المهند في ::رغوة:مزاين شمر:زهوة:كهف العقرب:النفود الكبير:عذفاء:الدومة وأبو عبدالكريم:طريف:مسيج الغرابة::سيول الصمان::10/5/1434هـ

رُبّ صُدفة خير من الف ميعاد !
سبحان الله الصدف حلوة ،ووقعها في النفس طيب،شف كيف اجتمعتم في الصحراء!!!

وبالمصادفة .. وجدنا شباب من شباب تمير .. حيث شربنا شاي العصر سويا ..




** تحية لقروب دورية السبت ..

وش هاللقافة له !!بير مغطينه اهله وتجون تفتحونه ؟لو طاح فيه احد ؟والا جاء واحد يشكيكم وانتم رايحين توسعون صدوركم !
يجي انسان فارغ ماله شغل الا الشكاوي والمشاكل!

ماشاء الله عليه رحله رائع جداً
يعطيك العاافيه ماقصرة
وتحيااااتي لك

اقتباس: المشاركة الأصلية كتبت بواسطة كلاش تمير    ماشاء الله تبارك الله بيض الله وجهك أنت وربعك النشاما على الرحلة الموفقة تقرير جميل وسرد شامل ومعلومات جديدة حمد لله على سلامتكم وموفقين

حياااك ربي اخوي كلاش تمير .. والله يسلمك ويعافيك ..

والله يجزاك خير على حضورك المستمر ..

هذا رابط للموضوع في منتدى مكشات لمن يعاني من صعوبة التصفح هنا ..

http://www.mekshat.com/vb/showthread.php?t=572013

اقتباس: المشاركة الأصلية كتبت بواسطة ابو مشعل    الحمدلله على السلامه يالمهند وتقرير مميز ورحله ممتعه ابدعت بكل لقطاتك وتسلم يمينك

الله يسلمك ويعافيك أخوي أبو مشعل ..

شاكر لك هذا الحضور الجميل ..

اقتباس: المشاركة الأصلية كتبت بواسطة الراقيه    ماشآء الله تبآرك الله كعآدتك مبدع في عرض الصور و سرد المعلومآت والتعليق على كل صوره تقرير متعوب عليه عآشت آلآيآدي ماشاء الله طبيعه ترد الروح ماخلص ربيعهم ! ماشاء الله اشتقنا للسيل الله يجيبه لنآ كيف طريقتكم بالرحله هل لها تخطيط مسبق بوقت طويل والاسماء هذي بعضها غريب ( رغوة:مزاين شمر:زهوة:كهف العقرب:النفود الكبير:عذفاء ) عندكم خلفيها عنها او بالصدفه مريتوآ من عندهآ ! سؤآل في بالي من فتره .. ويعطيك العآفيه كفيت ووفيت والحمدلله على سلآمة العوده ..

الله يسلمك ويعافيك أختي الراقية ..

بخصوص الربيع .. فلا زال يعيش في أجمل أيامه هناك .. لا سيما أنها أرض ممطورة ومحمية ..

والله كريم وتسيل أراضينا ومزارعنا ..

أما بخصوص التخطيط .. فكل يوم يستجد جديد .. أما المقدمة فكانت بالفعل نحو رغوة وزهوة .. أما مزاين شمر وكهف العقرب السوداء فهي مستجدات مع الحدث .. والبحث عن ما في المنطقة اللي نجيها ..

شاكر لك حضورك وتعليقك ..

اقتباس: المشاركة الأصلية كتبت بواسطة النادر    ماشاء الله عليك يالمهند وش اقول ووش اخلي موضوع جدا رائع ووافي والصور والتعليق عليها يدخلك بجو الرحله . حفظك الله اينما كنت

حيااك الله أخوي أبو عثمان ..

تراي عطيتك الوصف ..عساك رحت لها ..

أو هالتقرير يغني عن الروحة ..

بارك الله فيك على دعواتك ..

اقتباس: المشاركة الأصلية كتبت بواسطة الكاريبي    رُبّ صُدفة خير من الف ميعاد ! سبحان الله الصدف حلوة ،ووقعها في النفس طيب،شف كيف اجتمعتم في الصحراء!!! وبالمصادفة .. وجدنا شباب من شباب تمير .. حيث شربنا شاي العصر سويا .. ** تحية لقروب دورية السبت ..

هههه

ظاهرة غريبة وعجيبة .. مدري هي فينا بس يا أهل تمير ..

تلقاك تشوف الواحد في الديرة .. ويمكن تسلم عليه ويمكن لا ..

أما لو تشوفه برى ديرتك مثلاً في مكة أو أبها كنك تعرفه من سنين ..

وش لون لو شفنا بعض في عمق الصحراء ..

اقتباس: المشاركة الأصلية كتبت بواسطة الكاريبي    وش هاللقافة له !!بير مغطينه اهله وتجون تفتحونه ؟لو طاح فيه احد ؟والا جاء واحد يشكيكم وانتم رايحين توسعون صدوركم ! يجي انسان فارغ ماله شغل الا الشكاوي والمشاكل!

لا معليك الأمور سهالات ..

وهو ما غطي كذا إلا أنه يفتح .. وإلا لوهم ما يبون أحد يطلطل فيه كان باللحام صكوه ..

اقتباس: المشاركة الأصلية كتبت بواسطة ابوخليــــل    ماشاء الله عليه رحله رائع جداً يعطيك العاافيه ماقصرة وتحيااااتي لك

الله يعافيك يا أبو خليل ..

ولاهنت ..