجوال
عبدالرحمن
ما قصرتم وصح كلامكم البركه لها دور

عاشق ديرتي
يعطيك الف عافيه على النشاط والمشاركه الدائمه بالموضوع
وما قصررررت يالغالي

اخوي ابو اثير // صرح مصدري الغير مسؤول ان صاحب 2000 او 3000ريال يسلف ويدين اللي راتبه 10000وهذاواضح في مجتمعنا .وممكن يتزوج كما حال اللي بالي بالك الله يوفقه ويتمم عليه بالعافية

مشكور اخوي الغالي على المرور والتعليق
وكلامك صح اخوي مصدر غير مسؤول
والله يوفق الجميع

[align=center] انا لي رأي آخر ياابواثير ويختلف عن كل الآرآء اللي قالوها الاخوان
بصراحه الموضوع يعتمد على حسن الدبره والتصرف والله فيه ناس رواتبهم 15000 والديون عليهم طولهم وناس رواتبهم 3000 ماعليهم أي ديون
وعايشين ومستورين وبعض الناس يخلي زوجته تدبره والحرمه لو راتبك مليون ماكفاها في شهر الله يرحم زمان اول يوم الرجال رجال[/align]

كل ذلك يعتمد على توفيق الله للعبد فمن اتقى الله يسر الله كل صعب ومن اعتمد على غيره ضاع وخسر

بقول الي عندي والله يستر علي وعلي المسلمين
بسم الله الرحمن الرحيم
اخوي الموضوع حساس شوي لكن المضمون فعلاً قوي جداً
لنبـــــــــــــــــــــــــــــــــــــــــــــــ ــــــــــــــــــــــــــــــــداء

اولاً تقول الراتب ؟؟
الصراحه بقولها لك اذا انت عندنا بالرياض انس انك بتعيش بـ2000او 3000 الف ريال
اضف اذاكنت من خارج الرياض وجاي لرياض ايجار ومصروف سياره ومصروفك الشخصي ياخي بتقول زادو الراتب بقول ايه لكن للاسف الزياده صارت نكبه لنا كل شي غلوه الايجارات المواد الغذئيه قطع الغيار الزيوت واضف الصيدليات بدت تغلي
يذكر لي احد الزملاء انه راح يشتري حليب لولده كان اول بـ46ريال وراح كذاء صيدليه تتوقع لقاه بكم بـ55 ريال ماهوب حرام
الصراحه ماعندنا وزاره تجاره تتعقب مثل هالاشكال
والشي الثاني انس فكرت انك تعمر لك بيت خلك عند اهلك تاكل وتشرب احسن لك وكرر قول ((اللهم لاعيش الاعيش الاخره)) وان شاء الله يرزقك الله
ومن ناحيه الزواج خلك علي بنت عمك او من جماعتك يكونون عارفين الوضع
( البير وغطاااه)
طبعا هذاء الي بيصير

تصدق الان العوانس عندنا بالرياض اكثر من 500.000 عانس وكل ذلك منقل الرواتب
المسكين وين بيحط المره فيه وين بيوكلها منه بيسرق بيبيع مخدرات هذاء الي بيصير
ارجو المعذره اذا كنت خرجت عن حدودي لكن غصب علي من الي اشاهده يومياً في
حياتي