نسائم نسيم

الايام سريعة،لكن علىالمنتظر لا والف لا.
من يعد الايام لاتتحرك ،
الاجازة اسمها مبعدة الاحباب ،ومفرقة الاوطان.

الشمس كنها،كاسفة من امس!!!!
وش العلم؟

وحسرتي ياخوي كان اهلهم شدوا،،،،،وراحت مواترهم بهم ،،،،

يازين راح الوقت وانا ترجاك ،،،،،،واعد ساعات مضت بالدقيقة

مالي بغيرك شف لو هو يبينا
،،،،،،،،،،،،،،،من عادتي في الحب ما احب انا اثنين

والله لو طال الجفا مانسينا
،،،،،،،،،،،،،،،،،،،،،انا على رجواك ياكامل الزين

يجب ان يكون الانسان ثابت وعنده مبدء وقيم مايتخلى عنها ابد.
بعض الناس الان يتكلم معك ويضحك ،وذا راح يم ربعه اللي هو خابرهم قال لعبت عليه!!!!!!
شي مضحك!
وشلون تلعب عليه؟
تجيه مسير وتوسع صدرك وتنبسط معه ياحقير وبعدين تقول لعبت عليه!هذا قليل تربية ماتربى.
ليه يقول الكلام هذا لانه مفلس ماعنده شي يقدمه لذا تجده ضايع كل يوم عند واحد !بس تراه غير محترم احذروا منه!!!!
اي شخص يجي ويقول الكلام هذا عندكم احذروا منه!!الحذر واجب.
هذا النوع اسمه او يطلق عليه لئيم ،وحقير.

ابيات قديمة وجميلة وتعتبر سامريه


مريت بيت للمحبين مقفول"
................................. وجابتني القــدره على حــد بابــه..
ونشدت جيرانه عسى البيت منزول؟؟
................................. قالو : حبيبك راح لا واسفابـه!!
وله مدة بالسوق ما شيف له زول..
................................. وبابه عليــه مــن السوافي ترابــه"
وهلت دموع العين والقلب مشغول
................................. وعند الفراق اللي حصل في غيابه
واقفيت واللي بين الاضلاع مجهوول؟؟؟
................................. حـــــب درسته غيب ماهو كتابـه...

ماهمنا هرج الضعوف الملاقيف
،،،،،،،،،،،،،،،،،،،،،،،لو شذب هراج .. القفا ماشذبنا

طب الجهل عند الرجال العواريف
،،،،،،،،،،،،،،،،،،،،،،،،،،،،ولولا العوارف والمعرفه نشبنا

ويلي معاملكم .. على الكذب والزيف
،،،،،،،،،،،،،،،،،،،،،،،،،،،،والى نشدناكم تقولون !! تبنا

تبا ًً لكم والي يعاملكم ضعيف
،،،،،،،،،،،،،،،،،،،،،،،،من دونكم ’’ عشنا وشفنا طربنا

ابيات رائعة قمة وحكمة وكُل الزين فيها

يا بحر غدرك واضح بضحك الأمواج

ويضيق الخاطر دمـوع التماسيـح

قاعك حبيس الصمت والموج هراج

في الغبه كنوزك وعنـدي مفاتيـح

شفني على شاطيك في يدي سـراج

والليل قمرا غير انا آقـوم وآطيـح

أخاف يكشف سري الموج لا هـاج

مفروض تفهم حالتـي دون تلميـح

مافيه هـم إلا وسـط خافقـي لاج

ومافيه حـزن إلا بكتـه التباريـح

ما يبرح الخفـاق والظلـع منعـاج

والأورده لأثقل همومـي مراجيـح

تبرق صدوف الدهر والدمع ثجـاج

والحظ ينبت يـوم وتهبـه الريـح

يا بحر نا جيتك ولو طعتنـي نـاج

ناج السواحل وأسأل الورد والشيـح

يا بحر مافي الأرض لـول وديبـاج

ولا سقى الضامي مزون مراويـح

يا بحر جلت الأرض وآدور عـلاج

والحال متردي ومحتـاج تصحيـح

لعل في غبتـك مالضيقـه أفـراج

وأصبر على موجك ولو فيه تجريح

يا بحر شحت الأرض ويمن هـداج

وأنا عزيز ما أبـي منـة شحيـح

وقفت كريم فزع لي قبل ما أحتـاج

ولا بخيل ما فزع لي وانـا آصيـح

كنت ناوي اكتم الجرح ودروبي طوال
،،،،،،،،،،،،،،،مير جرحي ضيق الكون كله بأوسعه

كل ماقلت( اتناساه) يطريلي مقـــــال
،،،،،،،،،،،،كل شخص يروح راضي رضاه يرجعه