(( استفتاء )) ايهما أهون على المرأة المتزوجه !!!

اقتباس: المشاركة الأصلية كتبت بواسطة غاليه    يتزوج ولايموت بااسم لله عليه.. مافي مشكله ازعل شهر شهرين بس بالنهايه ارجعه لي واعتبرها سحابة صيف وتعدي ...

يعجبني المنطق حينما يتكلم

..............................................

[size=4]يرجع إلى مقدار حب الزوجة لزوجها ، وغيرتها عليه فإن غلب الحب الغيرة اختارت له الزواج ، وإن غلبت الغيرة الحب رضيت له بالموت .
size]

قلب الأسد

أحترامي لك ســـــــــيدي


أخي الكريم

مما لايخفى على الكل أن هذه المسألة قد تطاول عليها الكثير من النساء رغم أن هذا الأمر رباني وصريح بكتابه الكريم لكن السؤال الاهم هل الفطرة التي زرعت في معاشر النساء ستكون حجة لهم يوم لقياه
قد يتمنى الكثير من النساء موت ازواجهن مقابل ان لايتزوجوا عليهن معاشر الرجال
وهذا في نظري شي طبيعي وقل من النساء الواعيات من يرى غير ذلك
وهنا تحضرني قصة لعلي أذكرها بتصرف اخي العزيز
وهي قصة قديمة رويت لي من احد كبار السن مفادها
أن فتاه مات أخوها فأنهارت بعد سماع الخبر وأصبحت تمشي بين الناس بالطرقات بدون حجاب يسترها وذهب لبئر قريب لترمي نفسها فيه والناس من حولها يحاولون ثنيها عن ذلك ومرت تلك العجوز وسألتهم مابالها فقالوا :مات أخوها وتريد رمي نفسها بالبئر فقالت دعوها لن ترمي نفسها
ثم ماتت أمها ومات أبوها وفعلت الشئ نفسه وتلك العجوز تقول :دعوها لن ترمي نفسها
ثم تزوجت تلك الفتاه وبعد سنين علمت بزواج زوجها عليه فجاءتها تلك الحاله
وكان العجوز حاضرة ذلك اليوم فسئلتهم مابالها فقالوا تزوج عليها زوجها
فقالت : امسكوها سترمي بنفسها
لاعلم بصحة القصة ولكن الأهم هو حكمة تلك العجوز
أطلت بالكلام رغم أن أقله انفعه
فعذراً أيها القلب الطاهر

اخوي

قلب الاسد

نقل رائع ومميز تشكر عليه

صدق ان الوحده منا يصعب عليها ان زوجه يتزوج عليها وحده ثانيه


لكن ليش نحرم شي حلله رب العالمين لرجل << بيذبحونها

والشرع حلل اربع مو وحده لكن قال لمن عدل

وبدوري بنت ماتزوجت صعبه اني ادخل الاستفتاء لأني ماعرف النصيب

اخاف اني اعنس وارتبط بشخص متزوج وبعدين اتذكر الكلمه اللي انا
استفتيكم فيها ولي هي الحقي زوجك مات ...!!!! بصراحه ماابي اتفاول عليه بالموت بعدين اعنس وانا ماصدقت اني اتزوجه


فعشان مااحس بذنب راح اختار الحقي زوجك تزوج عليك ...!!!! على الاقل اهــــــون

.

.
تقبل مرور واستفتائي بصدر رحب

دمت بخير ودام تميزك

اقتباس: المشاركة الأصلية كتبت بواسطة الضامي    يعجبني المنطق حينما يتكلم ..............................................

ماعليك زود الضامي..........................

قلب الصقر ...
رأيه (الموت) أكيد بطل يتزوج ثانيه ..

ALJAWAL...
رأيه ( يتزوج) أكيد موافقه على انه يتزوج بثانيه ..

دبدوب لكن حبوب
رأيها (يتزوج) هذي اكيد تحب زوجها ..

مرعب النفوس ..
مرور الكرام شكله مستعجل ...

شموخ انثى ...
ياحبك تنبشين الارشيف وآخرتها تتمنى (الموت) والذيب مايهرول عبث .

تميراوي الرياض ...
زين اللي ماذبحوك وانت تسألهن .. انتبه وانا اخوك سؤال خطر ..

غاليه ...
زي ماقال اخوي الضامي هذا هو المنطق ..

