.•|[ وإنّ ضآق صدّري من هُمومي ~» تَنْفسّتِ ]|•

اقتباس: المشاركة الأصلية كتبت بواسطة الكاريبي    الانسان اخي النادر عندما يكبر يصبح ملول يمل بسرعه،لو تطول معه في الحديث يمل منك بسرعه ويعمل حركات توضح لك انه يقول خلاص يكفي انا مالي نفس كفا!!! معد يملك القدرة على الاستماع والاخذ والرد وهذا شي طبيعي في الانسان وانت وانا مثلهم .

لو تجلس معي هنا الى بكره عادي احب النقد خصوصا اذا جاك من شخص تجله وتقدره
وتعرف ان مداخلاته رائعه ومميزه ولها اهداف ساميه وانا على فكره احب هالمواضيع
الي تخليني انفس عما بداخلي من تعب سابق

اقتباس: المشاركة الأصلية كتبت بواسطة النادر    سعيد بتواجدك يالكاريبي وبمداخلاتك وياهلا ومسهلا بك وبالجميع

يعني خلاص اسكت ؟
هذا اللي فهمته منك انك مليت ؟
وين تونا ؟وعلى طول ياهلا ومرحبا،وين وين ؟

شدعوه ارحب بك وبالموجودين تبي الصدق اول مره اسهر
الى الساعه واحده ونص بكره ورانا دوام ومشوار خط
يعني يالله الواحد يريح له ساعتين قبل السحور

اقتباس: المشاركة الأصلية كتبت بواسطة النادر    لو تجلس معي هنا الى بكره عادي احب النقد خصوصا اذا جاك من شخص تجله وتقدره وتعرف ان مداخلاته رائعه ومميزه ولها اهداف ساميه وانا على فكره احب هالمواضيع الي تخليني انفس عما بداخلي من تعب سابق

شي طيب والله ونبي نجرب معك !
لان النقاش في الموضوع هذا يفتح لنا طرق واسعه ،ويعطينا جو ماكنا نتوقعه ،ونستمر مع النادر وامانيه التي كان يتمناها وهو لو علم ان النت بهذه الطريقة لم اقدم عليه!مش كلامك هذا؟
نبي نعرف ليه؟هل بلعت موس لايهضم ولا يلفظ؟

اصعب شي في الحياه ان تشوف الخطاء وتقول صح
وانا عايشت اشخاص من خلال هذا المنتدى
صدمت منهم كثيرا وتعرضت للاساءه والمنتدى ايضا تعرض للكثير من التخريب
لكن بفضل لله لم تؤثر في هذه الصدمات وقاومت بقوة ووصلت بالمنتدى الى ماوصل الان
وما انسب الفضل لي فقط بل فيه اشخاص لهم الفضل بعد الله
لما وصل له المنتدى وما بي اذكر اسماء اخاف انسى منهم احد

مساء الخير النادر

انت الان حطيت الكلام مُخصص !
وانا اعمم لمن طال به المُقام والا انت ماشاء الله عليك روحك شابه ومتجدد لكن فيك ملل تمل بسرعة ،وبانت الشيخوخة فيك انت والربع الباقين!!!
لا تُكابر وتقول انا، وانا ،وانا ،انت كبرت تقعد تبرر عن ايش؟

اقتباس: المشاركة الأصلية كتبت بواسطة الكاريبي    مساء الخير النادر انت الان حطيت الكلام مُخصص ! وانا اعمم لمن طال به المُقام والا انت ماشاء الله عليك روحك شابه ومتجدد لكن فيك ملل تمل بسرعة ،وبانت الشيخوخة فيك انت والربع الباقين!!! لا تُكابر وتقول انا، وانا ،وانا ،انت كبرت تقعد تبرر عن ايش؟

