رحلتي من تمير إلى قيال لصيد الحمام " بالصور"

أخوي المتحد
أولاً: شكراً لمرورك وجهودك في تعديل الموضوع.
ثانياً : الله يسلمك ويعافيك.
ثالثاً : بالنسبة للديسة فهي وادي جميل ويستاهل من يروح له لكن في الشتاء أقوى للمويه وهي تصب ولاتنسى تأخذ معك راوية عشان تعبيها من البزابيز. وأبشرك أشوفهم يشتغلون بيون يزفتونه إلى تبوك ويبي يختصر شيء واجد ويمكن يصير مسافته على ما سمعت حوالي 100 كم إلى تبوك.
ومعليش أبهيجك للروحة مع هالصور

لاحظ الجراكل وشلون نعبيها
يعني الله يعينك على تعبئة الراوية
لاحظ بزبوز ينبع من سفح الجبل
وهذا جبل الديسة الشامخ
إحدى الهجر الواقعة هناك
وهذي لقطة أخرى
ويالله لايردك إلاتبوك...

أخوي نجم تمير
شكراً لمرورك ودمت لنا بخير..

أخوي الشمالي
شكراً لك وأي معلومات عن ذيك الجهات أبشر بعزك..

أخوي فيراس
العفووووووووووو ...

أخوي الأبرق
شكراً لمرورك ومقناء ما تبعد إلا 1450 كم يعني شغل اليكن وتوجه لها , بصراحة الساحل الغربي الشمالي للملكة يستاهل من يعني له ويتمشى فيه أسبوع وعلى طاري الأمواج وش رأيك في هالموج




أخوي ملك روما
الله يسلمك وبصراحة هناك مثل شائع عند أهل الصيد يقول إن فاتك الحمام لاتفوتك مقناء والأشياء الرائعة فيها , وبالنسبة للتوقيت إنه كان جيد لكن تفاجأنا بالهواء حتى أنهم يقولون قبل الهواء نصيد على عشر وخمس طعش , ولو تأخرنا يوم أو يومين لحقنا رمضان يالله الغفران..
وبالنسبة للمصادرة عن طريق نقطة تفتيش مؤقتة من أمن الطرق غرب حائل تجاه العلا بـ50 كم تقريباً والسلاح مرخص لكن ترخيصه في المجمعة ما بعد طلع من شهر 12 عام 1426هـ ويقولون إذا طلع تصريحك تعال واستلم سلاحك , ومعليش الرسائل الخاصة ما بعد بلغنا النصاب من المشاركات ويالله التيسير...

أخوي مخاوي تمير
شكراً لك على عباراتك المشجعة والتي تجعلني دوماً معكم في منتدى أغلى الديار وانتظر المزيد من التقارير والإبداعات بإذن الله تعالى ...

أخوي عدنان
الدقه على البراد ووسعة الصدر اللهم من واحد يروح هناك عشان يتمشى وبلا هدف إلا التمشية يعني ألحن الحمدلله على الأقل صدنا عصفورين بحجر واحد وبالنسبة للسنة الجاية رمضان والناس صيام والمدرسين معطلين يعني اجتمعت الدعوة وإلا رحلة ع مهيب شينه ولابينا غطاء !!

مــــــــــــاشاء الله

تقرير متعوب علية ومشكور يالغالي

صور غاية في الروعة تثري الساحة البرية بالمفيد

بــــــــــــــــــارك الله فيك

اولا الحمد لله على السلامه ولا تعبتوا ..

ما شاء الله عليكم عز الله هذي الروحه ..

تقرير مفصل ومجهود رائع الله لا يهينك يالمهند ..

الله عليك يا المهند رحله رائعه وموفقه ما شاء الله تبارك الله
ولاكن اتوقع لم تتوفقوا في توقيت الرحله
لاكن اهم شي انك تشوف الجديد والغريب ....
والحمد لله هالسنه صيد الزميري في تمير تمام لا تتعدى تميريه وتصيد فوق العشر والعشرين يوميا ..

تحياتي

مشكوور أأخوي على الموضع المميز وياليت كان جابتنا معك القماري
ااوخوك ابوتركي

[align=center]حمدا" لله على سلامتكم ..أخي المهند ..واضح من خلال التقرير أنها كانت
رحلة ممتعة ..تقرير أكثر من رائع .[/align]

أخوي الضامي شكراً على مرورك وهذا أقل ما نقدمه لمنتدى أغلى الديار. ...

أخوي السنافي الله يسلمك من كل مكروه ومشكور لمرورك وودي أهدي لك هالصورة من داخل أحد البيوت في مدائن صالح

مشكور لمرورك أخوي نديم الشوق وبالنسبة للتوقيت اللي رحت فيه مبكر شوي لكن وش تسوي رمضان على الأبواب وللمعلومية أن أهل الصيد قبل ما يهب الهواء يعني قبل ما نجي بيومين تقريباً يصيدون من عشر إلى خمس طعش والمعنى على وسعة الصدر....وما شاء الله هالسنة الناس شبعت في تمير من هالقميري ... بالتوفيق أخوي نديم الشوق ....

أهلاً بك أبو تركي والحمدلله القميري جانا في هالديرة المبروكة..

الله يسلمك أخوي السفاح بالفعل كانت رحلة ممتعة اطلعنا فيها على معالم بلادي مثل جبل محجة الهائل ومدائن صالح والديسة وذات الأمواج الصاخبة مقناء وشعيب طيب اسم....

تقرير رائع وتوثيق أروع وموثق بالصور

بين أنكم أستمتعتوا بهذه الرحله من خلال هذا التقرير

مشكوور اخوي الغالي المهند على الموضوع الله يعافيك



تحياااتي,,