مشارك|| ان حكينا ندمنا » وان سكتنا قهر » لا لا وان سكتنا حراااامـ ||

أخي طير شلوى
أسباب البطالة تختلف من مجتمع إلى مجتمع حتى إنها تختلف داخل المجتمع الواحد من منطقة الى أخرى فهناك أسباب اقتصادية وأخرى اجتماعية وأخرى سياسية ولكن عندنا هنا لا أعرف مالسبب!!
ثروة طائلة ،، ارض خصبة للاستثمارت والعمل ،، فرص وعجز بالعمل ،،يقدر الأجانب هنا بالملايين ،،
بالمختصر نحن هنا نسير بالبركة من دون دراسة وتخطيط
أما عن الواسطة فكل من أمن العقوبة اساء أكثر وأكثر
لماذا لاتكون عقوبة الواسطة مثل عقوبة الرشوة لتفشي خطرها بين الناس وكم ظلم آشخاص كثر بسبب الواسطة وهذه ليست شفاعة إنما تجاوز على النظام وظلم

الحل يكمن في التعاون والتكامل الاقتصادي وربط التعليم والتدريب باحتياجات السوق فقط .
والأهم هو الاهتمام بالصناعات الصغيرة والحرف اليدوية
وصدقني أخي طير شلوى
أن الصناعات والحرف تدخل على الشخص مايفوق الوظائف الرسمية
ماالمانع أن يكون صاحب المنجرة أو صاحب الحدادة سعودي يعمل ويسانده عمال يستفيد منهم
أطلت واثقلت عليك ياصاحبي
قلم جميل وطرح حساس وفالك الفوز إن شاء الله

اقتباس: المشاركة الأصلية كتبت بواسطة مالكه القلم    طرح مميز صحيح ان بعض شباابنا داجين بس والله الي يدور راااح يلقى وظيفة والي مصر على اي وظيفة رااح يلقي مو مشكلة راتبها شوى المهم وظيفة عصفور باليد ولا عشرة بالشجرة بعدين تنفتح الابواب علية الحين بعض الشباب والله يتشرط يبى وظيفة جنب بيتة يبى راتب صح اجتهد وثابر الي ان يحلها الله لاتقعد وتبي الوظيفة تجيك حد بيتك"" تقبلو رائي واختلاف الراي لايفسد للود قضية""

اشكرك على هذه المداخله الطيبه ،
وحنا ماشفنا هالعصفور الواحد الي في اليد عشان تلتفت للعشره الباقيه فوق الشجره ،
مافيه وظائف عشان يتشرطون الشباب اهنا ناس طامرت وراحت وسوت الي عليها النتيجه حط ملفك وراجعنا بعد 98776 شهر ، والحمد لله آخر شي لقوا رزقهم الي كاتبه لهم الله في غير الوظائف .

اقتباس: المشاركة الأصلية كتبت بواسطة ابو منيره    طرح مميز ورددود مميزه البطاله كلن يحفر وينطل وجهه على اللي يسوى وإللي مايسوى وتاليتها بنزهم عليك,أو أحتر نبينعلن في الجريده رد يحطم ويخلي الشخص محطم بمثل هذا الرد ....... ويذهب ويدوح في الشوارع ويأتي من يقول له عندي وش يجلب بك المال ويطيحه في وحل المخدرات وهذا قد تكون أنتهت حياته بسبب شخص لايقدر من ماذا قال وماذافعل برده لهذا الشخص المتعلم وصاحب الأخلاق أعجبت بطرحك وأردة أن أشاركك وفالك التوفيق يالطير.

هلا اخوي ابو منيره ،
صدقت احترنا نعلن في الجريده ،
ومن حزتها لاعلم ولاخبر لها مثل الوظائف الي اعلنت في وزاره العدل.

اقتباس: المشاركة الأصلية كتبت بواسطة روح الورد    موضوع حاصل وبكثره في مجتمعنا وللاسف الشديد مداخله بسيطه بتحدث عن واقعنا او بقربه اكثر مثل حى من بيتنا اخوي الله يحفظه مو يبي اى وظيفه يبي وظيفه بمواصفات معينه تليق بمستواه امام زملاءه للاسف هذا القناعات موجوده بأخي عجزت اغير فيه شكل تاثيري على خواتي اخواني مابعد قدرت عليهم مشكله اذا كان شبابنا قناعاتهم مثل قناعه اخوي وكمان ماقصرو الوظائف مو من كثرتها واغلبها بواسطه لذلك راح نجد شريحه من مجتمعنا يصيبهم الاحباط واليأس من الشروط وغيره مدرى خرجت عن الموضوع ام لا بالاخير عجبني العنوان والمضمون قلت ادلوا بدلوي هنا طير شلوى يعطيك العافيه على الطرح الرائع

اهلا بروح الورد ،
اخوك هذا مع الوقت بيحتاج وبيدور رزقه لو هو وراء صنعاء ،
قبل كم يوم دخلت مطعم واذا اشوف العماله الي فيه كلهم سعودين هذا ينظف وهذا يوصل طلب،
اول ماشفتهم انتابني شعور بالفرح لهم لاكن يخالطه حزن عليهم ،
فرحت لهم لاني أشوف كل واحد منهم رفع كمه و دور رزقه ولارده قولت عيب واحززني انه يحمل شهاده تأهله للحصول على وظيفه مثله مثل راعي الواسطه !!!

