نسائم نسيم

يروح كل الليل وهو يصوت يافلان ويافلانه!!!!!!!!!
تعوذوا من الشيطان وارقدوا لعل الله يفرج لكم ويفرج لنا بعد!!!!!!!!!!

عصي الدمع يقول (ابد)يعني مافيه حل .
الشكوى لله ،نبيها طبه وصارت طيحه!!!!!!!!!!

هذي قلوب لايمكن تشتريها بالفلوس!او تسوي وسايط،او يمكن او لعل وعسى،
القلب مهبول الى منه عصى والا هوا ماترده ولا بمشاعيب.
قال ايش ،قال حاول !!!
وبعدين وش يحدك تلاحق شي ماهوب لك،؟ ولاهوب حاصل لك؟
ناس طبعها غريب!!!
والمشكلة يجي ناس بس كذا شفاحة !
وين حنا فيه؟في سوق غنم تسعر وتسوم؟وتناظر!
لو كل واحد مشى في طريقه ولا عليه من احد كان نعيش حياة سعيدة.
يعني في يدينا نعيش ،صح بس مانخلي هالطبايع.
الان فيه مواضيع مالنا فيها هواية ،مانعرف نتعامل معها نتركها للي يعرفونها ويحبونها،
مثل التصوير ،مثل الصوتيات مثل كثير !نتركها للي يرغبونها عشان مانخربهاعليهم ،لان خراب المشاريع والتجارة وامثلة كثيرة والاسهم من دخول ناس ليسوا بأهل لها،يجب على الواحد ان يحدد هدفه ورغبته وهوايته ويطورها ويبدع فيها،لكن تبي تصير كل شي تعرف له !مشكلة.
افرض فرض انك حاولت ولا نجحت رح مثل ماجيت لاتخرب ولاتعبث.
والشي الاخر لاتجي مندفع تركد وشف ،وحاول محاولة بسيطة جدا ان شفت انك يعني فيه بداية تحرك المؤشر الداخلي عندك لازم ينبهك ويحسسك اما ببداية موفقه والا فاشلة،لان كل انسان صاحي وواعي عنده مؤشرات مثل الحساسات داخلية هذا بالنسبة للانسان اللي عنده ضمير حي يشعر بها، لكن اللي ضميره نائم ماله عندي حكم.

فرض ان جاك واحد وقال وش تبي ؟العلم؟انا مابيك ممكن توخر عني ابروح لبيتنا؟
تجي تمسك بجيبه وتقول ليه تروح؟
ياخي يبي يروح مل من مقابلك ،خلاص يبي يروح، قل شف الدرب قدامك والله يسهل طريقك.
الدنيا ماهيب على الكيف، يوم صافيه، ويوم متكدره!
من عاش يفكر في الناس ويهوجس بفلان وين راح وفلان وش قال عز الله ماهوب في عيشة راضية!
احسن الناس من ريح ضميره
،،،،،لويشوف العجايب ملتفت

والى لقاءات وحلقات قادمة ومتجددة بأذن الله تعالى.وندعو الله العلي القدير ان يكتب لنا ولكم الاجر .

والسلام عليكم ورحمة الله وبركاته

محدثكم نسيم

نبدء بهذه الابيات حكمة للشاعر سليمان بن شريم رحمه الله

وان كان عدوانك على الضيق حدوك
،،،،،،،فاخصم طلابتهم بعجفاك وقداك

وان كان هم لمشرف الحق ما شوك
،،،،،،،،،،ناظر مطاليع الفرج قبل مبداك

واحلم على الجاهل ترى الحلم مبروك
،،،،،،وقم للضعيف اللي من الضيم ينخاك

وادمح خطا جيران بيتك الى اوذوك
،،،،،،،،ترى القصير وحرمة الجار بحماك

وقم للضيوف اللي لفولك وضافوك
،،،،،،،،،،،،اغلا كرامتهم حجاجك وبشراك

فاصل بسيط:

مشتاق للي عذب القلب.. واشقاه

،،،،،،،،،،،،،،،،،،،،،،،،،،،،،،،،الصاحب اللي! لا جرحني يداوي..

مدري احبه؟ مدري القلب.. يهواه
،،،،،،،،،،،،،،،،،،،،،،،،،،،،،،،،،بس الاكيد انه.. عيوني.. يساوي

مشتاق للي عذب القلب.. واشقاه


،،،،،،،،،،،،،،،،،،،،،،،،،،،،،،،،الصاحب اللي! لا جرحني يداوي..




مدري احبه؟ مدري القلب.. يهواه
،،،،،،،،،،،،،،،،،،،،،،،،،،،،،،،،،بس الاكيد انه.. عيوني.. يساوي
صح لساااان من قال وردد

مبدع خيووو نسيم في الأختيار

تو ،كني لمحت برق لاح!!!!!!!!!
اوريح النفل والخزاما،فتحت عيني من عقب غشاوة!
وينها جعل البيض فدوة لها؟