القار لعب في سياراتنا يا جماعه

اقتباس: المشاركة الأصلية كتبت بواسطة المهند    حنا في تمير صرنا مثل أي مدينة في اليمن ... خصوصاً العشوائية في العمل ... لما لا يزدوج الطريق مع الطريق الذي تم الانتهاء منه ... أكثر ما كثر الله البراميل ... مواترنا أندمرت ركبها وعكوسها... وصارت تطقطق ... والشريطية يحذرون بعدم شراء أي سيارة من تمير ... أو مرت بشوارع المدينة ... أيضاً أحذر مفاجأت الطريق ... يعني تمسك الشارع العام ... تتفاجأ برصاصة أو وايت قار مقابلك ... والله يستر لا تقابلك دبابة ... خط عام كله جروف ما تدري تروح يمين أو يسار ... حتى اللي قدامك ما تدري وين بيروح .. خط عام تم تصليحه بحركة مهندسين ... حيث تم وضع وظيمة لتصريف السيول ... عن يمين ويسار الطريق ... الله يعينا على الترقيع إذا خلصوا من الطريق .. يعني أصبحنا في وضع لا نحسد عليه في مدينتنا اليمنية ... أذكر مرة رحت لليمن ولا فيه لوحات ولا شيء الطريق يصغر ويكبر بدون أي لوحة ... حفريات ما تتحراها تقابلك قاطعتها السيول لها سنين ... المهم سألت اليمنين ... وشلون تسوقون ... قالوا أن ألحن حافظين الطريق ... وعارفينه زين ... طيب وش ذنب اللي ما يعرفه ... 7 7 7 7 7 7 7 7 7 بالفعل عذراً زوار مدينة تمير اليمنية ...

هههههههههههههه
حلوهـ مدينة تمير اليمنيه *_^
والله انك صاااااادق يالمهند وبكل كلمه قلتها
مير الله يعين ويستر من اللي جاي

الله يعين

السوال اللي يطرح نفسه هل موظفي البليده والشركه المنفذه يمشون بسياراتهم على هالطريق والا بسيارات العمل؟

انا اتوقع بالسيارات المصروفه لهم وهذا يعتبر خيانه يعني ما هي فارقه معهم ان تكسر موترك ان توصخ موترك ؟

وفي الاخير عذرا زوار مدينة تمير اجلوا زيارتكم لنا و كلن ذنبه على جنبه والاخوان في المنتدى حذروكم وما سمعتوا كلامهم

اقتباس: المشاركة الأصلية كتبت بواسطة نسيم    قائد الاسود وش فيك القار هذا منه فوائد للسيارة يحميها من الصدا. البلدية افهم منك في مصلحة نفسك .وبعدين وشوله تروح مع الشارع اللي فيه قار ياقائد الاسود. تحياتي لك نسسسسسسسسيم

نسيم اذا صارت سيارتك خجماء ومصديه من جميع الجهات تحسبنا حنا مثلك
نروح نمشي في القار عشان نغطي الصدى الي على الرفارف
اتوقع انك شغال بالبلديه يا نسيم ..
وبعدين عملي هو الي يجبرني على الجيه اما الذهاب امر عادي
ولوكان معي سياره مثل سيارتك كان مشيت ولا همني

اقتباس: المشاركة الأصلية كتبت بواسطة قائدالأسود    نسيم اذا صارت سيارتك خجماء ومصديه من جميع الجهات تحسبنا حنا مثلك نروح نمشي في القار عشان نغطي الصدى الي على الرفارف اتوقع انك شغال بالبلديه يا نسيم .. وبعدين عملي هو الي يجبرني على الجيه اما الذهاب امر عادي ولوكان معي سياره مثل سيارتك كان مشيت ولا همني

والله شكلك تداوم في ثادق اللي فهمته منك لانك تقول في الجيه.وبعدين انت تحب نفسك ماكتبت الموضوع الا عشان هالجيه والباقين ماهموك وارجوك لاتسب سيارتي .سيارتي ازين من سيارتك ههههههههههههههههههههه
تحياتي نسسسسسسسسسيم