الضامي ...
الظاهر دايم يقولون لك سالفة العجوز تذكير عشان ماتتزوج ..
بس سالفتها حلوه .. وضحكتني في نفس الوقت ..

سحايب صيف ...
عين العقل فيما ذكرتي ... بس يمكن باكر اذا تزوجتي تغير نظرتك الله اعلم ..!!!


لكل له وجهة نظره الخاصه التي تتعلق به ... !!
فمن يرى أن خبر موت الزوج أهون من أن يتزوج بأخرى ...
فماذا ستسفيد الزوجه ...!!!
فلو تزوج عليها فهذه خساره مبدئيه فلربما يعود الى زوجته الاولى ..
أما اذا مات فهذه خساره نهائيه حينئذ لن يعود ..!!!
شاكرا للجميع مشاركتم الأكثر من رائعه في هذا الاستفتاء المرعب للمرأه ..
دمتم في حفظ الله ورعايته ..!!!

يموت ولا يتزوج رايئ كزوجه
اذا مات ابصيح يومين ثلاث اسبوع بالكثير وابنسئ
اما انه يتزوج ماراح انسئ وشلون انسئ وهي عيشه
والله الايقوله ولايفرق بينا

انا ابدخل في الموضوع على طول
يمكن اللى تزوج الثانية عنده ظروف اجبرته على الزواج
يمكن مارزقة الله بالذرية من الاولى ويمكن وترى هذا الشي شائع
عندنا كثير الا من رحم الله الحرمة مهما كانت متعلمة ومهما كانت مثقفة
تلقاها تفكر بقلبها لا بعقلها يعني تغلب عليها العاطفة في قضية الزواج من الثانية
حتى لو كانت مخطئة لايمكن تعترف انها مخطئة ومعليش على الكلام هذا ارجوا ان
لاحد يفهمني غلاط وبعدين اخواتي الفاضلات اللواتي سبقوني بالمداخلة على
هذا الموضوع انا اجزم انكم لو تزوجتوا او المتزوجات منكم اعرس عليها رجلها
ان تخلي حياتة جحيم وتقلب عاليها واطيها
اخي الكريم قبل ماتفكر وش بيقولون لو اعرست فكر وابحث عن الاسباب التى
دفعت الزوج على هذا الفعل
ارجوا اني لم اجرح احد بالكلام وارجوا ان تتقبلوا مداخلتي بصدر رحب

اقتباس: المشاركة الأصلية كتبت بواسطة اميره بكلمتي    يموت ولا يتزوج رايئ كزوجه اذا مات ابصيح يومين ثلاث اسبوع بالكثير وابنسئ اما انه يتزوج ماراح انسئ وشلون انسئ وهي عيشه والله الايقوله ولايفرق بينا

مطلعه الموضوع من تحت الارض واخرتها تفاولين على الرجال بالموت ..
اسم الله من هالحريم .. عاد تلقى هاللي تمنى لزوجها الموت مهملته ومهمله بيتها وبالها مع المناسبات والمسايير .. وبالاخير ماتبيه يتزوج عليها ..

وتعليقا على كلام الاخت نور البلوي :
لي صديق تزوج بانسانه وقدرها عنده كبير جدا ولم يكتب الله ان تحمل منه والحوا عليه اهله واقاربه بالزواج عشان يرزقه ربي الذريه ، تزوج وظنت الزوجه الثانيه بحكم انها موظفه وراح تدلعه بالهدايا وغيرها وراح تنـزع موده الزوجه الاولى من قلبه ورغم ذلك ( ماقدرت تغير شي ابد الا العكس زاد غلا الاولى زود ) واخذ زوجه ثالثه تأديباً للزوجه الثانيه .. والآن كل زوجاته ببيت وواحد ولكن الشاهد في الموضوع ان الزوجتين ( الاولى والثالثه على وئام تام وعلاقتهن مثل الاخوات وأكثر ) ..

اما بالنسبه لي كلا الخيارين مرآن
لاكن قيل في الامثال --وش حدك على المر قال الي آمر منه--
فالحقي زوجك اتزوج عليك اخف يكون عايش معي يقاسمني مرارة الايام
اما الحقي زوجك مات فمصيري اخذ واحد معه زوجه هذا حال الارمله
الله يخلي زوجي ويطول بعمره يارررررررررررررررررررررب
قولو امين