موضوع يستحق النقاش ..
امممم موضوع الخدمه المدنيه والامور هذي ماراح اقدر اتكلم عنها لان خبرتي او معرفتي قليلة عن دورها
بس راح اتكلم عن شي بسيط
أسباب البطالة عندنا هنا بالسعودية :
1/ السبب الرئيسي والمهم هو فتح اقسام بالجامعات مالها اي مجال وظيفي مفتوح لهم بعد التخرج
مثلا قسم القانون للبنات بجامعة الملك سعود .. له الحين 5 او 6 سنين فاتح وتخرجت دفعتين منه الحين
بس وين يشتغلون ؟؟؟؟ ..
منطقيا| اذا انتوا أصلاً مو سامحين للمرأة بأن تدخل المحاكم وتدافع عن قضايا ليه تفتحون هالقسم وتخرجون دفعات من الأساس !!!!! ومو بعيده يكون فيه اقسام للشباب مفتوحة ومالها اي مجال وظيفي مفتوح
بمعنى اخر كل اللي سوُّووه انهم ساهموا مساهمه كبيره في ارتفاع معدل البطاله ..

2/ شبابنا الحين مو زي قبل يدللون ويتشرطون والله فيه كثير تنازلوا عن اشياء كثيره كان مستحيل بيوم من الايام يتنازلون عنها وكل هذا عشان يتوظف بس..
عشان كذا اللي اعتبره السبب الثاني للبطاله هو انتشار الوااسطة بشكل كبييير بهالمجتمع..




موضوع يستحق النقاش بالفعل .. سلمت اناملك اخوي طير : )

في البداية أشكر لك أخي المفضال طرح هذا الموضوع المهم ، ولعلي أقف هنا مع الأسئلة التي وضعتها بذيل موضوعك الجميل .

اقتباس: المشاركة الأصلية كتبت بواسطة طير شلوى    ما اسباب هذه البطاله ؟ أسبابها كثيرة ، ولعل من أهم التربية الأولى للشاب السعودي ؛ فكثير منهم - وأنا أقولها من واقع رئاستي لدائرة حكومية لايقل موظفيها عن خمسين موظفاً - أقول إن كثيراً منهم لم يتربى على تحمل المسئولية ، فتجده يحاول البحث عن العمل السهل ، غير المجهد له بدنياً ، ولاذهنياً ؛ بل ولاتغربا ؛ فتجد الشاب يريد وظيفة على مكتبٍ وكرسي دوار ، ويداوم الساعة التاسعة ، ويخرج للإفطار ، ثم للشاي ، ثم للقهوة ، ثم لشرب الماء ، ثم لصلاة الضحى ، ثم لصلاة الظهر ، ثم للذهاب لإحضار أولاده من المدارس ، وربما رجع ، وربما أكملها بالغداء .. وأنا أقول ذلك ليس من فراغ ، بل من مراجعتي لكثير من الدوائر الحكومية بالرياض خاصة ، ولو تريد أن أقصَّ عليك معاناتي في ذلك لجف مداد قلمي قبل أن أنتهي من سرد بعضٍ منها . لانبعد كثيراً ؛ فهناك أشخاصٌ من أهل مدينتكم العامرة لوحصلتْ له وظيفة في الرياض لرفضها ، لايريد إلا تمير ، ولو جلس عاطلاً سنوات عددا . المواطن السعودي هو الشخص المناسب ليحضى بوظيفه في أحد دوائر الحكوميه فهو جزء من هذا البلد وفيه الشهامه والغيره على ادارته وبلده اكثر من الوافدين والاجانب فأين السعوده التي نسمع عنها؟ هذا في الجملة ؛ ومَنْ عرف خبايا الدوائر الحكومية عرف أن عدد المخلصين قليل ؛ بل أقل من القليل . أين حقوق المواطن في وظيفته على حكومته ودولته ؟ وهل للمواطن حق في ذلك؟ في نظري لا أظن ذلك ؛ بل أجزم بذلك ، فلعلك أن تلقي نظرة في التاريخ ، ونظرة أخرى في كتب سياسة الدول والملوك فتعرف هل ذلك حقٌّ لك مواطن أم لا ؟! هل أصبحت الوظيفه تقف عند الواسطه او اصبحت الوظيفه دوله بين الأغنياء منهم ؟ لو كانت بين الأغنياء لما رأيت فقيرا متوظفاً .. والواسطة لها دورٌ في كل شيء ، ولاعيب في أن يتوسط الرجل لقريبه أو لمن يحب إذا كان الشخص أهلاً للوظيفة ، ولم يضار بذلك أحداً . واحيانا يأتي في بالي سؤال هل الوظيفه تقف عند ديوان الخدمه المدنيه ؟ لم يتضح لي هذا السؤال ، لذا سوف أرجئه لما بعد . وماهو الحل لمشكله البطاله ؟ البطالة لايمكن أن تحلَّ - في نظري - مادام أن الدولة تريد التطور في شتى المجالات ، والبطالة تتخطفها عدة أمور اجتماعية ، واقتصادية ، وثقافية . اترك لكم الاجابه و آتمنى أني كنت محايدا ولم أقول الا الحق فالحق أحق أن يتبع .

