حسبي الله ونعم الوكيل .. تقطيع .. و اموال منهوبه

اقتباس: المشاركة الأصلية كتبت بواسطة جنتي قرءآني    الله يعينكم صصصراحه ششركه فااششله كلها نصب واحتيال بسس ماقوول الا حسسبي الله عليهم اذا كان هذاء التصرف ال عمد منهم : :(

الله يعين الجميع ؛؛

وهالشركة راح تصير مثل الجوال اول ما يجي منافس حقيقي الناس تبي تتركهم و تدور غيرهم ؛؛ بس متى يفكونا من الاحتكار ؛؛

و لا نقول الا ( حسبي الله عليهم )

سعدت بمروك وبارك الله فيك و لك و يسر امرك

تحياتي

اقتباس: المشاركة الأصلية كتبت بواسطة نسيم    كلامك سليم ياتوام الجود. الا قلي وش الفائدة من وجود شركات اتصالات منافسه للاتصالات السعودية؟اذا كانت الشركة المنافسة مقيدة بنفس التسعيره!!!!!!!!!!!!!!!!!مثل مبايلي. الى متى وشركة الاتصالات بهذه الاسعار رغم المكاسب الهائلة اللي حقوقها. الشي الاخر المواطن انا دايم اكرر واقول ان المواطن هو سبب كل شي .المواطن عندنا ماعنده وعي ،ماعنده وقفه مع نفسه ويسأل ليه دائما يركض وراء الدعايات .على سبيل المثال شركة زين عندما طرحت شهر لك وشهر علينا جينا نتسابق نشتري ارقام مالنا فيها لزوم ونعد انفسنا كاسبين. ياناس اي شي مانحتاجه او ماهو من اختصاصنا لانقربه لانصير صيد سهل للتجار او ارض خصبه كل زارع يحرثها ويستغلها وينهبها .ليش مانطبق خذ كفايتك او ماتحتاجه لكن من نسمع كلمة عرض او خصم نجي نشتري اشياء مالنا فيها لزوم!!!!!!!! مثل محل للاواني المنزليه يبي يعزل عمل دعاية وقال يا يامواطن انا ابعزل ورطان بالمطابخ والملاعق تعالوا شيلوها عن وجهي فكونا منها ابي العافية .وش سوى راعي المحل عشان يشوقهم كتب اليوم الفلاني الساعة الفلانية تراي اببيع بخصم 30%وهم يجونك الربع طايرين بكم المطبخيه قال هذي 62ريال ومنول 72ريال وهو يجيك خام المطابخ ام حلق اللي ماعاد تستخدم والافران الجديدة ماتشيلها وهو يشري 10حبات والمواطنين الاخرين مثله .وش النتيجه قعدت عنده وضيقت عليه بيته واخرتها حطها للدجاج ومعالف غنم والباقي في الزباله . المفروض اللي مالك فيه لزوم حتى لو انه منطول في الشارع لاتقربه ولاتجيه ياخوي. تسلم على الموضوع ياتوام الجود

في كلامك حكمه كبيرة ؛؛

نسيم ؛؛

اتفق معك اننا معطينهم انفسنا ؛ بس وش نسوي ما عندنا غيرهم ولو فيه غيرهم كان شتناهم ( مثل الكورة ام 15 ) ؛

و انا ما خذت شي زود ؛ كل اللي اقوله ليش هم موافقين على 1 ميقا ؛؛ و اخرتها طلع الكيبل ما يتحمل اكثر من 300 كيلو ؛؛ يعني ( نصب و اكل مال بطريقة مهيب حلال .. مانبي نقول حرااااام ) ؛

وبخصوص اللي يشترون زود هذولا مخطين ؛؛ مرة

بس تراهم ارحم من اللي حارم نفسه ملذات الحياة >>>>> ههههههه نوع من المبالغة لا يطمر علينا واحد مبنشر و يزعجنا ؛؛

يعني فيه ناس مشتهي يشتري تلفزيون سبعة و اربعين بوصه شاشة ال سي دي و متحسف لان عنده تلفزيون 19 بوصه من الدقه القديمة ؛؛ هذا يعتبر محروم خصوصا ان كان معه دريهمات

