كشتة ضبان هي الاجمل وهي الاطيب في صوح العرقوبه

ماشاء الله تبارك الله ...

وش هالزين ... وش هالزين ...

تقرير رائع وجميل ... لقصة صيد الضبان ...

السلايق ما شاء الله ... طيبة بالحيل ...

:::: :::: ::: ::: ::

مخاوي تمير ... حال واحتوال والله من الذمه ... أنا أول مرة أدري أن الغطاء يغسل ... وبعدين هالصورة يبي لها تشفير ...

::::::::::::

وش هاللقطة ... ما شاء الله تبارك الله ... وين غرشة البيربكان .. !!

::::::::::::

كل حاجة حلوة في هالصورة .. إلا هالورق اللي يوزع في الشوارع..

::::::::::::

أفا ....... الضيف هو اللي يصلح الشاي ... إيه هذا الشغل ... مبين أنه شقردي ... ما شاء الله ...

:::::::::::::::::

الله يسلم يمينك يا أبو عبدالملك .. ويرجع أيام الأعصل ونومات الحيرا ...

ما قصرت يا أبو عبدالرحمن ... وبيض الله وجهك ...

ياحظكم والله تقدرون تعلقون على الصور الا انا!!!!!!!!!!!ممنوع!!!والا فيه مادة دسمه تستحق الوقوف عندها ولا تروح كذا تمر مرور الكرام.
لكن سدير نت هذا شكله ماكل هالضب الصغير كذا بطريقة احترافية كنه ماكل باونتي !!!!

ياساتر نظراته لضبيب مرعبة ،والله الظاهر كلاه ني!!!!
ماهوب وقتك ياسدير نت، انت انسان حجري.من العصور الاولى.

ماهو ظلم اني اشوف بعد قلبي مخاوي تمير كذا واسكت؟الشكوى لله!!!!!!!!!!!!!
فاتحها بحري!!!!!!!كنه من اهل جزيزة سوقطرة في اليمن هالفخوذ ماشاء الله تبارك الله،طيب اللبس سروال طويل .وزره,
وش بقي؟؟؟؟؟؟؟؟؟؟؟؟؟؟؟؟؟؟؟؟

هذا من الصور المخالفة ابنقلها لساحة الادارة.

يعطيك العافية

اااااااااااه بس لو اذوقها شهيتوني

يعطيكم العافية على هالكشته الزينة والربع الشقردية

الأخ نسيم امسك بريك تراك طلعت على الردميه وتأن في ردك قبل اعتماده

المشرف مثل بقية الأعضاء

تقبل حياتي

اقتباس: المشاركة الأصلية كتبت بواسطة aldokkel    بسم الله الرحمن الرحيم اولا/ احب ان اشكر الزملاء او بالاصح الاخوة الاعزاء ابوعبدالملك ابو خالد ابو عبدالله والمبدع مخاوي تمير ... على حسن الاستقبال وكرم الضيافة . فعلا كشته ممتعه للغاية قضينا فيها نهار جميل لايخلو من الذكريات الجميلة. بارك الله فيكم... كم كنت مشتاقاً همممممممممممم...... كيف مدري يبو خالد...بس حلو الجوال؟؟ مع تحياتي/ طارق بن عبدالعزيز. .

حياك الله يا ابو عبدالعزيز

والمنتدى منور بهذا الحضور وهذا التواجد المشرف لنا

والله يجزاك الف خير لتسجيلك ولانضمامك لقافلتنا

والكشتة حلاوتها وجمالها تواجدك فيها ..

والجوال مقبول يا عسل بس لا تدقق فيه بالحيل

( فيه ناس يدورون اي شيء )

اقتباس: المشاركة الأصلية كتبت بواسطة المهند    مخاوي تمير ... حال واحتوال والله من الذمه ... أنا أول مرة أدري أن الغطاء يغسل ... وبعدين هالصورة يبي لها تشفير ... :::::::::::: أفا ....... الضيف هو اللي يصلح الشاي ... إيه هذا الشغل ... مبين أنه شقردي ... ما شاء الله ...

هلا بالعسل هلا بالمهند المغوار

ومشرفنا في هذا التقرير الرائع من الغالي ابو خالد

وغسل غطى او ملعقة هي ذمه .. لا بد منها
( الله من الصح فيني بس وش نسوي نبي نتميلح عند طارق )

والصورة يا عسل ما فيها شيء .. ( غمض عيونك ما كنك شفت شيء )

وما تدري عن الشاهي لو انك شاربه كان تقول تعال كل يوم يا طارق

وهذا يدل على تواضعه وحسن ذاته الله يجزاه خير

صحتين وعافية

اسعد الله ايامكم وجمعكم على خير

صحبة مباركة

اقتباس: المشاركة الأصلية كتبت بواسطة نسيم    ماهو ظلم اني اشوف بعد قلبي مخاوي تمير كذا واسكت؟الشكوى لله!!!!!!!!!!!!! فاتحها بحري!!!!!!!كنه من اهل جزيزة سوقطرة في اليمن هالفخوذ ماشاء الله تبارك الله،طيب اللبس سروال طويل .وزره, وش بقي؟؟؟؟؟؟؟؟؟؟؟؟؟؟؟؟؟؟؟؟ هذا من الصور المخالفة ابنقلها لساحة الادارة.

اههههههههههه

هلا وغلا بالعمدة

اي بحري الله يهديك

لا تدقق ولا تفتح عيون مغمضه

تراك تلعب بالنار