بارك في قلمك ، ونفع بحرفك ، وليتك أخي الكريم ألحقت بموضوعك الجميل آثار تلك البطالة سلباً وإيجاباً ؛ حتى تكتمل حلته .
دمت بــود ،،

عز نفسك واشتغل شغلات حره ولامدير يذلك وراتب مايقر في الصرافه يوم

عزيزي طير شلوى

ما اسباب هذه البطاله ؟

البطاله داء اصاب كل بيت
واسبابها كثيره البعض قد لااتطرق له لانه معروف
هناك من يدخل الجامعه بلا علم فقط لايفكر بالمستقبل يدخل اي تخصص ولاينظر لمستقبل هذا التخصص
وهناك نظام الواسطات معك واسطه تمشي وتاطى ع غيرك
وهناك الكثير

المواطن السعودي هو الشخص المناسب ليحضى بوظيفه في أحد دوائر الحكوميه فهو جزء من هذا البلد وفيه الشهامه والغيره على ادارته وبلده اكثر من الوافدين والاجانب فأين السعوده التي نسمع عنها؟

كلام في صحف
حتى الشركات توظفه وتلعن امه وابوه ويفصل ويبقى ملفه كانه عندهم موظف
فاين الرقيب من وزارة العمل
شد لي واقطع لك

أين حقوق المواطن في وظيفته على حكومته ودولته ؟

يوجه لاصحاب الشأن

هل أصبحت الوظيفه تقف عند الواسطه او اصبحت الوظيفه دوله بين الأغنياء منهم ؟

تقدر تقول

واحيانا يأتي في بالي سؤال هل الوظيفه تقف عند ديوان الخدمه المدنيه ؟

لاادري

وماهو الحل لمشكله البطاله ؟

الشكوى لله ثم لولي الامر

اترك لكم الاجابه و آتمنى أني كنت محايدا ولم أقول الا الحق فالحق أحق أن يتبع .

دمت بخير

طرح رائــ‘ع وحساس تشكر عليه ياطير شلوي..
انا من وجهة نظري انا اسباب البطاله هي

ألعماله الزايدهـ عندنـآآ وقل الفرص للششباب
وعدم تششجيعهمـ

وربي اي مكان تروح له ماتشوف غير الاجانب يعني كانهم بس حاطين الشغل ومايفهم فيه الا الاجاانب ..
وانا معك في زمنا هذ1 معك واسطه تمشي مامعك الله يستر عليك..
هذي وجهة نطري واتمناء وفقت فيها..

وعليكم السلام ورحمة الله وبركآته

للآسف آنآ فتآمينْ الواسطة آصبح الآقوى في مجال الـ وظائفْ الحكومية
والذي لآيملك هذه الفتامينآتْ ليس أمامه آي مجالْ وظيفيّ الآ برحمة الله ؛
لاآعلم هل المشكلة منْ السعودي نفسة آنه لآيتحمل الوظائف التى يقومُ بها الآجانب
ولآيقبل بـ آي راتب وظيفي !؟
أو أن القطاع الخاصَ يميلْ الى الجهة الآجنبية لآنه يظنْ آنها أوسع خبره وآدق ؛
بينما السعودي أبن بلدكَ وتهمه مصلحتكْ ؛
ومهمآ فتحنآ المجال للنقاشَ لـ موضوع البطالة سنخرج بلآفايدة لاننا الى الآن مانواة المشكلة ؟

جزآكَ الله خيراً على هـ الطرحَ الرآئع و بـ التوفيق لك