وشف ؛ كل ما مريت يا نسيم من عند محل فيه شي يعجبك ( اشتره و ماعليك ) ترى منتب لحالك اللي يبي يعدل شغل الشركات ( فلها مع الناس و وسع صدرك ) و كلما لعب عليك احد مثل الاتصالات هلحين ؛؛ عليك بالدعاء فالله سبحانه و تعالى شرع الدعاء للمظلوم ؛ و انت وش خسر ؛؛ خلك مظلوم من الشركات دايم و لا تصير ظالم لنفسك ؛؛

تحياتي

اقتباس: المشاركة الأصلية كتبت بواسطة عصي الدمع    السلام عليكم .. منذ مبطي و انا اقول .. لايمكن تزيد سرعة الاتصال عن 250 - 516 الا بعد تغييير الكيابل .. مهما اغرونا الاتصالات لايمكن تزيد الا مع كيابل جديده .. و الاتصالات بجميع شركاتها .. تستغل .. المواطن لك عليه .. و كلمة .. نسيم .. المواطن هو سبب كل شي .. هذي هي الحقيقه اللي ما بعد عرفناها .. في كل شي .. تلاقي واحدنا .. عنده .. دي اس ال .. كونكت .. برودباند .. الخ الخ الخ .. وشوله ؟؟ .. وش عندنا ؟؟ .. حتى استخدامنا للنت موب مثل العالم .. يا رجال مالنا سنع .. الحكومة صبورة علينا

عندي ثلاث كونكتات ؛؛ و دي اس ال ؛؛ و لو ينفع عندنا برودباند كان تلاقيه مركب في سطح البيت كوده يلقط من الفضائيات ؛ مير وش نسوي احنا اهل المدن الصغيرة ؛ مهوب مثلكم في الرياض ( حتى علا عنده تيربو )

والحكومة و الله انها صبورة على المواطنين و التجار ؛ و اللي انت خابر ؛؛

وانا صامل كان تبي نترك النت جميع ؛ تراني قدام .. زود اني مقصر منه ؛؛

تحياتي

اقتباس: المشاركة الأصلية كتبت بواسطة نسيم    عصي الدمع...حبيبي لاذكرت انه حبيبي ،،،،،،،،،اكمل. الحقيقة ياعصي الدمع ان المواطن يساعد التجار في الابداع من ناحية الاستغلال يجي التاجر يفتح كباري فينا مثل اخوك نسيم عنده دي سي ال وشاري كنكت مبايلي تكتب كذا مبايلي والا موبايلي .وشو له شاريها بـ300ويدفع كل شهر 100علمني ؟ مثل الشاشات الكبار اللي في قناة العربية نروح نشتري مثلها وننطل تلفزيوناتنا .طيب الاجهز ايسر وتوشيبا ودل وش فرقهن كلها تفتح المنتدى .

اصبر ؛؛

لا تقول وش الفرق ؟؟

ايسر ما اخذه لو بريال ؛؛

توشيبا و دل زينات ؛؛

والتلفزيونات ان كان لقيت غير سوني فلا تناظر فيه الا برامج علي الطنطاوي ( حيث انك ما تحتاج الا تسمع الصوت ) ؛؛ لان ماغير سوني الا الدجه ؛؛

وبعدين المواطن مسكين عطوه احد يقدر يشتكي عنده ثم حاسبوه ؛؛ هاللي ملعوب عليهم وين يروحون ؟

اقتباس: المشاركة الأصلية كتبت بواسطة عصي الدمع    .. دريت اني حظيظ .. و زان بالي .. على شانه تهاونت المعاصب اذوق المر لاجل رضاه حالي .. جعل .. ابونوره .. في الجنه .. و كل من يسمع له و يقرا .. .. خلها على ربك .. كلنا على نفس الموال .. مدري وش نتسابق عليه ؟ النت هو هو .. بكونكت ولا دي اس ال .. في توشيبا ولا ايسر و لاسوني .. انا عندي علة غير .. الطيب ( العطر ) .. يكفي غرشة وحده لين تخلص .. ان بغت عقب يوم او شهر او سنه .. لكني ما اعرف .. ما يهنا لي انام .. و باقي في حسابي دراهم .. المواطن يحتاج لتوعية في امور كثيره .. النظام .. التدبير .. الالتزام .. القوانين .. الاحترام .. التعامل .. حتى النظافة