[mark=#3366FF]إسمحولي بكلام من غير إرادتي .........[/mark]

حسبي اللهـ على كل مسؤل يعلم بما يحصل ويستطيع تغير الذي يحصل بالطريق العام وداخل الاحياء بتمير ولم يغير ساكنا .. حسبي اللهـ عليهـ والله ياهم لعبو بسيارتنا وخربوها غير ذلكـ ماحصل اليوم لولد السلطان الحادث الذي سدم بسيارة الترصيص وأدخل المستشفى بسبب إهمال المسؤلين اعوذ بالله كرهونا بحياتنا وعيشتنا بالديرهـ مللللللللللللللللللللللللللللللللللللللللللللللللل لللللللللللل .

من جد كل ماأصبحت وأمسيت جلست أدعي على كل مسؤل يقدر يغير ولا يغير المشكلهـ .
حسبي اللهـ ونعم الوكيل .................

شاكر ليكـ على الموضوع بس المشكلهـ ماعندكـ أحد يرد الروح من المسؤلين .

يااااااليتهم ماحركوا ساكن .... الشارع العام ماعليه معبرنا كل هالسنين ليتهم خلوه على حالته .... أجل يعقل شارع طوله 9 كيلو يجلسون فيه أكثر من سنة ماخلصوه ....
الخط السريع وهو السريع وش طوله وغيروا زفته ماتم سنه .... لكن معروفه مسؤوليي وزارة النقل مهوب مثل مسؤولي البلديات ....
أما مسؤل البلدية فماعليه معه سيارة البلدية وإذا خربت صلحها على حساب البلدية .. يعني ماعنده مشكلة في الطريق ....!!! ومافيه دخان بدون نار !!!

يــاأخوان مقدر لكم مايحدث من تخبطات وأعلم آن السيارات والناس جاهم الضرر والمرض لكن مايجوز تدعون على أحد بهذه الدعوات مهما كان هم مسلمين ومن ديرتنا وماأتوقع ولا واحد بالميه يتعمدون هالشي
نقول إهمال أو عدم خبرة وأنا أتوقع الإشراف على هالأعمال كبير عليهم
وأنا والله معكم بكل كلمة قلتوها
لكن لاتدعوا عليهم فخلفهم أولاد لاذنب لهم لكن ادعو الله انه يخلف علينا بغيرهم

اقتباس: المشاركة الأصلية كتبت بواسطة الضامي    يــاأخوان مقدر لكم مايحدث من تخبطات وأعلم آن السيارات والناس جاهم الضرر والمرض لكن مايجوز تدعون على أحد بهذه الدعوات مهما كان هم مسلمين ومن ديرتنا وماأتوقع ولا واحد بالميه يتعمدون هالشي نقول إهمال أو عدم خبرة وأنا أتوقع الإشراف على هالأعمال كبير عليهم وأنا والله معكم بكل كلمة قلتوها لكن لاتدعوا عليهم فخلفهم أولاد لاذنب لهم لكن ادعو الله انه يخلف علينا بغيرهم

أعجبني ردك اخوي الضامي هذا الكلام الصحيح والمعقول , بعض الناس يبي يسب وبس !!!!!

هو صادق نسيم وشوله تمشي في القار والله حاله اذا حفروا قلتوا وشوله يحفرون واذا قشعوا قلتوا وشوله يقشعون واذا زفتوا وشوله يزفتون والله حاله والله يهديكم ويهدينا

هذا عمل لازم يكون فيه اثار على الماره لذا يجب ان يكون فيه وعي من المواطن تجنب بقدر الامكان اماكن العمل بس فيه ناس مشفوحة .امس القريب تشكون من الشارع العام والمطبات .صراحة شعب ماودي اقول (ضحكت من جهلها الامم )
صراحة البحار الشبرمي معه حق انسان واعي .