نسائم نسيم

يابورموش سواد مثل الظلام،،،،،،،،،صفين مافوق العيون الوساع

وجعود هلت واصله للحزام ،،،،،،،، كالليل الاسود من طلع فيه ضاع

والخشم شبهته بحد الحسام ،،،،،،،، سيف الزناتي بوهلال الشجاع

ترى بعض الانتظار ،والتحري ،وعد الايام،وكثر الصدود، له عواقب وخيمة!!!!!!!!!!!!!!!!!!!!عليك انت ايها الغبي!!!مهما كنت سوف تسقط،،اسهم سابك انهارت !!!!!
الناس تسج وتسلي ،مافيه احد وقفته عليه الحياة وتعطلت ابد.مجتمع فيه حركه وفيه ناس ،ووجيه جديدة ،وفيه مبدعين ،لكن كل الامور هذي تعتمد على تكاملك الاجتماعي .
وللاسف الشديد الوضع هنا غير اقولها بكل صراحة،مجتمع معطل الفكر والنظرة قاصرة ،واقسم بالله ان نظر الواحد لا يتعدى اصبع قدمه ،ليه انتم كذا؟
وكل واحد عند نفسه وين؟؟؟مايشوف من السماء كبر العباة!!!وهو عمره لايتعدى عشر مشاركات وكلها في (ياحسين،،،ياحسين)يعني جاي يهرج ويطبل.
ياغبي تحرر من القيود اللي وضعت على رقبتك.

بعض الاحيان تجي الواحد قفلة ،وصكة معد يطيق نفسه.
وتجي الطقه في راس اول واحد يمر من عنده .
وشو منه؟؟؟؟؟؟؟؟؟؟؟
وبعض الناس ميت قلبه فاتح اثمه ،فارغ يمشي ويومي بيده يسلم ،ياخوي رح والله مانيب يمك،الناس مقصرين من اهلهم وهذا يسلم!!!!!!!!!!!
تخيل العصر وتوك قايم من النوم وراسك يوجعك والجو مثل الان حر وذا طلعت من باب بيتك لينه واقف يبي يقلط!!!!!!!
العلم ؟مسير !!!!!!!!!!!!!!!!!وش يبي هذا؟
عصر وحر وانت طالع مغصوب تبي تجيب لزوم لهلك لان عندها حريم مسيرات ،وحالتك حالة!!!!!!!!!
بالله وش تسوي؟؟؟؟؟؟؟؟؟؟؟؟؟؟
قلت هلا اخوي ،قال جيت اسلم ومبطي عنك!!!!!!!قلت ليه وانا حدا والديك؟؟؟؟؟؟؟؟تجي تسلم ،،،ياخوي ماهوب وقته والله .تعال عقب المغرب عقب العشاء ،تعال اخر الليل مار هالحزة صراحة مالها داعي.
والله حرام عليك ،،
ليتني ماعرفته والله.تبون الصحيح كثر المعرفة والدخله مع الناس وقسم مافيها خير ابد.يعني لاتنبسط ان نك تعرف فلان وفلان منتب محصل خير ابد.

نهايتك يوم تتندم^^^وتتاسف على الماضي
وتجي لي تتالم^^^وتلاقي القلب مش فاضي
ياغالي رووح وانساني

لاسلى خاطر ولا دنيا صفت
،،،،،،،،،،،،،،،،،،،،، كل ماضاقت تمنيت الررررحيل

هذا الى من قال يامن شرى له من حلاله عله ،بغيناها سعة صدر وطرب وصارت هم عسى الله يزيله.

ان شكينا بكينا وافضحتنا الدموع
،،،،،،،،،،،،،،،،،، وان سكتنا علينا طال ليل العذاب
آه من لوعة الفرقا وخل قطوع
،،،،،،،،،،،،،،، من عرفته وحنا في خصام وعتاب

اقبل الليل ياعيني وطال السهر
,,,,,,,,,,,,,,,,,,,,,,,,عزتي للمولع لغشاة الظلام

على قدر ما تعطيني اعطيك
،،،،،،،،،،،،،،،،،على قدر ما ضحيت اضحي
رجيتك وخيبت الرجاء فيك
،،،،،،،،،،،،،،،،،،،أبي راحتك وتريـد ذبحـي
وخلك مع الايـام ترميـك
،،،،،،،،،،،،،،،،،،على كل جانب لين تصحي
ولا أنته بكفؤ للي يصافيك
،،،،،،،،،،،،،،،،نصحتك ولا طاوعت نصحي

الظاهر ان حنا خلصنا ياقرة العين ،وكلن عسى الله يسهل طريقه .وهذا حال الدنيا الى متى؟؟؟؟؟؟؟؟؟؟؟؟
بس تراك غالي اي والله .
اشوفك على خير
نسيم

آهنيك على روعة مدونتك يانسيم
ماننحرم منك ولامن تآآلقك
وودي لك