لا والله يا عصي الدمع ؛؛ اشتر طيب

نسيم لا تخرب علينا الرجال ؛؛ خله يتطيب

اعرف لك ناس تسمع بالطيب ؛ و لا تشمه ؛؛

عصي اشتر اطياب و كونكتات و لا عليك من نسيم هذا ناوي يخربك

والسطر الاخير .. المفروض هذا اللي يدرسونه للطلاب في المدارس مهوب هالكتب القديمة و المناهج الكلامية

اقتباس: المشاركة الأصلية كتبت بواسطة نسيم    لاوهنيك داله ياسعود،،،،تمشي وقلبك دايم سالي. الان تشوف كثير من الناس ملي (الدراهم واجد)وحالته صعبه جداً !!! مدري ليه؟ودايم كلمة وش تبيبه على السنتهم وكلمة وشو له . وناس تشوف حالتهم ومظاهرهم وروحاتهم وسعة صدروهم اكبر من الرياض تقول يملكون بنوك وهم مديونين بقروض وتقاسيط سيارات . والله ياعصي الدمع مذكر يوم من الايام بغيت شي ورديت نفسي عنه حتى لو بغيت اردع نفسي مقدر معد ارقد الليل لين اجيبه .. قال ايش قال اجمع لعيالك!! ياخوي نفسي وسعة صدري الزم علي منهم. اصلا المجتمع الحالي للاسف غير قابل للتجديد ماعنده استقبال يرسل فقط.

مدري عنكم يا نسيم ؛؛ اول سطرين انت و عصي الدمع احس انها دايم ماتصير في نفس الموضوع ( مسوين دويتو ) ؛؛

ايه هذا نسيم اللي نبيه ؛ وسع صدرك و ماعليك ؛؛

بس ارجع و اقول ( الاتصالات لعبو فينا )

تحياتي

اقتباس: المشاركة الأصلية كتبت بواسطة النادر    شركة اختلاس من الدرجه الاولى ناس ماتخاف الله بس تصيحون ولا ماتصيحون مادرى عنكم احد والدراهم مسدده مسدده مافيه فكه والله يجيب (شركة عذيب) سمعنا عنها ولا شفناها

عذيب ؟

وش عذيب ؟

اقرب مالها شركة مياة !!

وعلى قولتك يالنادر ؛؛ نسمع فيها و لا شفناها ؛؛ و العالم الله وش هي؟

الشكوى لله وانا اخوك مالنا الا الصبر كود الله يفرجها انشاء الله
ويتقبل الله دعاء المسلمين عليهم

شركة الانفصالات السروقيه
هذا هو المسمى الحقيقي

شركة حرامية من الطراز الرفيع
انا مشترك بخدمة الدي سي إل ياناس ٢٤ ساعة مفصولة الخدمة
وآخر الشهر خذ فواتير والمشكلة حتى اذا بغيت تنهي اشتراكك معهم ماتقدر الا بعد طلعت الروح
مدراء هذه الشركة عبارة عن مجموعة من اللصوص بمعنى "عصابة" تخطط الليل والنهار عن أكبر مكاسب سوا بالحلال أم بالحرام
توأم الجود
شكرآ لك

تعبنا .. من الشكوى ! نت يقطع .. واذا اشتغل ليته على سنع
ومايقهرني الاشيء واحد .. انه كل سنه نقرأ ونشوف مثل موضوعك !
مدري متى بيعطينا أحد وجه .. او متى بـ ( نتطور تقنياً )!؟ ,
عن نفسي ( قلت ) بريح عمري وطقيت لي موبايلي كونكت
صحيح ان مبيلي ! مايعطونك السرعه كامله الا الفجر
بس ولو .. جزاهم الله خير .. فكونا من انقطاع النت =)