"العيون الحارة , جبل فيفا" الجزء الثاني من رحلتي لجنوب غرب السعودية 30/4/1430هـ

اقتباس: المشاركة الأصلية كتبت بواسطة ولد العز    ماشاء الله تبارك الله تقرير جميل ابومهند وشلون اهلها عايشين فيها انا دخت وانا اناضر الصور وشلون لوي عايش فيها كان معد اطلع من بيتنا من الروعه

هلا بك أخوي ولد العز ...

كلاً راضي بعيشته وحياته والحقيقة مالقوا لهم حاجة ظهار تقص ظهر الواحد ...
وإن كانك دخت وأنت تشوف الصور وش تقول في اللي عايشين فيها دائم ...

وبعدين ترانا مستخدمين طيارات شراعية عشان نصور ..!!

اقتباس: المشاركة الأصلية كتبت بواسطة غريب الدار    الحمد لله على السلامه تقرير رائع يا عبدالله احترااامي

الله يسلمك ... شاكر لك مرورك ... أخوي غريب الدار ...

حلوة عبدالله !!

اقتباس: المشاركة الأصلية كتبت بواسطة نسيم    صور جميلة جدا ورائعة اخوي المهند ,حقيقة انت دائما مبدع وموفق بكل ماهو جميل . اجل الولد الصغير مايبي الرياض ههه ياخوفي اشوفه بكرة في تمير

والله ما أدري عنه ... هو يقول ما أبي الرياض ماقال ما أبي تمير ...
الله لايلومه حصى وقصى وسعة صدر ... لكن أكيد إذا كبر وشاف التطور راح يطلبه ويدوره ويمكن مايعين إلا في الرياض !!

اقتباس: المشاركة الأصلية كتبت بواسطة قابوس تمير    تقرير روووعه يالمهند ... ورحلة موفقة .. جهد تشكر عليه .. موفق يالغالي

الله يوفقنا وإياك أخوي قابوس تمير والروعة مرورك وحضورك ... الله يبارك فيك ..!!

اقتباس: المشاركة الأصلية كتبت بواسطة مخاوي تمير    ما شاء الله تبارك الله يا أمير المنتدى من ليلة البارحة وانا اشاهد التقرير ولم اشعر بمرور الوقت طويلاً فكل صورة لها حكاية ولها واقع مخيف ( صدقني عشت اوقات مرعبه ومخيفه ) .. ( عز الله مارحت لها ولا افكر فيها ) .. .. الله عليك يا المهند من هذيك السواقي للمسابح ( وينك يا نسيم تشوف التطور السريع ) ** أي والله سواقي وفنيلة علاق وحالة صعبة ... ثم عقبها في مسبح أزرق .. علم نسيم اللي يسبح في حيضان النخل !! .. .. حي الله الدكتور محمد ومنور المنتدى بطلته الحلوه (شكل الدكتور يقدر السبرايت ) ** السبرايت ... قصرت وأنا أدور ذا السبرايت ولالقيت إلا شاهي ... أثره في المكيف عادل عليه الهواء !!! ماشاء الله ماتخلي شيء ألا وتناظره !! .. .. ( سبحان الله كيف يرتاح بالهم والعيشه في هذه المكان ) ( ما يخافون على عيالهم الصغار ) بــــصــــراحــــة قــــلــــوبـــهــــم مــــيـــتــــه والله لو أنهم مثل بزارينا كل يوم طايحين ... حتى لو طاح أحد طمر كنه مادرى .. .. .. الله يكفينا شرها ( الله يهدي نسيم وابو حمد2011 ) يوم يوصونك اهم شيء عساك ما ذقتها بصراحة ذقتها ... قلت أبشوف تسوى من يجيبها أو ماتسوى ,, ولقيت طعمها مثل ورقة العبري عندنا .. أو مثل البسرة الخضراء .. .. .. أمير المنتدى كلمات الشكر والثناء تقف عاجزه وحائره في مقامك الكريم والغالي فكل طرح تضعه هو نجاح لنا بان يتواجد امير بهذا الفكر وهذا الطرح .

هلا والله بمديرنا العام ,,
دائماً حضورك مميز وله طعم خاص بهذه التعليقات الجميلة والقفشات الرائعة ....

اقتباس: المشاركة الأصلية كتبت بواسطة راعي الصفرا    كفوا والله يالمهند وعز الله العزيز انك مكسب للمنتدى ,والله يكثر من امثالك . راعي الصفرا

هلا بك أخوي أبونورة ... ومنور بهالطلة الميمونة ...
حلالاة من ينقل وظيفك على ذيك الديار ... ويخليك تعيش فيها ...

اقتباس: المشاركة الأصلية كتبت بواسطة ابوحمد2011    مهيب علينا يالمهند هالحركات وين الوصاه لايكون جازلك وهونت او تقاسمتها انت ومخاوي دور غير هالعلم... تصدق يا أبوحمد مخاوي تمير عطيتها ورقة عادية وقلت لاتأكلها إلا بيتكم ... يوم جاء العصر إلا خده منتفخ .. عاد يقول أن ضرسي وارم !! وجدت يوما ما رجل كبير في السن عمره تقريبا 80سنه يتسلق الجبال على رجليه وكله حيويه ونشاط بالعربي انشط مني ومنك يالمهند اعتادوا على هذي المشقات من حياتهم ويمكن لو يجون للرياض ماعاشو.. ماشاء الله عليهم ... الله لايلومهم ... يصبحون ويمسون على ذا الضلع الأمحق .. وبعدين شف وش أكلهم ... بر ... وسمن ... وعسل !! ماقالوا لاتمر ولاسنكرس ولاهمبرقر ولايعرف الشاورما !!! رحلة جميلة وتقرير كافي ووافي يعطيك العافية على الصور الخلابة والمناظر الجميلة.. ابا اسألك الشقق في فيفا هل هي متوفره ورخيصه...

بالنسبة للشقق في فيفا ... لوحاتها كثيرة ... والظاهر أن بعض الجماعة هناك يرقون للجبل ويستأجرونها علشان ذا النبته الله يعافينا وإياهم ...
وحنا استأجرناها أول الأمر ثلاث ساعات بخمسين ... ثم ممدنا لنصف يوم بخمسين أخرى .. ثم كملنا اليوم بخمسين ثالثة ... وش نسوي عجزنا نتعدى ذيك الهبايب الباردة والشرفة الزينة !!!

اقتباس: المشاركة الأصلية كتبت بواسطة الراقيه    [align=center] ماشاء الله تبارك الله تقرير كافي وتصوير واافي بصراحه استمتعنا برحلتك الله يعطيك الصحه والعافيه [/align]

التصوير الذي أخرج هنا ... كان من ثلاث كاميرات ... وتمت التنقية والتصفية على اللي خرج ...
الله يعافيك ومشكورة على المرور ..

اقتباس: المشاركة الأصلية كتبت بواسطة نسيم    ابوحمد ،انا شايف مخاوي تمير لغده (خده)وارم هلايام وانا احسبنه من ضرسه والله اني صحيح.اثره طايح في هالنعناع .ياخي مالكم حق . نسسسسسسسيم

شكلي أبلعب عليه وأعطيه حبق وأبقول هذا النوع الفاخر ... وأدلي أبيعه كل ماهذا شوي ...
الله يستر ييجي يوم تلقى خدود طايحه ...

تقرير راااائع يا المهند استمتعت به وماني معكم في هذه الرحله

كل الشكر لك والحمد لله على السلامه