اكذب اذا قلت ما مليت كل شخص يمل اذا طال به المقام
لكن بصدقك القول الاداره الي انا معها مترابطه ترابط
عجيب وقوي جدا وتجبرك على الاستمرار
وهناك اكثر من مره يتم تقديم اعتذارات من
الاخوان ونرفض لاننا نعلم ان لديهم ما يقدمونه وقد
يشعر الشخص احيانا بالقصور في تقديم العمل وهالحاله
تمر على جميع من يعمل وله موقع خاص بالمنتدى
ولكن ما يخفف علينا هذه الضغوط او التعب هو وما وصل
له هذا المنتدى من قوة ومكانه نفخر بها بين اهالي المنطقه

يازين وقت فات ماهوب هالحين***يوم النوايا كلــــهن صافيــــــــاتي
و الحقد ما يوجد و دايم سعيـــدين*** ونفوسنا سمحـــــــــة وسكر نباتي
و بيوتنا ونســــه و لا به شياطين*** ما يدخله صورة ولا منكـــــــــراتي
و يطرد ظلام الليل عنا سراجيــن*** و أحيان يقضــــــي قازهن طافياتي
مشروبنا صافي من الزير ولبيــن*** ماهوب مستـــــورد سريع الفواتي
ما صـنعوه الغرب يا فالهم شيــــن*** مابه مواد الحفــــظ و مسرطناتي
وعشينا مرقوق بين العشـــــاوين*** تحطه أمي قبل وقت الصـــــــلاتي
لقمة هنيـــــــــه طيبه طعمها زين*** تحوفها بيدينــــــــــــها الطاهراتي
ثمن ننام إلى قضينا مصليـــــــــن*** بعد العشاء كلن يريد المبـــــــــاتي
و أمي تنومنا بزين السباحيــــــن*** سوالفن من عندها طيبــــــــــــاتي
ننام من بدري ونصحى نشيطيـــن*** بعد الشروق أشغالنــــــا جاهزاتي
ما به كسل لأشغالنا مستـــــــعدين*** ما عندنا سايق و لا خادمـــــــاتي
نلبس بيوم العيد ثوب السباهين*** و أم تحنينا نمــــــــــــاري البناتي
مقيالنا بمجببن بين بابيــــــــــــــن*** فيه الهواء يطرق جمـــيع الجهاتي
نشب نارن بالشتاء و متدفيــــــــن*** ما فيه دفايات و مكيفـــــــــــــــاتي
يجي المطر و ثيابنا تنتــلي طـــين*** و نلعب جميع عيــــــالنا و البناتي
يصب مثعبنا ونملى المواعيـــــــن*** يا حلو ذاك المـــاء و ذيك الحياتي
ماهي حياة الحين ياشين هالحـــين***كله غثاء وهمـــــــــــومنا كاثراتي
كلش يجي لك لو بكلمه تناديــــــن*** كلش توفر بس مابه حـــــــ،،ــلاتي
صلاة ربي عد ما ترفع يديـــــــــن*** على محمد صاحب المعجــــــزاتي

سيف الله المسلول خالد بن الوليد رضي الله عنه وعن الصحابة أجمعين

إذا أمسك المصحف أمسكه باكياً ويقول شغلنا عنك الجهاد ... ما أجمله من عذر

أما الآن شغلنا عنك الجهاز
والفرق حرف ....

حاول أن تتذكر الذين ساعدوك في أيام محنتك والذين مدوا لك أيديهم وأنت تتعثر
والذين وقفوا معك عندما أدارت لك الدنيا ظهرها .. والذين أخرجوك من وحدتك
يوم تخلى عنك بعض من حولك لا تقل إنك شكرتهم ورددت لهم الجميل
اشكرهم مرة أخرى ، ورد لهم الجميل كلما استطعت . قال عليه الصلاة والسلام
" من لا يشكر الناس لا يشكر الله " وقال عليه الصلاة والسلام : من صنع إليكم معروفا فكافئوه
فإن لم تجدوا ما تكافئونه فادعوا له حتى تروا أنكم قد كافأتموه "